سردیوں میں انڈوں اور مرغی کے ریٹ میں بڑی کمی کی وجہ کیا؟
اشاعت کی تاریخ: 22nd, January 2025 GMT
پاکستان میں کسی بھی شے کی طلب بڑھتے ہی اس کی قیمت آسمان پر پہنچ جاتی ہے، اسی طرح سردیوں میں انڈوں کی طلب میں اضافے کے باعث عام طور پر قیمتوں میں اضافہ بھی معمول کی بات ہوچکی ہے۔
گزشتہ سال جنوری میں انڈوں کی فی درجن قیمت 400 روپے سے بھی تجاوز کرگئی تھی، تاہم رواں برس کے آغاز میں ہی یہ قیمت معمول سے بھی کم یعنی 240 روپے فی درجن ہوچکی ہے، اس طرح زندہ مرغی کی قیمت بھی 480 روپے فی کلو کے بجائے اب 420 روپے فی کلو ہوگئی ہے۔
یہ بھی پڑھیں: اصلی دیسی انڈے کی پہچان کیا ہے؟
وی نیوز نے پولٹری فارمرز اور شہر میں انڈوں کے سپلائرز سے گفتگو میں یہ جاننے کی کوشش کی کہ رواں سال انڈوں کی قیمتوں میں بڑی کمی کیوں کر ممکن ہوئی ہے۔
جڑواں شہروں میں انڈے سپلائی کرنیوالے محمد ارشد نے وی نیوز کو بتایا کہ انڈوں کی ہول سیل مارکیٹ میں 300 انڈوں والی پیٹی کی قیمت گزشتہ برس 13 ہزار روپے تک تھی تاہم اب وہی پیٹی تقریباً 8 ہزار روپے میں فروخت ہو رہی ہے۔
مزید پڑھیں: ابلنے کے بعد انڈے کی زردی سبز کیوں ہوتی ہے؟
’اس کی وجہ یہی ہے کہ پاکستان سے گزشتہ سال بڑی تعداد میں انڈے افغانستان بھیجے جارہے تھے، اس عمل سے مقامی مارکیٹ میں انڈے کی کمی تھی اور ریٹ میں غیر معمولی اضافہ ہوا تھا۔‘
سپلائرز نے اس سال انڈوں کی قیمتیں بڑھنے کی امید پر منافع بنانے کے لیے بڑی تعداد میں انڈوں کا ذخیرہ کر رکھا تھا، لیکن رواں برس افغانستان نہ بھیجے جانے کے باعث انڈوں کی طلب سے کہیں زیادہ سپلائی موجود ہونے کے باعث انڈوں کے ریٹ میں بہت زیادہ کمی واقع ہوئی ہے۔
مزید پڑھیں: انڈوں کو ابالنے کے بعد پانی کبھی نہ پھینکیں، وجہ حیرت انگیز؟
گزشتہ 15 سال سے انڈوں کی سپلائی کے کاروبار سے وابستہ محمد ارشد کے مطابق وہ سردیوں میں انڈوں کی قیمت میں ہمیشہ کئی گنا اضافہ دیکھتے آئے ہیں، تاہم یہ پہلی مرتبہ ہوا ہے کہ موسم سرما میں انڈوں کی قیمت موسم گرما کی ریٹ لسٹ سے نیچے چلی گئی ہے۔
اس وقت انڈوں کی قیمت 240 روپے فی درجن ہے تاہم پولٹری فارمرز اس ریٹ پر بھی انڈا فروخت نہیں کر رہے تو ہو سکتا ہے کہ آئندہ چند دنوں بعد انڈے کی قیمت میں قدرے اضافہ ہوجائے لیکن اس سے زیادہ کمی شاید ممکن نہ ہو۔
مزید پڑھیں: برطانیہ میں 70 ہزار روپے میں ایک انڈا نیلام، خاص بات کیا ہے؟
مارکیٹ ذرائع کے مطابق اکتوبر میں انڈوں کا ریٹ 330 روپے فی درجن تھا، جو دسمبر میں 300 روپے اور اب جنوری میں 240 روپے فی درجن ہو گیا ہے۔
سابق سیکریٹری پولٹری فارم ایسوسی ایشن جاوید حسین نے وی نیوز کو بتایا کہ کسی بھی کھانے پینے کی اشیا کی قیمتوں کا تعلق طلب اوررسد یعنی ڈیمانڈ اورسپلائی سے ہوتا ہے۔
مزید پڑھیں: انڈے 400 روپے درجن، کیا مرغیاں سونے کے انڈے دینا شروع ہوگئیں؟
’اس سال انڈے کی طلب تو اپنی جگہ موجود ہے لیکن سپلائی 3 سے 4 گنا بڑھ چکی ہے اس کی وجہ یہ ہے کہ جب ایک برس آلو کی فصل اچھی ہوتی ہے اور ریٹ اچھا ملتا ہے تو سبھی کاشتکار اگلے سال آلو کی فصل اگاتے ہیں، جو زیادہ سپلائی اورکم ریٹ کا سبب بنتا ہے۔‘
جاوید حسین کا کہنا تھا کہ گزشتہ سال انڈے کی بیٹی کی قیمت 13 ہزار روپے تھی جو کہ اس سال تقریباً 7 سے 8 ہزار روپے کے درمیان ہے اور مارکیٹ میں بڑی تعداد میں انڈوں کی سپلائی کے باعث ممکن ہے کہ ریٹ میں مزید کمی ہوجائے۔
مزید پڑھیں: ’ایگ آن سپون‘ میکسیکو میں نیا انوکھا عالمی ریکارڈ قائم
