توشہ خانہ 2 کیس ،عمران خان اور بشریٰ بی بی کیخلاف تحقیقات کیلئے نئی جے آئی ٹی تشکیل
اشاعت کی تاریخ: 14th, January 2025 GMT
وفاقی تحقیقاتی ایجنسی نے توشہ خانہ 2 کیس میں بانی پی ٹی آئی عمران خان اور ان کی اہلیہ بشریٰ بی بی کیخلاف تحقیقات کیلئے نئی جے آئی ٹی تشکیل دیدی ہے، اسسٹنٹ ڈائریکٹر واجد حسین 3 رکنی تحقیقات ٹیم کی نگرانی کریں گے جبکہ جے آئی ٹی میں دو افسران سب انسپکٹر کاشف ریاض اور شمس خان اینٹی کرپشن سرکل سے شامل کئے گئے ہیں۔ تحقیقاتی ٹیم عدالت کی معاونت اور قانونی کارروائی آگے بڑھائے گی۔ایف آئی اے کی تحقیقاتی ٹیم بانی پی ٹی آئی عمران خان سے راولپنڈی کی اڈیالہ جیل میں اور ان کی اہلیہ بشریٰ بی بی سے تحقیقات کرے گی۔ خیال رہے کہ اس سے قبل توشہ خانہ ٹو کیس میں بانی پی ٹی آئی کی اہلیہ بشریٰ بی بی اور ان کے وکیل کی عدم حاضری پر عدالت کا سخت برہمی کا اظہارکیا تھا۔بشریٰ بی بی کے وکیل آئندہ سماعت پر پیش نہ ہوئے تو حق جرح ختم کردیں گے۔عدالت نے بشریٰ بی بی کے وکلاءکی جانب سے آئندہ سماعت پرگواہ پر جرح مکمل نہ کرنے پر تادیبی کارروائی کی ہدایت کی تھی۔استغاثہ کے گواہ محمداحمد پر بانی پی ٹی آئی کے وکیل قوثین مفتی نے جرح مکمل کی تھی۔اڈیالہ جیل راولپنڈی میں سپیشل جج سینٹرل شاہ رخ ارجمند نے بانی پی ٹی آئی عمران خان اور ان کی اہلیہ بشریٰ بی بی کیخلاف توشہ خانہ ٹو کیس کی سماعت کی تھی۔ عمران خان کو کمرہ عدالت میں پیش کیا گیا۔ بشریٰ بی بی اور ان کے وکیل عدالت میں پیش نہیں ہو ئے تھے جس پر عدالت نے سخت برہمی کا اظہار کیاتھا۔سماعت کے دوران چوتھے گواہ کیبنٹ ڈویژن کے ڈپٹی ڈائریکٹر کوآرڈینیشن محمد احد پر جرح مکمل کر لی گئی تھی۔ جرح بانی پی ٹی آئی کے وکیل قوسین فیصل مفتی نے کی تھی۔ سماعت کے دوران استغاثہ کے گواہ طلعت کا بیان بھی ریکارڈکیا گیا تھا۔ عدالت نے آئندہ سماعت پر مجموعی طور پر مزید 5گواہ طلب کئے تھے۔محمد شفقت، قیصر، عمر صدیق، محسن، فہیم کو بیان ریکارڈ کرانے کیلئے طلب کیا گیا تھا۔ سپیشل جج سینٹرل شاہ رخ ارجمند نے کہاکہ آئندہ سماعت پر وکلا نے گواہ پر جرح مکمل نہ کی تو تادیبی کارروائی ہوگی۔ بعدازاں عدالت نے کیس کی سماعت منگل 14جنوری تک ملتوی کردی تھی۔
.ذریعہ: Nawaiwaqt
کلیدی لفظ: بانی پی ٹی آئی کی اہلیہ بشری توشہ خانہ عدالت نے کی تھی اور ان
پڑھیں:
190 ملین پاونڈ کیس: بشریٰ بی بی نے سزا معطلی کی اپیل پر جلد سماعت کیلئے درخواست دائر کردی
اسلام آباد:بانی پی ٹی آئی کی اہلیہ بشریٰ بی بی نے 190 ملین پاؤنڈ کیس میں سزا معطلی کی اپیل پر جلد سماعت کے لیے درخواست دائر کردی۔
اسلام آباد ہائیکورٹ میں دائر کی گئی درخواست میں موقف اپنایا گیا ہے کہ جوڈیشل پالیسی کے مطابق ضمانت اور سزا معطلی کی درخواستوں کو ترجیحی بنیاد پر سنا جاتا ہے مگر درخواست گزار کے کیس کو بلا جواز پس پشت ڈالا جا رہا ہے۔
درخواست میں کہا گیا کہ بشریٰ بی بی کا کیس مقرر نہ کرنا ویمن پروٹیکشن ایکٹ اور سپریم کورٹ کے فیصلوں کے منافی ہے۔
درخواست میں بشریٰ بی بی کی سزا معطلی کی درخواست جلد سماعت کے لیے مقرر کرنے کی استدعا کی گئی، درخواست میں نیب کو فریق بنایا گیا ہے۔
بھارت افغان سرزمین سے پاکستان کیخلاف کم شدت کی جنگ چھیڑ رہا ہے، خواجہ آصف