ملالہ یوسفزئی کل اپنے وطن پاکستان آ رہی ہیں
اشاعت کی تاریخ: 10th, January 2025 GMT
سٹی42: نوبیل لورئیٹ ، بچیوں کی تعلیم کے حق کی سرگرم وکیل ملالہ یوسفزئی کل اپنے وطن پاکستان آ رہی ہیں۔
ملالہ یوسف زئی کو سوات میں خوارجی دہشتگردوں نے اس وقت سر پر گولی مار کر شدید زخمی کر دیا تھا جب وہ سکول سے گھر واپس جانے کے لئے سکول وین میں سوار تھیں۔ اس حملے کے وقت ملالہ کی عمر 15 سال تھی۔ عسکری ہسپتال میں ان کی جان بچانے کے لئے ڈاکٹروں نے سر توڑ کوششیں کیں، سر کی مزید پیچیدہ سرجری کے لئے انہیں لندن جانا پڑا۔ تب سے وہ وہیں مقیم ہیں تاہم دو مرتبہ پاکستان آ چکی ہیں۔
مسائل کے حل کیلئے کاروباری برادری کے ساتھ رابطہ رکھنا ضروری ہے:گورنر سٹیٹ بینک
ملالہ یوسف زئی اسلام آباد میں ایجوکیشن کانفرنس میں شرکت کے لیے دو دن تک پاکستان میں رہیں گی۔
وفاقی سیکرٹری تعلیم محی الدین وانی کنے بتایا ہے کہ ملالہ یوسفزئی 11 اور 12 جنوری کو ہونے والی 2 روزہ کانفرنس میں مہمان خصوصی ہوں گی۔اس ایجوکیشن کانفرنس کا عنوان "مسلم ممالک میں بچیوں کی تعلیم " ہے۔
ملالہ یوسفزئی نے اپنے علاقہ سوات میں خوارجی دہشتگردوں کے قبضہ کے دوران تعلیم جاری رکھنے کے تجربات کو روزنامچہ / ڈائری میں قلم بند کیا تھا، ان کی تحریروں کو ایک بین الاقوامی نیوز آؤٹ لیٹ نے قلمی نام سے باقاعدگی سے شائع کیا اور وہ بچیوں کے تعلیم کے حق کی داعی کی حیثیت سے ابھریں،کم عمر ملالہ کے اس امیج سے خوف زدہ ہو کر خوارجی دہشتگردوں نے ان پر سکول سے واپسی کے دوران قاتلانہ حملہ کیا تھا۔
آج کے گوشت اور انڈوں کے ریٹس -جمعرات 09جنوری ، 2024
ملالہ یوسف زئی نے حملہ میں زندہ بچ جانے کے بعد بچیوں کی تعلیم کے مقصد کے ساتھ وابستگی برقرار رکھی، ان کی بلند حوصلگی سے متاثر ہو کر نویبل پرائز کمیٹی نے ملالہ یوسف زئی کو نوبیل پرائز کے لئے منتخب کیا اور وہ اب تک سب سے کم عمر نوبیل لورئیٹ بن گئیں۔ 10 اکتوبر 2014ء کو ملالہ کو بچوں اور کم عمر افراد کی آزادی اور تمام بچوں کو تعلیم کے حق کے بارے جدوجہد کرنے پر 2014ء کا نوبل امن انعام دیا گیا ۔
پنجاب میں ترقیاتی سکیموں و منصوبوں کی رفتار تیز کرنے کے لئے نئی حکمت عملی مرتب
ملالہ یوسفزئی لندن میں زیر تعلیم ہیں اور اس کے ساتھ دنیا بھر میں بچیوں کی تعلیم کے لئے مہم چلانے میں اپنی فاؤنڈیشن کے پلیٹ فارم سے اور اقوام متحدہ سمیت ہر دستیاب پلیٹ فارم سے کام کر رہی ہیں۔
Waseem Azmet.ذریعہ: City 42
کلیدی لفظ: ملالہ یوسفزئی ملالہ یوسفزئی ملالہ یوسفزئی ملالہ یوسفزئی تعلیم کے کے لئے
پڑھیں:
کامن ویلتھ کی الیکشن رپورٹ نے بھی انتخابی دھاندلی کا پول کھول دیا. عمران خان
راولپنڈی(اردوپوائنٹ اخبارتازہ ترین-انٹرنیشنل پریس ایجنسی۔16 ستمبر ۔2025 )تحریک انصاف کے بانی چیئرمین اور سابق وزیراعظم عمران خان نے کہا ہے کہ کامن ویلتھ کی 8 فروری کے الیکشن پر لیک ہونے والی رپور ٹ نے بھی انتخابی دھاندلی کا پول کھول دیا کہ کیسے بے شرمی اور ڈھٹائی سے ہمارا مینڈیٹ چوری کیا گیا.(جاری ہے)
راولپنڈی کی اڈیالہ جیل میں وکلا اور فیملی سے گفتگو کرتے ہوئے انہوں نے کہا کہ کامن ویلتھ کے مطابق یہ رپورٹ پہلے ہی سرکاری سطح پر حکومت پاکستان کو دے دی گئی تھی مگر یہاں سکندر سلطان راجہ جیسے بے ضمیر لوگ ہیں جنہوں نے انتخابی چوری کی سہولت کاری سمیت اس پر پردہ ڈالنے میں بھی بھرپور کردار ادا کیا، پاکستان میں ووٹ چوری کا قانون سخت ہے اور ایسا کرنے پر آرٹیکل 6 کا نفاذ ہوتا ہے لیکن ملک میں سب قانون ختم ہو چکے ہیں.
سابق وزیراعظم نے کہا کہ یہاں پر لیاقت چٹھہ جیسے لوگ قابل تحسین ہیں جنہوں نے اپنے عہدے پر ضمیر کی آواز کو ترجیح دی، اس چوری کے بعد عوام کا قتل عام کیا گیا اور چھبیسویں آئینی ترمیم کی گئی، اس ترمیم کے خلاف بھی جن ججز نے آواز بلند کی وہ تعریف کے قابل ہیں، اب دھاندلی پر قائم حکومت کو قانونی طور پر قبول کرنے کا وقت اب ختم ہو چکا ہے اسی لئے سینیٹ اور پارلیمانی کمیٹیوں سے استعفے دئیے گئے ہیں. عمران خان نے کہا کہ پاکستان میں اس وقت جو بھی ہو رہا ہے عاصم لا کے تحت ہو رہا ہے اور مسلسل آئین و قانون کی دھجیاں اڑائی جا رہی ہیں، اپنے ارکان پارلیمنٹ کو پیغام دینا چاہتا ہوں کہ ملک میں نافذ عاصم لا سے بالکل نہ گھبرائیں نہ ہی جیل سے گھبرائیں، ایک فرد واحد اپنے اقتدار کی ہوس کو پورا کرنے کی خاطر آپ کو دبانا چاہتا ہے، اسی لئے ہماری جماعت پر ہر طرح کا ظلم ڈھایا گیا، آپ جتنا ان سے ڈریں گے یہ اتنا ہی آپ کو دبائیں گے، میں اپنی تمام پارٹی کو کہتا ہوں کہ آپ سب متحد رہیں ظلم کا نظام زیادہ دیر قائم نہیں رہے گا، آپ حق پر ہیں اور حق و سچ انسان کو بہادر بناتا ہے اور حق کی ہی فتح ہوتی ہے.
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام