زبیر بلوچ کے قتل کی تحقیقات کی جائے، امان اللہ کنرانی
اشاعت کی تاریخ: 26th, September 2025 GMT
اپنے ایک بیان میں امان اللہ کنرانی نے کہا ہے کہ میجر جنرل سکندر مرزا کے دور سے حالیہ سالوں تک گھروں میں گھس کر قانون و آئین سے ماوراء اتنے قتل نہیں کئے جاتے تھے، جتنے اب معمول بن چکے ہیں۔ اسلام ٹائمز۔ سپریم کورٹ بار ایسوسی ایشن کے سابق صدر امان اللہ کنرانی ایڈووکیٹ نے زبیر بلوچ ایڈووکیٹ کے قتل کی مذمت کرتے ہوئے مطالبہ کیا ہے کہ سانحہ دالبندین کے ذمہ داروں کو کیفر کردار تک پہنچایا جائے۔ اپنے ایک بیان میں انہوں نے کہا ہے کہ میجر جنرل سکندر مرزا کے دور سے حالیہ سالوں تک گھروں میں گھس کر قانون و آئین سے ماوراء اتنے قتل نہیں کئے جاتے تھے، جتنے اب معمول بن چکے ہیں۔ جیسے دالبندین میں ایک مہذب، پرامن و تعلیم یافتہ نوجوان وکیل زبیر بلوچ کو گھر میں گھس کر گولیوں سے بھون ڈالا گیا۔ ہم اس واقعہ کو 26 اگست 2006 کو نواب محمد اکبر خان بگٹی کی شہادت کی طرح سینکڑوں بلوچ و پشتون نوجوانوں کی زندگیوں کو گل کرنے کا تسلسل سمجھتے ہیں۔ انہوں نے مزید کہا کہ اسی طرح ہزاروں کی تعداد میں لاپتہ افراد کی جبری گمشدگیوں کی غیر آئینی و غیر قانونی عمل کو آئین کی صریحا خلاف ورزی اور قابل مذمت عمل کو انسانی و اسلامی و شہری و اخلاقی اقدار، چادر اور چار دیواری کے تقدس کو تار تار و پامالی کا دانستہ حصہ سمجھ کر نفرت کی نگاہ سے دیکھتے ہیں اور مطالبہ کرتے ہیں دالبندین سانحہ کے ذمہ داروں کو کیفر کردار تک پہنچایا جائے۔ جیسے جنرل آصف نواز جنجوعہ مرحوم نے ٹنڈو بہاول سندھ کے بے گناہ مزارعین کے خلاف جھوٹے چھاپے میں مارنے جانے پر میجر و کیپٹن و 9 اہلکاروں کو تختہ دار پر لٹکایا تھا۔
.ذریعہ: Islam Times
پڑھیں:
رانا ثنا اللہ کا بے نظیر انکم سپورٹ کو بے نظیر روزگار اسکیم میں تبدیل کرنے کا اعلان
ویب ڈیسک :وزیراعظم کے مشیر رانا ثنا اللہ نے کہا ہےکہ بے نظیر انکم سپورٹ کو بے نظیر روزگار اسکیم میں تبدیل کردیا جائے۔
رانا ثنا اللہ نے کہا کہ پیپلزپارٹی کے سینئر رہنماؤں سے بات ہوسکتی ہے کیونکہ بے نظیر انکم سپورٹ پروگرام وفاقی نوعیت کا ہے اور وفاقی سطح پر تجویز ہے کہ اس پروگرام کو صوبے بھی منظور کریں۔
انہوں نے کہا کہ بے نظیر انکم سپورٹ پروگرام چل رہاہے اور اچھا پروگرام ہے، ہم چاہتے ہیں اس پروگرام کو مزید مؤثر بنایا جائے کیونکہ ہماری خواہش ہے کہ یہ پروگرام لوگوں کو روزگار فراہم کرے، بے نظیر انکم سپورٹ کو بے نظیر روزگار اسکیم میں تبدیل کردیا جائے اور سننے میں آیا ہے کہ اس طرح کی اسکیم زیر غور ہے۔
امریکی بحری جہاز دو روزہ دورے پر کراچی بندرگاہ پہنچ گیا
رانا ثنا اللہ کا کہنا تھا کہ پیپلزپارٹی کی رائے ہے تو انہیں ضرور بتانا چاہیے، سیاسی جماعتوں کے درمیان بیان بازی کو مثبت معنوں میں لینا چاہیے اور باہمی مسائل کے لیے ایک کمیٹی پنجاب میں موجود ہے۔
حالیہ سیلاب اور اس کی تباہ کاریوں پر انہوں نے کہا کہ جہاں سیلاب آیا وہاں آزادانہ سروے ہوا ہے اور ڈیٹا کے مطابق سیلاب متاثرین کی معاونت کی جائےگی، سیلاب زدگان کی مدد صوبائی سطح پر ہوگی۔
پاکستان کا پہلا جدید سیٹلائٹ خلا میں بھیجنے کی تیاری مکمل
غزہ کے فاقہ کش مجاہدین 58مسلم حکمرانوںسے افضل ہیں‘ ابوالخیر زبیر