’بدلہ لینا ہے، چھوڑنا نہیں ہے‘، جذباتی شائقین کی حارث رؤف سے گفتگو سوشل میڈیا پر وائرل
اشاعت کی تاریخ: 26th, September 2025 GMT
ایشیا کپ کے سپر فور مرحلے میں پاک بھارت مقابلے کے دوران قومی فاسٹ بولر حارث رؤف نے نہ صرف میدان بلکہ سوشل میڈیا پر بھی خاصی توجہ حاصل کی ہے۔ وکٹ حاصل کرنے کے بعد حارث رؤف نے منفرد انداز میں دوڑتے ہوئے ہاتھ پھیلائے جیسے کہ وہ جہاز اڑا رہے ہوں، جس سے شائقین کرکٹ میں جوش و جذبہ بھر گیا۔
اس کے علاوہ، انہوں نے بھارتی رافیل طیاروں کی تباہی کی یاد دلاتے ہوئے مخصوص اشارے بھی کیے، جو مداحوں کو پرجوش کر گئے۔
یہ بھی پڑھیں: گول کے بعد ’چائے‘ کا اشارہ، حارث رؤف اور صاحبزادہ فرحان کے بعد محمد عبداللہ کی ویڈیو وائرل
اب حارث رؤف کی ایک اور ویڈیو سوشل میڈیا پر وائرل ہو رہی ہے جس میں وہ بنگلادیش کو شکست دینے کے بعد شائقین سے ہاتھ ملا رہے ہیں۔ اس موقع پر شائقین نے انہیں بھرپور حوصلہ دیتے ہوئے کہا کہ ایشیا کپ کے فائنل میں بھارت سے بدلہ لینا ہے اور انہیں ہرگز نہیں چھوڑنا۔
A fan's clear message to Haris Rauf for India vs Pakistan final match of the Asia Cup.
— Ahtasham Riaz (@ahtashamriaz22) September 25, 2025
ایک صارف نے ویڈیو پر تبصرہ کرتے ہوئے کہا کہ یہ ہم سب کی طرف سے ہے، انہوں نے پاکستان کرکٹ ٹیم کو مخاطب کرتے ہوئے کہا کہ پلیز اس بار آپ کو جیتنا ہی ہو گا۔
This is all of us rn????????????????pct you better win this for us https://t.co/lAx6AjQDSN
— Rimmylicious???????? (@PCTgems_16) September 26, 2025
ناصر علی نے کہا کہ یہی جذبات ہر پاکستانی کے ہیں کہ انڈیا کو چھوڑنا نہیں ہے نہ کرکٹ میں اور نہ ہی جنگ میں۔
یہی جذبات ہر پاکستانی کے ہیں کہ انڈیا کو چھوڑنا نہیں ہے نہ کرکٹ میں نہ جنگ میں…#PAKvsBAN #PakistanCricket #PAKvBAN #PakVsInd #INDvsPAK #AsiaCup2025 #AsiaCupT20 #asiacupfinal #HarisRauf #India #Pakistan https://t.co/PaQsfIKCI4
— Nasir Ali (@NasirAl62861267) September 25, 2025
واضح رہے کہ ایشیا کپ ٹی ٹوئنٹی کے سپر 4 مرحلے کے اہم میچ میں پاکستان نے بنگلادیش کو دلچسپ مقابلے کے بعد 11 رنز سے شکست دے کر فائنل کیلئے کوالیفائی کرلیا ہے۔ ایشیا کپ کی 41 سالہ تاریخ میں پہلی بار پاکستان اور بھارت28 ستمبر کو فائنل میں آمنے سامنے ہوں گے۔ واضح رہے کہ بھارت سب سے زیادہ 8 بار ایشیا کپ جیت چکا ہے، سری لنکا نے 6 بار اور پاکستان نے 2 بار ٹرافی اٹھائی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈین کرکٹ ٹیم پاکستان بمقابلہ بنگلہ دیش پاکستان بمقابلہ بھارت حارث رؤف رافیلذریعہ: WE News
کلیدی لفظ: انڈین کرکٹ ٹیم پاکستان بمقابلہ بنگلہ دیش پاکستان بمقابلہ بھارت رافیل ایشیا کپ کے بعد کہا کہ
پڑھیں:
دبئی میٹنگ میں ایشیا کپ ٹرافی تنازع زیرِبحث، آئی سی سی نے مدد کی پیشکش کردی
data-id="863a0a8" data-element_type="widget" data-widget_type="theme-post-content.default">
دبئی: ایشیا کپ ٹرافی کے تنازع نے کرکٹ حلقوں میں کئی سوالات کھڑے کر دیے ہیں، تاہم اب اس معاملے میں انٹرنیشنل کرکٹ کونسل (آئی سی سی) بھی کردار ادا کرنے کے لیے تیار ہو گئی ہے۔
خبر رساں اداروں کے مطابق دبئی میں گزشتہ روز ہونے والی بورڈ میٹنگ کے دوران وقفے میں رکن ممالک کے نمائندوں کے درمیان اس موضوع پر غیر رسمی گفتگو ہوئی، جس میں آئی سی سی نے تنازع کے حل میں مدد کی پیشکش کر دی۔
ذرائع کے مطابق یہ معاملہ میٹنگ کے باضابطہ ایجنڈے کا حصہ نہیں تھا، تاہم سائیڈ لائنز پر موجود متعدد رکن ممالک نے اس پر تشویش کا اظہار کرتے ہوئے کہا کہ ایشیا کپ ٹرافی کا تنازع خوش اسلوبی سے ختم ہونا چاہیے۔
اس موقع پر ایشین کرکٹ کونسل (اے سی سی) کے صدر محسن نقوی نے بھی اس بات پر آمادگی ظاہر کی کہ اگر تمام فریقین تعاون کریں تو معاملے کو بغیر کسی تنازع کے حل کیا جا سکتا ہے۔
محسن نقوی کا کہنا تھا کہ ایشیا کپ خطے کے کروڑوں شائقین کے لیے ایک علامتی ایونٹ ہے اور اس کے وقار کو برقرار رکھنے کے لیے ضروری ہے کہ ٹرافی جیسے مسئلے کو سیاسی یا ذاتی اختلافات سے بالاتر ہو کر حل کیا جائے۔ انہوں نے کہا کہ ہم چاہتے ہیں کہ ایشیائی ممالک کے درمیان کرکٹ کا رشتہ مزید مضبوط ہو اور ایسے تنازعات کھیل کی روح کو متاثر نہ کریں۔
ذرائع کا مزید کہنا ہے کہ اگرچہ آئی سی سی نے باضابطہ طور پر کوئی کمیٹی تشکیل نہیں دی، تاہم تنظیم نے پیشکش کی ہے کہ اگر رکن ممالک متفق ہوں تو وہ ثالثی یا مشاورت کا کردار ادا کر سکتی ہے۔ فی الحال یہ فیصلہ نہیں ہوا کہ معاملے کو کس طریقہ کار کے تحت آگے بڑھایا جائے گا، تاہم یہ پیشرفت اس بات کا عندیہ دیتی ہے کہ آئی سی سی پہلی بار ایشین کرکٹ کے اندرونی تنازع میں مداخلت کے لیے آمادہ ہے۔
عورتوں کو بس بچے پیدا کرنے والی شے سمجھا جاتا ہے؛ ثانیہ سعید