متحدہ عرب امارات میں نئے خاندانی قوانین متعارف
اشاعت کی تاریخ: 11th, January 2025 GMT
ابوظہبی (مانیٹرنگ ڈیسک) متحدہ عرب امارات میں خاندانی قانون میں زبردست تبدیلیاں کی گئی ہیں جن کا اطلاق رواں برس اپریل سے ہوگا۔ عرب میڈیا کے مطابق متحدہ عرب امارات میں بچوں کی تحویل، مالی حقوق اور تعلیمی سرپرستی جیسے اہم خاندانی نوعیت کے قوانین میں ترامیم کی گئی ہیں۔ ان ترمیم میں شادی کےلیے عمر کی حد، والدین کے ساتھ بدسلوکی سمیت بچوں اور خاندانوں کے تحفظ کو بڑھانا ہے۔ لڑکوں اور لڑکیوں کی والد کی تحویل میں دینے کی عمر میں
توسیع کرکے 18 سال کردی گئی۔ اس سے پہلے بچے ماو¿ں کے پاس رہیں گے۔ نئی دفعات کے تحت 15 سال کی عمر کے بچوں کو یہ انتخاب کرنے کی اجازت ہے کہ وہ ماں یا باپ میں سے کس کے ساتھ رہنا چاہتے ہیں۔ تاہم عدالت کا ان کے انتخاب کو ان کے بہترین مفاد میں ہونے کی جانچ کرے گی۔ سنگین طبی یا نفسیاتی حالات کے حامل بچے 18 سال کی عمر کے بعد بھی ماں کے پاس ہی رہیں گے جب تک کہ عدالت کو یہ معلوم نہ ہو کہ متبادل انتظام بچے کی بہتر خدمت کرتا ہے۔ قانون میں کی گئی نئی ترمیم کے مطابق اب غیر مسلم ماو¿ں کو اجازت ہے کہ وہ عدالت کی منظوری سے اپنے 5 سال سے زیادہ عمر کے بچوں کو ان کے مسلمان والد سے اپنی تحویل میں لے سکیں۔ نئے قوانین کے تحت بیویاں اب 6 ماہ تک بیک ڈیٹڈ مینٹی ننس کا دعویٰ کر سکتی ہیں اور لازمی رقم میں اضافے کی درخواست کر سکتی ہیں۔ ماہانہ وظیفے میں اضافے کا مطالبہ بھی کرسکتی ہیں۔ اسی طرح بچوں کی شناختی دستاویزات کو سنبھالنے کے حوالے سے سخت ترامیم متعارف کرائی گئی ہیں۔ سفری شرائط کی خلاف ورزی یا بچوں کی سرپرستی کے دستاویزات فراہم کرنے میں ناکامی پر 5 ہزار درہم سے 10 ہزار درہم تک جرمانہ ہوسکتا ہے۔
ذریعہ: Jasarat News
پڑھیں:
واٹس ایپ کی ایپل واچ ایپلکیشن متعارف، فون نکالے بغیر میسجز دیکھنا ممکن
میٹا کی ملکیتی کمپنی واٹس ایپ نے بالآخر اپنی طویل انتظار کی جانے والی ایپل واچ ایپ لانچ کر دی جس کے ذریعے صارفین اب بغیر فون نکالے اپنے ہاتھ کی گھڑی سے براہ راست پیغامات اور کالز کے نوٹیفکیشن حاصل کر سکیں گے۔
یہ بھی پڑھیں: واٹس ایپ کا نیا اہم فیچر، صارفین فون نمبر شو کیے بغیر کال کرسکیں گے
نئی ایپ کے ذریعے صارفین کال نوٹیفکیشنز حاصل کرنے، مکمل پیغامات پڑھنے اور وائس میسجز ریکارڈ یا بھیجنے کے قابل ہوں گے۔
کمپنی کے مطابق واٹس ایپ کی تمام پلیٹ فارمز کی طرح ایپل واچ پر بھی ذاتی پیغامات اور کالز اینڈ ٹو اینڈ انکرپشن کے تحت محفوظ رہیں گی۔
میٹا کی جانب سے جاری بیان میں کہا گیا کہ یہ نیا تجربہ اپنا آئی فون نکالے بغیر آپ کو اپنی چیٹس سے باخبر رکھے گا۔
ایپ میں میسج ری ایکشنز، تصاویر اور اسٹیکرز کی واضح ڈسپلے کے علاوہ چَیٹ ہسٹری کی بہتر نمائش بھی شامل ہے۔
مزید پڑھیے: واٹس ایپ نے تھرڈ پارٹی گروپس متعارف کرانے کی تیاری شروع کردی
یہ ایپ ایپل واچ سیریز 4 یا اس سے جدید ماڈلز پر چلنے والے watchOS 10 یا اس سے نئے ورژن کی ضرورت رکھتی ہے۔
واٹس ایپ کے مطابق مستقبل میں اس ایپ میں مزید فیچرز بھی شامل کیے جائیں گے۔
یہ نیا اقدام کمپنی کی اس وسیع حکمتِ عملی کا حصہ ہے جس کا مقصد واٹس ایپ کو موبائل اور ڈیسک ٹاپ سے آگے دیگر ڈیوائسز تک وسعت دینا ہے۔
یاد رہے کہ اس سے قبل آئی پیڈ صارفین صرف براؤزر کے ذریعے واٹس ایپ استعمال کر سکتے تھے۔
مزید پڑھیں: واٹس ایپ میں پاس کیز فیچر متعارف، بیک اپ تک رسائی مزید آسان
ایپل واچ کے لیے ایپ کی یہ ریلیز اسنیپ چیٹ کی جانب سے اپنی واچ او ایس ایپ لانچ کیے جانے کے بعد سامنے آئی ہے جس میں صارفین مختلف انداز میں فوری پیغامات کا جواب دے سکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسمارٹ واچ واٹس ایپ واٹس ایپ ایپل واچ ایپلیکیشن
آزاد کشمیر، تحریکِ عدم اعتماد آج بھی پیش نہیں کی جا سکی