بلوچستان میں سیکورٹی فورسز کی کارروائیاں، فتنۃ الہندوستان کے 18 دہشت گرد مارے گئے
اشاعت کی تاریخ: 30th, October 2025 GMT
راولپنڈی: بلوچستان میں سیکورٹی فورسز کی کارروائیوں میں فتنۃ الہندوستان کے 18 دہشت گرد مارے گئے۔
پاک فوج کے شعبہ تعلقات عامہ (آئی ایس پی آر) کے مطابق سیکورٹی فورسز نے 2 الگ الگ کارروائیوں میں فتنۃ الہندوستان سے وابستہ 18 دہشت گردوں کو ہلاک کر دیا۔ یہ کارروائیاں 28 اور 29 اکتوبر کو کوئٹہ کے چلتن پہاڑوں اور کیچ کے علاقے بلیدہ میں انٹیلی جنس معلومات کی بنیاد پر کی گئیں۔
ترجمان پاک فوج کے مطابق کوئٹہ کے قریب چلتن پہاڑوں میں دہشت گردوں کی موجودگی کی اطلاع پر فورسز نے گھیراؤ کیا۔ اس دوران شدید فائرنگ کا تبادلہ ہوا اور آپریشن میں 14 دہشت گرد مارے گئے، جو تخریب کاری اور دہشت گردی کی متعدد کارروائیوں میں ملوث تھے۔
اسی دوران ضلع کیچ کے علاقے بلیدہ میں ہونے والی دوسری کارروائی میں فورسز نے ایک اور دہشت گرد ٹھکانے کو نشانہ بنایا۔ اس آپریشن میں مزید 4 دہشت گرد ہلاک ہوئے، جن کے قبضے سے بھاری مقدار میں اسلحہ، گولہ بارود، مواصلاتی آلات اور دھماکہ خیز مواد برآمد کیا گیا۔
آئی ایس پی آر کے مطابق یہ نیٹ ورک سرحد پار سے معاونت حاصل کر کے بلوچستان میں بدامنی پھیلانے کی کوششوں میں مصروف تھا۔
ترجمان پاک فوج نے بتایا کہ دونوں مقامات پر سرچ اور کلیئرنس آپریشن جاری ہے تاکہ کسی بھی چھپے ہوئے دہشت گرد کو گرفتار یا ختم کیا جا سکے۔ ترجمان کے مطابق ویژن “عزمِ استحکام” کے تحت سیکورٹی فورسز دہشت گردی کے مکمل خاتمے کے لیے پوری قوت سے مصروفِ عمل ہیں۔ غیر ملکی پشت پناہی رکھنے والے دہشت گرد عناصر کے لیے اب پاکستان میں کوئی گنجائش نہیں رہی۔
دوسری جانب وزیراعظم شہباز شریف نے بلوچستان میں ہونے والی ان کامیاب کارروائیوں پر سیکورٹی فورسز کو خراجِ تحسین پیش کیا۔ انہوں نے کہا کہ ملک دشمن عناصر کے خلاف پاک فوج اور قانون نافذ کرنے والے اداروں کا عزم و حوصلہ قابلِ فخر ہے۔
شہباز شریف نے کہا کہ دہشت گردوں کے سہولت کار چاہے اندر ہوں یا باہر، انہیں کیفرِ کردار تک پہنچایا جائے گا۔
.ذریعہ: Al Qamar Online
کلیدی لفظ: پاکستان کھیل سیکورٹی فورسز بلوچستان میں کے مطابق پاک فوج
پڑھیں:
بلوچستان: فورسز کی کارروائیوں میں بھارتی سرپرستی یافتہ 18 دہشتگرد ہلاک
راولپنڈی (ڈیلی پاکستان آن لائن)بلوچستان کے مختلف علاقوں میں سکیورٹی فورسز کی کارروائیوں میں 18 دہشتگرد ہلاک ہوگئے۔
پاک فوج کے شعبہ تعلقعات عامہ (آئی ایس پی آر) کے مطابق 28 اور 29 اکتوبر کو بلوچستان میں 2 الگ الگ کارروائیوں میں 18 دہشتگرد ہلاک ہوئے۔
آئی ایس پی آر کا بتانا ہےکہ کوئٹہ کے علاقے چلتن میں دہشتگردوں کی موجودگی کی اطلاع پر انٹیلی جنس بیسڈ آپریشن کیاگیا جس دوران فورسز نے دہشتگردوں کے ٹھکانے کو مؤثر انداز میں نشانہ بنایا، اس دوران شدید فائرنگ کے تبادلے میں بھارتی سرپرستی یافتہ 14 دہشتگرد ہلاک ہوئے۔
اہلخانہ سے 40 لاکھ کی وصولی، سی سی ڈی انسپکٹر تاجر کی اغوا واردات کا ماسٹر مائنڈ نکلا
آئی ایس پی آر کے مطابق ایک اورانٹیلی جنس بیسڈ آپریشن کیچ کے علاقے بلیدہ میں کیا گیا جہاں دہشتگردوں کے ایک ٹھکانے کو تباہ کرتے ہوئے 4 دہشتگردوں کو ہلاک کردیا گیا، مارے گئے دہشتگردوں سے اسلحہ، گولہ بارود اور بارودی مواد برآمد کیا گیا جب کہ دہشتگرد مختلف دہشتگردانہ کارروائیوں میں ملوث تھے۔
آئی ایس پی آر کا کہنا ہےکہ کسی بھی بھارتی اسپانسرڈ دہشتگرد کو انجام تک پہنچانے کے لیے علاقے میں کلیئرنس آپریشنزجاری ہے، سکیورٹی فورسز اور قانون نافذ کرنےوالےادارے ’عزم استحکام‘ کے تحت انسدادِدہشتگردی مہم جاری رکھے ہوئے ہیں تاکہ ملک سے غیرملکی سرپرستی و حمایت یافتہ دہشتگردی کے ناسور کو مکمل طور پر ختم کیا جا سکے۔
وزیراعظم آزادکشمیرکیخلاف تحریک عدم اعتماد یکم نومبر کو پیش کیے جانے کا امکان
مزید :
افغانستان کیلئے تجارتی راہداریاں بند رہیں گی، پاکستان کا اعلان