دوسری جانب انڈوں کی طرح مرغی کی قیمت میں زیادہ کمی تو نہیں ہوئی ہے تاہم گزشتہ ماہ دسمبر میں زندہ مرغی کی قیمت 320 روپے فی کلو تک کم ہو گئی تھی، حالانکہ اکتوبر میں زندہ مرغی کی قیمت 450 روپے اور اس سے قبل 480 روپے فی کلو تک بڑھ چکی تھی۔
اب چند دنوں سے زندہ مرغی کی قیمت میں اضافے کا سلسلہ جاری ہے تاہم اس وقت زندہ مرغی کا ریٹ 425 روپے فی کلو ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈے پولٹری فارم ایسوسی ایشن پولٹری فارمرز جاوید حسین جڑواں شہروں ڈیمانڈ رسد ریٹ سپلائرز سپلائی طلب محمد ارشد مرغی ہول سیل مارکیٹ.ذریعہ: WE News
کلیدی لفظ: انڈے جاوید حسین جڑواں شہروں ڈیمانڈ ریٹ سپلائرز سپلائی زندہ مرغی کی قیمت انڈوں کی قیمت روپے فی درجن میں انڈوں کی کی قیمت میں مزید پڑھیں ہزار روپے ریٹ میں انڈے کی کے باعث کی طلب
پڑھیں:
چینی کمپنی بی وائی ڈی کی شارک 6 پاکستان میں باضابطہ لانچ کردی گئی، قیمت کیا ہے؟
پاکستان کی آٹو انڈسٹری نے آج ایک اہم سنگِ میل عبور کیا ہے، کیونکہ دنیا کی معروف الیکٹرک وہیکل ساز کمپنی بی وائی ڈی نے اپنی جدید ترین شارک 6 (پلگ اِن ہائبرڈ الیکٹرک وہیکل) کو 19.95 ملین روپے کی قیمت پر باضابطہ طور پر پاکستان میں لانچ کر دیا ہے۔
یہ لانچ بی وائی ڈی کی جانب سے پاکستانی مارکیٹ میں قدم جمانے کی اب تک کی سب سے بڑی اور جرات مندانہ پیش رفت سمجھی جا رہی ہے، جو نہ صرف ایک طاقتور اور جدید پک اپ ٹرک پیش کر رہی ہے بلکہ پاکستان کے بڑھتے ہوئے صاف اور پائیدار ٹرانسپورٹ کے رجحان سے بھی ہم آہنگ ہے۔
پاور، پرفارمنس اور ماحول دوستی کا امتزاجبی وائی ڈی کی شارک 6 PHEV میں 436 ہارس پاور اور 650 نیوٹن میٹر ٹارک کی شاندار طاقت موجود ہے، جو اسے اپنی کلاس میں سب سے زیادہ طاقتور ہائبرڈ گاڑیوں میں شامل کرتی ہے۔ اس میں نصب 29.58 kWh بیٹری 100 کلومیٹر تک کی خالص الیکٹرک رینج فراہم کرتی ہے، جبکہ مجموعی رینج 800 کلومیٹر تک جاتی ہے۔
گاڑی کی ایندھن بچت 50 کلومیٹر فی لیٹر تک بتائی گئی ہے، جو اس سائز کی گاڑی کے لیے قابل ذکر ہے۔ اس کے مختلف ٹیرین موڈز جیسے مڈ، سنو اور سینڈ اسے شہر اور دشوار گزار راستوں دونوں کے لیے موزوں بناتے ہیں۔
محفوظ، صاف اور ذہین ڈرائیونگ کا تجربہبی وائی ڈی کی معروف بلیڈ بیٹری ٹیکنالوجی نہ صرف اعلیٰ حفاظتی معیار فراہم کرتی ہے بلکہ گرمی کے خلاف زبردست تھرمل استحکام بھی دیتی ہے۔ شارک 6 کی سب سے بڑی خوبی اس کی CO₂ کے اخراج میں 62 فیصد تک کمی ہے، جو لاہور، کراچی جیسے شہروں میں فضائی آلودگی کے مسئلے سے نمٹنے میں مددگار ہو سکتی ہے۔
پاکستان کی آٹو انڈسٹری میں نئی ٹیکنالوجی کا آغازبی وائی ڈی کی شارک 6 صرف ایک گاڑی نہیں بلکہ ایک مکمل ٹیکنالوجی پلیٹ فارم ہے۔ اس کی انٹیلیجنٹ ہائبرڈ پاور ٹرین، سٹیئرنگ اور ٹریکشن کنٹرول سسٹمز اور مختلف ماحول سے ہم آہنگ ڈرائیونگ فیچرز پاکستانی صارفین کے لیے ایک نیا معیار متعین کرتے ہیں۔
مقامی مارکیٹ کے لیے بین الاقوامی معیاربی وائی ڈی کی پاکستان میں باضابطہ آمد کے ساتھ ہی صارفین کو اب ایک ورلڈ کلاس ہائبرڈ گاڑی تک رسائی حاصل ہو گئی ہے، جو طاقت، استعداد، ماحول دوستی اور خوبصورتی کا امتزاج ہے۔ یہ قدم نہ صرف پاکستانی صارفین کے لیے ایک بہتر انتخاب ہے بلکہ مقامی کمپنیوں کو بھی صاف توانائی کی طرف منتقلی کی ترغیب دے سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بی وائی ڈی شارک 6 ٹیکنالوجی
ڈیجیٹل میڈیا پاکستان اور چین کے درمیان نئی راہداری ہے: عطاء تارڑ