دنانیر کے بچپن کی وائرل ویڈیو پر صارفین کے دلچسپ تبصرے
اشاعت کی تاریخ: 10th, November 2025 GMT
معروف پاکستانی سوشل میڈیا انفلوئنسر و اداکارہ دنانیر مبین کے بچپن کی ایک ویڈیو سوشل میڈیا پر وائرل ہوگئی ہے۔
حال ہی میں اداکارہ کے بچپن کی ایک ویڈیو سوشل میڈیا پر صارفین کی خصوصی توجہ کا مرکز بنی ہے۔
اس وائرل ویڈیو میں دنانیر مبین کو پاکستان ٹیلی ویژن کے ایک پروگرام میں میزبان کے ساتھ انتہائی پُر اعتماد انداز میں بات کرتے ہوئے دیکھا جا سکتا ہے۔
View this post on InstagramA post shared by Entertainment Website (@starsworld.
اداکارہ نے میزبان کو بتایا کہ میں آپ کے تمام شوز شوق سے دیکھتی ہوں اور ابھی تک آپ کے شو کی ایک بھی قسط ایسی نہیں ہے جو میں نے نہ دیکھی ہو تو کیا میں آپ کے شو کا حصہ بن سکتی ہوں؟
جس پر میزبان نے دنانیر کو جواب دیتے ہوئے کہا کہ بالکل، آپ میرے شو کا حصہ بن سکتی ہیں۔
اس وائرل ویڈیو کو سوشل میڈیا صارفین کی جانب سے بہت پسند کیا جا رہا اور اداکارہ کی خوبصورتی اور اعتماد کی خوب تعریفیں بھی کر رہے ہیں۔
واضح رہے کہ دنانیر مبین وائرل ویڈیو’پاوری گرل‘ سے شہرت حاصل کرنے کے بعد اب تک کئی کامیاب ٹی وی ڈراموں میں اپنی اداکاری کے جوہر دکھا چکی ہیں اور اب وہ بڑی اسکرین پر جلوہ گر ہونے کے لیے بھی تیار ہیں۔
ذریعہ: Daily Mumtaz
کلیدی لفظ: وائرل ویڈیو سوشل میڈیا
پڑھیں:
روس میں فوجی ہیلی کاپٹر تباہ، 5 افراد ہلاک، حادثے کی ویڈیو وائرل
روس کی ریاست داغستان میں ایک ہیلی کاپٹر حادثے میں کم از کم 5 افراد ہلاک ہو گئے، جن میں ایک روسی فوجی فیکٹری کے 4 سینیئر اہلکار بھی شامل ہیں۔
کے اے 226 ہیلی کاپٹر داغستان میں یورپی یونین کی پابندیوں کا شکار کزلیئر الیکٹرومیکینیکل پلانٹ کے ملازمین کو لے جا رہا تھا، جب یہ کیسپین سمندر کے قریب ایک گاؤں میں حادثے کا شکار ہو گیا۔
یہ بھی پڑھیں:کیلیفورنیا میں امریکی نیوی کا ایف-35 لڑاکا طیارہ گر کر تباہ، ویڈیو بھی آگئی
حادثہ 7 نومبر کو پیش آیا تھا جس کا ویڈیو فوٹیج سوشل میڈیا پر وائرل ہو گیا۔
Wild video shows Russian chopper pilot make baffling choice before deadly crash https://t.co/nCg57TNhlg pic.twitter.com/Jn8N6SbUKm
— New York Post (@nypost) November 9, 2025
مذکورہ ویڈیو میں دیکھا جا سکتا ہے کہ ہیلی کاپٹر ساحل پر لینڈ کرنے کی کوشش کر رہا تھا کہ اس کی دم ایک چٹان سے ٹکرا گئی۔
جس کے نتیجے میں پچھلا روٹر ٹوٹ گیا۔ دم کے ٹوٹنے کے بعد ہیلی کاپٹر اپنا توازن کھو بیٹھا۔
بعد ازاں، بدقسمت ہیلی کاپٹر ہیلی کاپٹر گاؤں آچی-سو کے قریب ایک خالی رہائشی گھر سے ٹکرایا، جو بعد میں لگنے والی آگ سے تباہ ہو گیا۔
مزید پڑھیں: ایک اور جہاز گرگیا: بین الاقوامی ایوی ایشن سیفٹی ایجنسیوں کا ضمیر بھی
روس کی سرکاری خبر رساں ایجنسی طاس کے مطابق، ہنگامی خدمات کے ذرائع نے یہ اطلاع دی۔
ایک اور ویڈیو میں دیکھا جا سکتا ہے کہ ہیلی کاپٹر نے گھر کی چھت کو چیرتے ہوئے آگ پکڑ لی۔
آن لائن پوسٹ شدہ ویڈیوز میں فائر فائٹرز کو گھر کی تباہی اور آگ بجھانے کی کوشش کرتے بھی دکھایا گیا ہے۔
مزید پڑھیں:اسلام آباد ایئرپورٹ کے قریب تربیتی طیارہ گرگیا، پائلٹ اور ٹرینی زخمی
کزلیئر پلانٹ نے بعد میں ایک بیان میں کہا کہ اس کے 4 ملازمین حادثے میں ہلاک ہو گئے، جن میں کمپنی کے نائب جنرل ڈائریکٹر برائے تعمیرات اور ٹرانسپورٹ سپورٹ اچالو ماگومیدوف بھی شامل ہیں۔
ایک کے اے 226 فلائٹ میکینک بھی حادثے میں ہلاک ہوا جبکہ 2 افراد زخمی ہوئے۔
میڈیا رپورٹس کے مطابق، حادثے کی وجہ ایک تکنیکی خرابی تھی اور کسی غلط کاری کا کوئی اشارہ نہیں ملا۔
مزید پڑھیں: کینیا کے آرمی چیف ہیلی کاپٹر حادثے میں ہلاک ہوگئے
روس کی وفاقی ایوی ایشن ایجنسی نے اس حادثے کو ’آفت‘ قرار دیتے ہوئے کہا کہ وہ سرکاری تحقیقات میں حصہ لے گی۔
یورپی یونیننے 2024 میں کزلیئرپلانٹ پر پابندیاں عائد کی تھیں کیونکہ یہ روسی فوج کے لیے ہوائی جہاز کے آلات تیار کرتا تھا۔
اس وقت یورپی یونین کا مؤقف تھا کہ کزلیئر الیکٹرومیکینیکل پلانٹ یوکرین کی علاقائی سالمیت، خودمختاری اور آزادی کو نقصان پہنچانے یا خطرہ پیدا کرنے والے اقدامات کی مادی حمایت کا ذمہ دار ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
الیکٹرومیکینیکل پلانٹ ایوی ایشن ایجنسی داغستان روس فوجی فیکٹری کیسپین ہیلی کاپٹر یورپی یونین یوکرین
اگر امریکہ میں ہائر ایکٹ حقیقت بن گیا تو یہ ہندوستانی معیشت کو آگ لگا دیگا، کانگریس