شارجہ واریئرز کی فیلڈنگ کو بہتر بنانے پر توجہ
اشاعت کی تاریخ: 18th, January 2025 GMT
شارجہ واریئرز کی فیلڈنگ کو بہتر بنانے پر توجہ WhatsAppFacebookTwitter 0 18 January, 2025 سب نیوز
شارجہ : سری لنکا کے اووشکا فرنینڈو کی شاندارجارحانہ اننگز کی بدولت شارجہ واریئرز نے دبئی کیپیٹلز کو شکست دیکر پوائنٹس ٹیبل پر دوسری پوزیشن حاصل کرلی۔ رواں سیزن میں اپنا پہلا ہوم میچ کھیلنے والی شارجہ واریئرز نے 5 وکٹوں سے کامیابی حاصل کی اس وقت کھیل کی 11 گیندیں باقی تھیں۔
میچ کے بعد بات کرتے ہوئے کپتان ٹم ساؤتھی نے کہا کہ اس طرح کے اسکور کا تعاقب کرنا اور فرنینڈو کی یہ اننگز ناقابل یقین تھی۔ صبح کے وقت جہاز سے اترنا اور ایسا کرنا خاص ہے۔ فرنینڈو ہمارے لئے شاندار تھا۔کپتان نے مزید کہا کہ فیلڈنگ اور گیند کے ساتھ بہت سی چیزوں کو بہتر بنانا ہے جو جیت کے بعد کرنا ہمیشہ آسان ہوتا ہے۔
یہ ایک اچھی وکٹ تھی اگر آپ نے گیند کے ساتھ کارکردگی کا مظاہرہ کیا تو یہ اچھا تھا لیکن اگرآپ اسے تھوڑا سا بھول گئے تو یہ ایک مختلف کہانی ہوگی۔ کچھ لوگ بیمار تھے اور یہ ٹیم کی گہرائی کو ظاہر کرتا ہے جب دوسرے آتے ہیں اور کارکردگی کا مظاہرہ کرتے ہیں۔کوچ جے پی ڈومنی نے یہ بھی کہا کہ فیلڈنگ ہمارے کھیل کا ایک شعبہ ہے جس پر ہم کام کرسکتے ہیں۔ ہم اجتماعی طور پر میدان میں بہت کچھ کرنے کی کوشش کرتے ہیں۔
لہٰذا ہم اس پر کام کرنا چاہتے ہیں اور فیلڈنگ ایک ایسی چیز ہے جس میں ہم یقینی طور پر بہتر ہونا چاہتے ہیں۔27 گیندوں پر 81 رنز بنانے والے ایوشکا فرنینڈو نے کہا کہ وہ فطری کھیل پر توجہ مرکوز کررہے ہیں آج وکٹ پر بیٹنگ کرنا اچھا تھا، 200 رنز کے تعاقب میں سوچ مثبت ہونا فطری بات ہے اور اس کے لئے شکر گزار ہوں۔ مجھے اس بات کا احساس نہیں تھا کہ میں نے تیز ترین 50 رنز بنانے کا ریکارڈ توڑ دیا ہے۔شارجہ واریئرز کا اگلا مقابلہ اتوار کو شارجہ میں ایم آئی ایمریٹس سے ہوگا۔
.ذریعہ: Daily Sub News
کلیدی لفظ: شارجہ واریئرز
پڑھیں:
دنیا میں گروتھ نیچے گئی پاکستان میں بڑھی ہے، خرم شہزاد
وزیر خزانہ کے مشیر خرم شہزاد نے کہا ہے کہ 3 سال میں دنیا بھر میں گروتھ نیچے گئی لیکن پاکستان میں بڑھی ہے۔
جیو نیوز کی خصوصی نشریات میں اظہار خیال کرتے ہوئے خرم شہزاد نے کہا کہ ہمارے پاس مہنگائی میں کمی آئی ہے جبکہ کئی ممالک میں مہنگائی جوں کی توں ہے۔
انہوں نے کہا کہ اس کا مطلب یہ ہے کہیں نا کہیں کچھ نا کچھ بہتری آئی ہے، زراعت کے شعبے میں گراوٹ پر کئی وجوہات ہیں جن میں پانی اور بارش کی کمی بھی شامل ہیں۔
ٹرانسمیشن میں معروف صنعت کار عارف حبیب نے کہا کہ حکومت کو کسانوں کو زیادہ پیداوار کے لیے راضی کرنا ہوگا۔
ان کا کہنا تھا کہ ایسی پالیسی بننی چاہیے کہ کسانوں اور حکومت دونوں کےلیے وِن وِن کنڈیشن ہو۔
ماہر معاشیات خاقان نجیب کا کہنا تھا کہ گندم کی قیمت طے کرنا حکومت کا نہیں ریسرچ اینڈ ڈیولپمنٹ کا کام ہے، زرعی پیداوار بڑھانے کےلیے آر اینڈ ڈی کےلیے رقم مختص کرنا ہوگی۔
بجٹ 2025-26: تنخواہ دار طبقے کو بڑا ریلیف اور سرکاری ملازمین کو خوشخبری ملنے کا امکان