حکمران طبقے نے عوام کی جان عذاب میں ڈال دی ہے
اشاعت کی تاریخ: 15th, January 2025 GMT
بدین (نمائندہ جسارت ) جماعت اسلامی ضلع بدین کے امیر انجینئر سیدعلی مردان شاہ نے ضلعی شوری کے اجلاس سے خطاب کرتے ہوئے کہا کہ موجودہ حکمران طبقہ نے عوام کی جان عذابِ میں ڈال دی ہے مڈل کلاس طبقہ ایک طرف بجلی اور گیس کے بل ادا کرنے سے قاصر ہیں تو دوسری جانب ان نالائق حکمرانوں نے ادویات کی قیمتوں میں اضا فہ کرکے عوام سے جینے کا حق بھی چھین لیا ہے حکمران آئی ایم ایف کی غلامی میں مکمل بہرے اور اندھے ہوچکے ہیں عوام کا احساس ختم ہوگیاہے عوام کو سمجھ آگئی ہے یہ حکمران جماعت اسلامی کو کیوں اقتدار میں نہیں آنے دیتے جماعت اسلامی کے پاس ایماندار دیانت دار قیادت موجودہے جو پاکستان کے عوام کی حقیقی ترجمان ہے۔ جماعت اسلامی نے عوام کو مہنگی بجلی اور گیس کے ظالمانہ بلز اور حکمرانوں کی خود ساختہ مہنگائی سے نجات دلانے کے لیے 17 جنوری کو ملک گیر اجتجاج کی کال دی ہے جس کا تمام تر فائدہ ان شاء اللہ عوام کو ملے گا۔ انہوں کہا بدین ضلع میں17جنوری کے احتجاج کے لیے عوامی رابطہ مہم کو تیز کردیا گیا اور17جنوری کو اللہ والا چوک سے بدین پریس کلب تک بھرپور اجتجاج کیا جائے گا۔ اس موقع پر ضلعی جنرل سیکرٹری عبدالکریم بلیدی نائب امرا سید دائود شاہ اللہ بچایو ہالیپوٹہ، غلام رسول احمدانی، پروفیسر علی احمد بلیدی و دیگر ذمے داران بھی موجود تھے۔
.ذریعہ: Jasarat News
کلیدی لفظ: جماعت اسلامی
پڑھیں:
پی آئی بی ایف کا جماعت اسلامی کے قومی معاشی مکالمے کا خیر مقدم
data-id="863a0a8" data-element_type="widget" data-widget_type="theme-post-content.default">
251104-08-17
لاہور(نمائندہ جسارت)پاکستان انٹرنیشنل بزنس فورم (PIBF) نے جماعت اسلامی پاکستان کی جانب سے معیشت کی بحالی کے لیے قومی مکالمہ منعقد کرنے کے فیصلے کا زبردست خیر مقدم کیا ہے۔ یہ مکالمہ بعنوان ”Resolution of the Economy — Ending Poverty through Business Empowerment and Interest-Free Loans” یعنی’’معاشی استحکام کی قرارداد ، کاروباری خودمختاری اور بلا سود قرضوں کے ذریعے غربت کا خاتمہ‘‘22 اور 23 نومبر 2025 کو مینارِ پاکستان لاہور میں 3 روزہ اجتماع عام کے موقع پر منعقد کیا جائے گا۔پی آئی بی ایف کی قیادت محمد اعجاز تنویر، عبد الودود علوی، حافظ محمود اور الماس قاضی نے اپنے مشترکہ بیان میں کہا کہ جماعت اسلامی کا یہ اقدام بروقت اور قومی ضرورت کے عین مطابق ہے، جو ماہرین معیشت، ٹیکنوکریٹس اور پالیسی سازوں کو ایک پلیٹ فارم پر متحد کرنے کی سمت ایک مثبت قدم ہے۔ ان کا کہنا تھا کہ ملک اس وقت شدید معاشی بحران سے دوچار ہے، ایسے میں یہ قومی مکالمہ ایک متحدہ اور قابل عمل روڈ میپ (Roadmap) تشکیل دینے میں مدد دے گا۔فورم کے رہنماؤں نے کہا کہ کاروباری برادری ان تمام کوششوں کی بھرپور حمایت کرتی ہے جو ملک میں معاشی استحکام، خود انحصاری اور بلا سود مالیاتی نظام کے فروغ کا باعث بنیں۔ انہوں نے اعلان کیا کہ پی آئی بی ایف اس اجتماعی کاوش میں بھرپور شرکت اور تعاون فراہم کرے گا تاکہ ”Economic Resolution 2025” کے نام سے ایک جامع اور عوامی شمولیت پر مبنی معاشی لائحہ عمل تیار کیا جا سکے، جس کی روح پاکستان قرارداد 1940 سے متاثر ہے۔تاجر رہنماؤں نے جماعت اسلامی کی جانب سے نوجوانوں میں کاروباری رجحان، فنی تربیت اور آئی ٹی تعلیم کے فروغ کے لیے شروع کیے گئے ’’بنو قابل آئی ٹی پروگرام‘‘ کو بھی سراہا۔ پی آئی بی ایف کے مطابق یہ پروگرام نوجوانوں کو جدید مہارتوں سے آراستہ کرنے اور پاکستان کے انسانی سرمائے کو مضبوط بنانے کے لیے جماعت اسلامی کے نظریے اور فورم کے اپنے مشن سے ہم آہنگ ہے۔ انہوں نے امید ظاہر کی کہ یہ قومی معاشی مکالمہ پاکستان کی معیشت کو مضبوط، خود کفیل اور اخلاقی بنیادوں پر استوار کرنے کی ایک منظم قومی تحریک کا آغاز ثابت ہوگا۔
پاکستان میں ڈیجیٹل معیشت کی ترقی اور فروغ: میٹا کا تعاون مزید بڑھانے کا اعلان