جامشورو میں بے امنی عروج پر ، قانون کے محافظ بھی غیر محفوظ
اشاعت کی تاریخ: 11th, January 2025 GMT
جام شورو(نمائندہ جسارت) وزیراعلیٰ کا ضلع جامشورو جہاں بے امنی کا راج۔ اب قانون کے محافظ بھی محفوظ نہیں رہے، پولیس جج کے گھر سے چوری ہو نے والے ملزمان کو پکڑنے میں ناکام، شہری شدید خوف و ہراس میں مبتلا۔ ضلع جامشورو جو کہ موجودہ وزیراعلیٰ سید
مراد علی شاہ کا آبائی ضلع ہے، جامشورو ضلع میں اب عرصہ دراز سے شدید بے امنی کا راج قائم ہے۔ ضلع میں اَب قانون کے رکھوالے بھی محفوظ نہیں رہے، شہری، تاجر، طالب علم اور استاد لوٹ مار کا شکار ہےں، ضلع میں امن و امان بحال کرانے میں موجودہ ایس ایس پی تاحال ناکام نظر آتے ہیں۔ حال ہی میں جامشورو کے پوش علاقے مدینہ نگر سے نوشہرو فیروز کے سول جج سلامت کھوسو کے گھر سے نامعلوم چور ایک لاکھ روپے نقدی، سولر پینل کی پلیٹیں، بیٹریاں، ایل سی ڈی، ٹی وی اور دیگر قیمتی سامان چوری کر کے باآسانی فرار ہو گئے۔تاہم جامشوروپولیس نے اَصلی چوروں تک پہنچنے میں اپنا روایتی کردار ادا کرتے ہوئے کئی نوجوانوں کو شک کی بنیاد پر گرفتار کر لیا ہے اور ان کے ورثاءپر رقم کی ادائیگی کے لیے دبا¶ ڈالا جا رہا ہے جبکہ پولیس اِس کے باوجود وہ اصل مجرم کو پکڑنے میں ناکام رہے ہیں۔روز بروز بڑھتی ہوئی جرائم کی وارداتوں اور عدم تحفظ پرشہری شدید خوف و ہراس میں مبتلا ہوگئے ہیںجبکہ شدید بے امنی پر تاجروں اور وکلاءکے تحفظ فراہم کے لیے جلد عوامی رابطہ مہم شروع کرنے اور عملی جدوجہد شروع کرنے کا اعلان کرد یا ہے۔جامشورو کے تاجروں اور وکلائ، شہریوں نے مسلسل واقعات کی مذمت کرتے ہوئے وزیر اعلیٰ سندھ اور آئی جی سندھ پولیس سے مطالبہ کیا ہے کہ جرائم پیشہ افراد کی پردہ پوشی کرنے والے پولیس اہلکاروں کے خلاف فوری اور سخت قانونی کارروائی کی جائے اور شہریوں، تاجروں اور وکلاءکو تحفظ فراہم کیا جائے۔
چوری
ذریعہ: Jasarat News
پڑھیں:
(ایف اے ٹی ایف کی گرے لسٹ)بھارت کی پاکستان کے خلاف سازشیں ناکام
بھارت کو ناکامی کا سامنا کرنا پڑا،نئی دہلی میں ڈس انفو لیب قائم ، اجلاس میں پاکستان کو رپورٹنگ پر رکھنے کا فیصلہ،چین، ترکی اور چاپان کی جانب سے پاکستان کی مکمل حمایت
آپریشن بنیان مرصوص کے بعد بھارت کی پاکستان کو سفارتی سطح پر تنہا کرنے کیلئے بھرپور کوششیں، پاکستان کی سفارتی پوزیشن مضبوط ، سفارتی محاذ پر ایک اور کامیابی،ذرائع
بھارت کو ایف اے ٹی ایف میں بھی ناکامی کا سامنا کرنا پڑا جہاں پاکستان عالمی اعتماد کے ساتھ کامیاب ہوگیا۔ سکیورٹی ذرائع کے مطابق بھارت کے سفارتی وفد کی بھرپور کوشش رہی کہ پاکستان کو ایف اے ٹی ایف کے اجلاس میں ایک بار پھر گرے لسٹ میں شامل کرایا جائے، تاہم آج ہونے والے ایف اے ٹی ایف اجلاس میں پاکستان کو گرے لسٹ میں رکھنے کی بجائے رپورٹنگ پر رکھنے کا فیصلہ کیا گیا، ایف اے ٹی ایف فیصلے کے بعد بھارت اپنے مقاصد حاصل کرنے میں مکمل طور پر ناکام ہو چکا ہے، اجلاس کے دوران چین نے پاکستان کے حق میں واضح مؤقف اختیار کیا اور ریلیف کی حمایت کی، ترکی اور چاپان کی جانب سے بھی پاکستان کی مکمل حمایت کی گئی۔ذرائع نے کہا ہے کہ آپریشن بنیان مرصوص کے بعد بھارت نے پاکستان کو سفارتی سطح پر تنہا کرنے کیلئے بھرپور کوششیں کیں، پاکستان کیخلاف پروپیگنڈا کیلئے بھارتی خفیہ ایجنسی ’’را‘‘ پیش پیش رہی، ’’را‘‘ نے پاکستان کو بدنام کرنے کیلئے نئی دہلی میں ایک ڈس انفو لیب بھی قائم کی، اس ڈس انفو لیب کا مقصد پاکستان کے حوالے سے بین الاقوامی دنیا کو گمراہ کرنا ہے، اس ڈس انفو لیب کے ذریعے پاکستان کے خلاف جھوٹا اور من گھڑت پروپیگنڈا کیا جاتا ہے۔سکیورٹی ذرائع کی جانب سے کہا گیا کہ بھارتی حکومت کے سفارتی وفود دنیا کے مختلف ممالک گئے اور ہر جگہ پاکستان کے خلاف زہر افشانی کی گئی، دنیا کے کسی بھی ملک نے بھارت کے سفارتی وفد کے بیانیے کو پذیرائی نہیں دی، بھارت اسرائیل کی مدد سے ایف اے ٹی ایف کو پاکستان کے خلاف استعمال کرنے کی بھرپور کوشش کر رہا تھا، تاہم ایف اے ٹی ایف کے رکن ممالک نے بھارت کے منفی پروپیگنڈے کو نظر انداز کیا۔سکیورٹی ذرائع کا مزید کہنا ہے کہ بھارت کی تمام تر سازشوں کے باوجود پاکستان کو گرے لسٹ میں شامل نہ کرنا ایک بڑی کامیابی ہے، آپریشن بنیان مرصوص کے بعد سے پاکستان کی سفارتی پوزیشن مسلسل مضبوط ہو رہی ہے، ہندوتوا اور صہیونی لابی کی مشترکہ کوششیں بھی پاکستان کو گرے لسٹ میں شامل کروانے میں ناکام
انگلینڈ میں مچھیرے نے اتفاقاً انتہائی نایاب سمندری مخلوق پکڑلی، وہ بھی دو بار