2024 میں کتنے پاکستانی ملک چھوڑ کر چلے گئے؟
اشاعت کی تاریخ: 15th, January 2025 GMT
ملک کی معاشی صورتحال کے باعث ہر سال لاکھوں پاکستانی روزگار اور بہتر زندگی کی تلاش میں بیرون ممالک چلے جاتے ہیں، ان پاکستانیوں میں بڑی تعداد ورکرز کی ہوتی ہے جو بہتر روزگار کے لیے دنیا کے مختلف ممالک کا رخ کرتے ہیں۔
بیورو آف امیگریشن اینڈ اوورسیز ایمپلائمنٹ کے جاری کردہ اعداد و شمار کے مطابق، 2024 میں پاکستان سے دیگر ملکوں میں روزگار کے لیے جانے والے ورکرز کی تعداد میں حیرت انگیز طور پر کمی واقع ہوئی ہے، 2024 میں ایسے ورکرز کی تعداد کم ہو کر 727381 رہ گئی ہے، جو 2023 کے مقابلے میں 15 فیصد سے بھی کم ہے، 2023 میں پاکستان سے بیرون ممالک جانے والے ورکرز کی تعداد 862625 تھی۔
یہ بھی پڑھیں: کون سا یورپی ملک تارکین وطن کو ملک چھوڑنے پر ہزاروں ڈالر دے رہا ہے؟
ہر سال کی طرح اس بار بھی سعودی عرب جانے والے ورکرز کی تعداد سب سے زیادہ رہی، 7 لاکھ سے زائد ورکرز میں سے 62 فیصد یعنی 452562 ورکرز نے سعودی عرب کا انتخاب کیا، اسی طرح عمان میں 81587، متحدہ عرب امارات میں 64130، قطر میں 81840 جبکہ بحرین میں 19825 پاکستانی ورکرز کو روزگار ملا۔
اس کے علاوہ 13695 پروفیشنلز برطانیہ جبکہ 1077 امریکا منتقل ہوئے۔ اس کے علاوہ ملائیشیا میں 6000 کے قریب، عراق میں 6500، رومانیہ 1500 اور کچھ دیگر ممالک میں ایک ہزار لوگوں کو ملازمتیں ملیں۔
یہ بھی پڑھیں: پی ٹی آئی حکومت کے بعد کتنے ہزار نوجوانوں نے ملازمت کے لیے ملک چھوڑا؟
مختلف ممالک کا رخ کرنے والے پاکستانیوں کی اکثریت بلیو کالر جابز کرتی ہے، ان پاکستانیوں میں مزدوروں کی تعداد 364574 اور ڈرائیورز کی تعداد 185209 ہے، جو کہ مجموعی طور پر بیرون ممالک بھیجی گئی افرادی قوت کا 75 فیصد سے زیادہ حصہ ہیں۔ اعداد و شمار کے مطابق، 2024 میں 3642 ڈاکٹرز اور 8018 انجینئرز نے ملازمت کے بہتر مواقع کے لیے پاکستان چھوڑا۔
خیال رہے کہ ان اعدادوشمار میں بیورو آف امیگریشن اینڈ اوورسیز ایمپلائمنٹ سے رجسٹریشن نہ کرانے والے اور ایجنٹوں کے ذریعے یا اپنے طور پر یا غیرقانونی طور پر بیرون ممالک جانے والے پاکستانیوں کی تعداد شامل نہیں ہے، بیرون ممالک جانے والے پاکستانیوں کی تعداد جاری کردہ اعداد و شمار سے کہیں زیادہ ہوسکتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
2024 wenews اعدادوشمار امریکا برطانیہ بیورو آف امیگریشن اینڈ اوورسیز ایمپلائمنٹ پاکستان پاکستانی چلے گئے چھوڑ سعودی عرب عمان متحدہ عرب امارات ملک.ذریعہ: WE News
کلیدی لفظ: امریکا برطانیہ پاکستان پاکستانی چلے گئے چھوڑ متحدہ عرب امارات ملک ورکرز کی تعداد بیرون ممالک جانے والے کے لیے
پڑھیں:
حج آپریشن 2024: حجاج کرام کی وطن واپسی کا آغاز، پہلی پرواز آج آئے گی
data-id="863a0a8" data-element_type="widget" data-widget_type="theme-post-content.default">
اسلام آباد: سعودی عرب سے حجاج کرام کی وطن واپسی کا عمل 11 جون سے شروع ہونے جا رہا ہے، جس کے لیے تمام تیاریاں مکمل کرلی گئی ہیں، ملک کے مختلف ایئرپورٹس پرآج سات حج پروازیں حجاج کو واپس لیکر پہنچیں گی، جن میں پہلی پرواز صبح 3 بجکر 50 منٹ پر اسلام آباد ایئرپورٹ پر لینڈ کرے گی۔
میڈیا رپورٹس کےمطابق سرکاری تفصیلات میں بتایا گیا ہےکہ دوسری پرواز سعودی ایئرلائن کی SV-3722 ہوگی، جو صبح 9:10 بجے اسلام آباد پہنچے گی، تیسری پرواز 11:50 بجے لاہور میں لینڈ کرے گی، چوتھی پرواز 12:10 بجے اسلام آباد آئے گی، پانچویں پرواز 12:35 بجے ملتان میں پہنچے گی، چھٹی پرواز 1:35 دوپہر کو کراچی میں لینڈ کرے گی، ساتویں پرواز 2:30 بجے لاہور ایئرپورٹ پہنچے گی جبکہ آٹھویں پرواز 12 جون کو صبح 5:20 بجے اسلام آباد میں اترے گی۔
حج فلائٹ آپریشن کا اختتام 10 جولائی کو تمام حجاج کرام کی وطن واپسی کے ساتھ مکمل ہوگا۔ اس دوران 342 پروازوں کے ذریعے سرکاری حج اسکیم کے تحت جانے والے 88 ہزار 390 پاکستانی حجاج کو وطن واپس لایا جائے گا۔
واپسی آپریشن میں پاکستان انٹرنیشنل ایئرلائن (PIA)، نجی ایئرلائنز اور سعودی ایئرلائنز شریک ہوں گی تاکہ حجاج کرام کو بروقت، آرام دہ اور محفوظ سفری سہولیات فراہم کی جا سکیں۔
یاد رہے کہ پاکستان سے پہلی حج پرواز 9 مئی 2024 کو روانہ ہوئی تھی، جس کے ساتھ ہی حج آپریشن کا آغاز ہوا تھا، اب ایک ماہ بعد اس آپریشن کا دوسرا مرحلہ، یعنی واپسی کا عمل 11 جون سے شروع ہو رہا ہے، جس کا اختتام 10 جولائی کو آخری پرواز کی آمد کے ساتھ ہوگا۔
حج 2024 کے لیے پاکستان بھر سے ہزاروں فرزندانِ اسلام نے سرکاری اور پرائیویٹ اسکیموں کے تحت سعادتِ حج حاصل کی، جن کی مرحلہ وار واپسی کا منظم انتظام یقینی بنانے کے لیے سول ایوی ایشن اتھارٹی اور متعلقہ وزارتوں کی جانب سے مکمل اقدامات کیے گئے ہیں۔
بنارس کی تاریخی اور مسلم اکثریتی بازار کے انہدام پر کورٹ سے راحت