عینا آصف کے نئے ڈرامے کے ٹیزرپر مداحوں کا تنقید سے بھرپور ردعمل
اشاعت کی تاریخ: 12th, January 2025 GMT
پاکستانی ڈرامہ انڈسٹری کی نوجوان اور ابھرتی ہوئی اداکارہ عینا آصف ایک بار پھر سوشل میڈیا صارفین کی توجہ کا مرکز بن گئی ہیں، لیکن اس بار مثبت انداز میں نہیں۔ حال ہی میں ریلیز ہونے والے ان کے نئے ڈرامے ”جڑواں“ کے ٹیزر نے جہاں کچھ شائقین کو متوجہ کیا، وہیں کئی لوگوں نے اسے سخت تنقید کا نشانہ بنایا۔
ڈرامے کے ٹیزر میں عینا آصف پہلی بار ڈبل رول میں نظر آئیں گی، جس میں دو جڑواں بہنوں کی رقابت اور سازش کی کہانی پیش کی گئی ہے۔ تاہم، سوشل میڈیا صارفین نے اعتراض اٹھایا ہے کہ صرف 16 سال کی عمر میں عینا آصف کو ایسے بالغ اور پیچیدہ کردار دینا ان کے بچپن اور معصومیت کو چھیننے کے مترادف ہے۔
ایک صارف نے کمنٹ کیا، ’30 سالہ اداکاروں کے ہوتے ہوئے نابالغ اداکاراؤں کو کاسٹ کرنا بند کرو۔ یہ غیر مناسب اور غیر اخلاقی معلوم ہوتا ہے۔‘
کچھ ناقدین نے یہ دعویٰ بھی کیا ہے کہ ”جڑواں“ درحقیقت بھارتی ڈرامے ”عشق میں مرجاواں“ کی کاپی معلوم ہوتا ہے، جو شائقین کے لیے مایوسی کا باعث بن رہا ہے۔
عینا آصف، جنہوں نے ڈرامہ سیریلز ”بے بی باجی“ اور ”مائی ری“ کے ذریعے شہرت کی بلندیوں کو چھوا، اپنے نئے پروجیکٹس کے ساتھ مسلسل کامیابی کی جانب گامزن ہیں۔ انکے حالیہ ڈرامہ ”وہ ضدی سی“ میں ان کی اداکاری کو بھی خوب سراہا گیا۔
اداکاری کے ساتھ ساتھ عینا آصف اپنی تعلیم پر بھی توجہ دے رہی ہیں، جو انہیں دیگر نوجوان اداکاراؤں سے منفرد بناتا ہے۔ جہاں کچھ لوگوں کو عینا آصف کے نئے تجربات کا انتظار ہے، وہیں شائقین کا ایک بڑا حصہ یہ امید کرتا ہے کہ ڈرامہ انڈسٹری کم عمر اداکاروں کو ان کی عمر کے مطابق کردار فراہم کرے تاکہ وہ اپنی معصومیت اور قدرتی صلاحیتوں کو برقرار رکھ سکیں۔
.ذریعہ: Daily Mumtaz
پڑھیں:
نو لُک شاٹ پر ہونیوالی تنقید پر صائم بھی بول اُٹھے
قومی ٹیم کے نوجوان اوپنر صائم ایوب بھی اپنے نو لُک شاٹ پر ہونیوالی تنقید پر بول اُٹھے۔
پاکستان کرکٹ بورڈ (پی سی بی) کی جانب سے یوٹیوب پر جاری کردہ خصوصی عید شو کے دوران گفتگو کرتے ہوئے جارح مزاج اوپنر صائم ایوب نے ہوسٹ محمد حارث کے ساتھ مزاحیہ واقعہ شیئر کیا جو سوشل میڈیا پر وائرل ہوگیا۔
بائیں ہاتھ کے بلےباز بتایا کہ انجری کے بعد قومی ٹیم اور پاکستان سپر لیگ (پی ایس ایل) میں واپسی ہوئی تو فارم میں نہیں تھا، ایسے میں ایک میسج آیا، اس پیغام میں لکھا تھا کہ نو لُک شاٹ کی طرح کہیں نہ نظر آنے والا کھانا بھی کھارہے ہیں کیونکہ اب چھکے نہیں لگ رہے؟۔
مزید پڑھیں: وسیم اکرم کا مجسمہ دیکھ کر میمز کا طوفان اُمڈ آیا
صائم ایوب نے کہا کہ مجھے اس میسج پر غصہ نہیں آیا بلکہ خوب ہنسی آئی۔
انہوں نے کہا کہ ہمارے لوگ ہمیں محبت اور سپورٹ کرتے ہیں، انہیں فکر ہوتی ہے اور بات کرتے ہیں، اس لیے ایسی باتوں پر ناراض نہیں ہوتا بلکہ اُسے مثبت انداز میں لیتا ہوں۔
مزید پڑھیں: بابر، رضوان، شاہین کا مستقبل کیا؟ سابق کرکٹر نے بتادیا
جارح مزاج اوپنر نے کہا کہ میں نے اپنے نو لُک شاٹ پر ہونیوالی تنقید کو کبھی منفی انداز میں نہیں لیا، یہ لوگوں کے پیار دکھانے کا طریقہ ہے اور یہی اسٹورک میری انٹرنیشنل کرکٹ میں پہنچان کا سبب بھی بنا ہے۔
حکومت کا پیٹرولیم لیوی کو بڑھانے کا کوئی ارادہ نہیں،علی پرویزملک