نارتھ کراچی سے 11 روز قبل لاپتہ ہوئے 7 سالہ بچے کی لاش مل گئی
اشاعت کی تاریخ: 18th, January 2025 GMT
تصویر بشکریہ سوشل میڈیا
کراچی کے علاقے نارتھ کراچی سے 11 روز قبل لاپتہ ہونے والے 7 سال کے بچے صارم کی لاش مل گئی۔
ایس ایس پی سینٹرل کے مطابق بچے کی لاش بلڈنگ کے انڈر گراؤنڈ ٹینک سے ملی ہے، بچے کی لاش کو نکال کر پوسٹ مارٹم کے لیے بھیجا گیا ہے، لگتا ہے واقعہ حادثاتی طور پر پیش آیا ہے۔
اس سے قبل بچے کے والد کی جانب سے بلال کالونی تھانے میں نارتھ کراچی سیکٹر فائیو سے 7 سالہ بچے صارم کو مبینہ طور پر اغواء کیے جانے کا مقدمہ درج کرایا گیا تھا۔
گورنر کامران ٹیسوری نے حکام کو ہدایت دی کہ صارم کی بازیابی کے لیے تمام وسائل بروئے کار لائے جائیں۔
مقدمے کے مطابق صارم 7 جنوری کی دوپہر فلیٹ میں مدرسے میں پڑھنے گیا اور لاپتہ ہو گیا تھا۔
بعد ازاں رواں ہفتے گورنر سندھ کامران ٹیسوری لاپتہ بچے کے گھر پہنچے تھے اور انہوں نے والدین کو بچے کی بازیابی کے لیے مکمل تعاون کی یقین دہانی کروائی تھی۔
علاوہ ازیں بچے کے اغواء کا کیس اے وی سی سی ٹرانسفر کر دیا گیا تھا، اس دوران بچے کے والد کو 5 لاکھ روپے تاوان دینے کا میسیج بھی موصول ہوا تھا۔
پولیس کے مطابق میسیج بھیجنے والے نمبر کے حوالے سے چھان بین بھی شروع کر دی گئی تھی۔
ذریعہ: Jang News
کلیدی لفظ: بچے کے کی لاش بچے کی
پڑھیں:
مرد نے پارٹنر اور اسکی 3 سالہ بیٹی کو گلا گھونٹ کر قتل کیا، لپ اسٹک سے دیوار پر اعتراف جرم تحریر کیا
بھارتی ریاست مدھیہ پردیش کے ضلع ودیشا کے علاقے گنج باسوڈا میں ہونے والی ایک ہولناک واردات نے نہ صرف اہل علاقہ کو بلکہ پوری ریاست کو جھنجھوڑ کر رکھ دیا ہے۔
بھارتی میڈیا ادارے ’این ڈی ٹی وی‘ کے مطابق ایک شخص نے اپنی پارٹنر اور اس کی 3 سالہ معصوم بیٹی کو مبینہ طور پر گلا گھونٹ کر قتل کر دیا، اور پھر لاشوں کے ساتھ پوری رات ایک ہی کمرے میں بیٹھا رہا۔ ملزم نے جائے واردات پر ہی لپ اسٹک سے دیوار پر خونچکاں انداز میں اپنا اعتراف جرم بھی تحریر کیا۔
یہ بھی پڑھیے زہریلے مشروم کھلا کر ساس، سسر سمیت 3 رشتہ داروں کا قتل، آسٹریلوی خاتون پر جرم ثابت
مقتولہ کی شناخت اور پس منظرپولیس کے مطابق، 36 سالہ رام سخی کشواہا نامی خاتون، جو اپنے شوہر سے علیحدہ ہو چکی تھیں، پچھلے چند مہینوں سے راجا عرف انوج وِشواکرما نامی شخص کے ساتھ بغیر شادی کیے رہ رہی تھیں۔ دونوں کے درمیان گھریلو ناچاقی اور جھگڑوں کی اطلاعات پہلے بھی سامنے آتی رہی تھیں، تاہم کسی کے وہم و گمان میں بھی نہ تھا کہ یہ تعلق اس قدر خطرناک رخ اختیار کرے گا۔
