سری لنکا میں توہینِ اسلام پر بدھ رہنما کو 9 ماہ قید کی سزا
اشاعت کی تاریخ: 9th, January 2025 GMT
کولمبو:سری لنکا کی ایک عدالت نے بدھ مت کے رہنما گالاگوداتے گناناسارا کو اسلام اور مسلمانوں کے خلاف نفرت انگیز تقاریر کرنے کے الزام میں 9 ماہ قید کی سزا سنائی ہے۔
بین الاقوامی خبر رساں اداروں کے مطابق گنانا سارا اپنے اشتعال انگیز بیانات اور نفرت انگیز تقاریر کی وجہ سے کافی مشہور ہیں اور یہ سزا انہیں مذہبی منافرت پھیلانے اور توہینِ اسلام کے جرم میں دی گئی ہے۔ان کے خلاف تازہ مقدمہ اس وقت قائم کیا گیا جب انہوں نے ایک تقریب میں مسلمانوں کے خلاف توہین آمیز الفاظ استعمال کیے۔ مقدمے سے متعلق شواہد اور ان کے اعتراف جرم کی بنیاد پر عدالت نے انہیں قید کی سزا دی۔
واضح رہے کہ یہ پہلا موقع نہیں ہے کہ گناناسارا کو سزا دی گئی ہو۔ اس سے قبل بھی وہ مسلمانوں کے خلاف نفرت انگیز بیانات دینے پر 4 سال کی قید کاٹ چکے ہیں، لیکن پیرول پر رہا ہونے کے بعد انہوں نے ایک بار پھر مذہبی منافرت پھیلانے کا جرم کیا ہے۔
دوسری جانب سری لنکا کے مسلم رہنماؤں نے اس فیصلے پر اظہارِ ناپسندیدگی کرتے ہوئے سزا کو ناکافی قرار دیا ہے۔ مقامی مسلمانوں کا کہنا ہے کہ یہ عادی مجرم معمولی سزاؤں سے سبق نہیں لے رہا، جس پر اعلیٰ عدالت سے رجوع کرنے کا فیصلہ کیا گیا ہے تاکہ مزید سخت سزا کا مطالبہ کیا جا سکے۔
.ذریعہ: Jasarat News
کلیدی لفظ: کے خلاف
پڑھیں:
پاکستان تحریک انصاف کے سینئر رہنما اسلام آباد سے گرفتار
سابق وزیر قانون پنجاب و رہنما پاکستان تحریک انصاف محمد بشارت راجہ کو پولیس نے گرفتار کر لیا۔
انہیں گرفتار کرنے کے بعد اسلام آباد کے تھانہ نیو ٹاون منتقل کردیا گیا، راجہ بشارت راولپنڈی الیکشن ٹریبیونل میں NA55 کے کیس کی تاریخ پر آئے تھے۔
راجہ بشارت نے کہا کہ تمام مقدمات میں ضمانت کنفرم ہے، ان اوچھے ہتھکنڈوں سے گھبرانے والے نہیں، ان کےوکیل سردار عبد الرازق نے کہا کہ راجہ بشارت تمام مقدمات میں ضمانت پر ہیں، ہم نے پولیس کو تمام ضمانت نامے دکھائے مگر پولیس نے گرفتار کر لیا۔
پولیس ٹیم نے کہا کہ ہمیں گرفتاری کا حکم ہے جو کہ کہنا ہے تھانہ نیو ٹاؤن آکر افسران سے کہیں، راجہ بشارت کی وکلا ٹیم بھی ضمانت ناموں سمیت تھانہ نیو ٹاؤن پہنچ گئی۔
پی ٹی آئی نے سینیٹ کی نشستوں کے لیے امیدواروں کو ٹکٹ جاری کردیئے