چینی نمائش کنندگان نے سی ای ایس 2025 میں اختراعی انعامات جیت لیے
اشاعت کی تاریخ: 10th, January 2025 GMT
چینی نمائش کنندگان نے سی ای ایس 2025 میں اختراعی انعامات جیت لیے WhatsAppFacebookTwitter 0 10 January, 2025 سب نیوز
لاس ویگاس(شِنہوا)صارفین برقی نمائش (سی ای ایس) کے منتظم امریکی کنزیومرٹیکنالوجی ایسوسی ایشن (سی ٹی اے) کے سی ای او اور نائب چیئر گیری شپیرو نے بتایا ہے کہ 2025 سی ای ایس میں شرکت کرنے والے متعدد چینی نمائش کنندگان کو سی ای ایس اختراعی انعامات سے نوازا گیا ہے۔ دنیا کی سب سے بڑی ٹیک نمائش سی ای ایس 2025 امریکہ کے شہر لاس ویگاس میں باضابطہ طور پر شروع ہوئی۔
اس نمائش میں 160 سے زائد ممالک اور خطوں سے 4 ہزار500 سے زائد نمائش کنندگان کو راغب کیا گیاہےجن میں تقریباً 1,400 اسٹارٹ اپس شامل ہیں۔شپیرو نے شِنہوا کو ایک انٹرویو میں بتایا کہ سی ای ایس 2025 میں شرکت کرنے والے چینی نمائش کنندگان میں مصنوعی ذہانت، کمپیوٹر ہارڈویئر اور پیریفیرلز، ڈیجیٹل ہیلتھ، موبائل آلات اور لوازمات، سمارٹ ہوم، پائیداری اور توانائی/بجلی، روبوٹکس، ایکس آر اور سی ای ایس 2025 کے لیے ہمارے ایک نئے شعبے ۔
پالتو جانوروں کی ٹیکنالوجی جیسے شعبوں میں متعدد سی ای ایس اختراعی انعامات حاصل کرنے والے شامل ہیں۔سی ای ایس اختراعی انعامات کا پروگرام ایک سالانہ مقابلہ ہے جو صارفین کی ٹیکنالوجی مصنوعات میں شاندار ڈیزائن اور انجینئرنگ کو تسلیم کرتا ہے۔
.ذریعہ: Daily Sub News
کلیدی لفظ: اختراعی انعامات سی ای ایس 2025
پڑھیں:
کراچی میں انڈسٹریل الیکٹریکل اینڈ الیکٹرونکس انجینئرنگ فیئر کا آغاز
data-id="863a0a8" data-element_type="widget" data-widget_type="theme-post-content.default">
کراچی (رپورٹ:منیر عقیل انصاری)انڈسٹریل الیکٹریکل اینڈ الیکٹرونکس انجینئرنگ پاکستان فیئر کا 14واں ایڈیشن آج ایکسپو سینٹر کراچی میں باضابطہ طور پر شروع ہوگیا، جو 16 سے 18 ستمبر 2025 تک جاری رہے گا۔
یہ ایونٹ آئی ای ای ای پی کراچی سینٹر کی جانب سے، بدر ایکسپو سولیوشنز کے اشتراک سے منعقد کیا جا رہا ہے، جس میں 200 سے زائد مقامی و بین الاقوامی نمائش کنندگان شرکت کر رہے ہیں جو الیکٹریکل، الیکٹرانکس، اور قابلِ تجدید توانائی کے شعبوں کی نمائندگی کر رہے ہیں۔
اس موقع پر کراچی چیمبر آف کامرس اینڈ انڈسٹری (KCCI) کے صدر، جناب جاوید بلوانی، مہمانِ خصوصی کی حیثیت سے شریک ہوئے۔ انہوں نے منتظمین کو ایک اس نوعیت کے اہم اور وسیع پیمانے کے ایونٹ کے انعقاد پر سراہا.
“آئی ای ای ای پی فیئر الیکٹرانکس، الیکٹریکل اور قابلِ تجدید توانائی کے نمائش کنندگان، کنسلٹنٹس اور تجارتی زائرین کے لیے ایک منفرد موقع فراہم کرتا ہے کہ وہ اپنے خیالات کا تبادلہ کریں،
جدید ٹیکنالوجی میں ہونے والی ترقی سے آگاہی حاصل کریں، اور انجینئرنگ کے چیلنجز کے لیے جدید اور کم لاگت حل دریافت کریں۔ میں آئی ای ای ای پی کراچی اور بدر ایکسپو سولیوشنز کو ایک ایسا ایونٹ منعقد کرنے پر خراجِ تحسین پیش کرتا ہوں جس سے پوری صنعت کو فائدہ پہنچے گا۔”
اپنے استقبالیہ خطاب میں، انجینئر نوید اکرم انصاری، چیئرمین آئی ای ای ای پی کراچی سینٹر، نے اس نمائش کی صنعت میں روابط بڑھانے میں اہمیت پر زور دیا۔
“یہ نمائش کاروباری اداروں کو آپس میں رابطے قائم کرنے، پیشہ ورانہ شراکت داری بنانے اور مستقبل میں تعاون کے مواقع تلاش کرنے کے لیے ایک اہم پلیٹ فارم فراہم کرتی ہے۔ یہ فیئر مختلف صنعتی شعبوں کے اسٹیک ہولڈرز کے ایک وسیع میدان کو ایک چھت کے نیچے اکٹھا کرتا ہے۔”
ایونٹ کے دوران ایک اعلیٰ سطحی صنعتی سیمینار بھی منعقد کیا جا رہا ہے، جس میں تعمیرات، ٹیکسٹائل، اور متعلقہ صنعتوں میں توانائی کے حل پر توجہ دی جائے گی۔ اس میں پائیدار توانائی سے متعلق ماہرین کی آراء اور رہنمائی شامل ہوگی۔
آئی ای ای ای پی فیئر 2025 پاکستان کے انجینئرنگ اور ٹیکنالوجی کے شعبوں میں جدت، نیٹ ورکنگ، اور ترقی کے لیے ایک نمایاں پلیٹ فارم کے طور پر خدمات انجام دیتا رہے گا۔
قازقستان کے ساتھ براہ راست فضائی روابط سے کاروباری اور عوامی تعلقات کو فروغ ملے گا، صدر مملکت