قتل کا طریقہ اور جائے وقوعہ کی ہولناکییہ واردات گنج باسوڈا کے وارڈ نمبر 8 کے ایک مکان میں پیش آئی۔ ابتدائی تحقیقات کے مطابق، ملزم نے پہلے پارٹنر کو اور بعد میں اس کی 3 سالہ بیٹی مانوی کو گلا دبا کر قتل کیا۔ قتل کے بعد، ملزم نے جائے وقوعہ سے فرار ہونے کے بجائے لاشوں کے قریب رات بھر گزار دی۔
اعتراف جرم، دیوار پر لپ اسٹک سے تحریر کیاواردات کی سب سے چونکا دینے والی بات وہ اعتراف جرم ہے جو ملزم نے دیوار پر لپ اسٹک سے لکھا۔ دیوار پر درج الفاظ تھے:
’میں نے اسے مار ڈالا… اُس نے مجھ سے جھوٹ بولا… اس کے کسی اور سے تعلقات تھے…‘
یہ بھی پڑھیے ٹک ٹاک اکاؤنٹ ڈیلیٹ نہ کرنے پر باپ نے 16 سالہ بیٹی کو قتل کردیا
پولیس ذرائع کے مطابق، یہ پیغام جرم کے فوراً بعد تحریر کیا گیا تھا، جس نے تفتیش کاروں کے لیے ایک اہم سراغ مہیا کیا۔ فرانزک ٹیم نے موقع واردات سے تمام شواہد اکھٹے کر لیے ہیں، جن میں لپ اسٹک پر انگلیوں کے نشانات، دیوار پر لکھائی کی نوعیت اور لاشوں کی پوزیشن شامل ہیں۔
پولیس کا بیان اور گرفتاریایڈیشنل سپرنٹنڈنٹ آف پولیس (ASP) پرشانت چوبے نے میڈیا کو بتایا ’رام سخی کشواہا اپنے شوہر سے علیحدہ ہو چکی تھیں اور وہ انوج وِشواکرما کے ساتھ رہ رہی تھیں۔ ہمارے ابتدائی شواہد کے مطابق، دونوں ماں بیٹی کو گلا دبا کر قتل کیا گیا ہے۔ ملزم کو حراست میں لے لیا گیا ہے اور مزید تحقیقات جاری ہیں۔‘
نفسیاتی پہلو: ملزم کی ذہنی حالت زیرِ تفتیشپولیس نے اس بات کی بھی تصدیق کی ہے کہ ملزم کی ذہنی کیفیت کا جائزہ لینے کے لیے ماہر نفسیات کی خدمات حاصل کی جائیں گی۔ جرم کے بعد غیر معمولی سکون، لاشوں کے پاس ساری رات گزارنا اور دیوار پر تفصیلی اعتراف لکھنا، اس کے ذہنی توازن پر سوالیہ نشان لگا رہا ہے۔
علاقے میں خوف و ہراس اور عوامی ردعملاس واقعے نے گنج باسوڈا اور اس کے اطراف کے علاقوں میں شدید خوف و ہراس پیدا کر دیا ہے۔ مقامی رہائشیوں کا کہنا ہے کہ وہ کبھی نہیں سوچ سکتے تھے کہ ان کے پڑوس میں ایسا کچھ ہو سکتا ہے۔ لوگوں نے مقتولہ کے ساتھ ہمدردی کا اظہار کیا اور ملزم کو سخت ترین سزا دینے کا مطالبہ کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارت جرم و سزا لپ اسٹک سے اعتراف جرم مدھیہ پردیش
گزشتہ سال 276 ارب روپے کی بجلی چوری،بڑی کمپنیاں ملوث نکلیں، وزیرتوانائی