جنین پر صیہونی جارحیت میں شدت، القسام بریگیڈ کا جوابی کارروائی کا اعلان
اشاعت کی تاریخ: 22nd, January 2025 GMT
ادھر عباس ملیشیا نے عجہ گاؤں میں میڈیکل کمپلیکس پر بھی دھاوا بولا اور اس کی تلاشی لی، جنین شہر یا اس کے کیمپ سے آنے والے زخمیوں کی تلاش کی۔ دریں اثنا اسلامی تحریک مزاحمت حماس نے مغربی کنارے کے عوام اور اس کے انقلابی نوجوانوں سے مطالبہ کیا ہے کہ وہ قابض فوج کو الجھانے اور جنین اور اس کے شہر میں وسیع صیہونی جارحیت کو ناکام بنانے کے لیے ہر طرح سے دشمن فوج پر حملے کریں۔ اسلام ٹائمز۔ قابض صیہونی فوج نے مسلسل دوسرے روز بھی غرب اردن کے شمالی شہر جنین اور پناہ کیمپ پر اپنی وسیع جارحیت جاری رکھی اور علاقے میں مزید فوجی کمک بھیجی ہے۔ رپورٹ کے مطابق آج صبح جنین میں مزاحمت کاروں اور قابض اسرائیلی فوج کے درمیان جھڑپیں ایک خونی دن کے بعد دوبارہ شروع ہوئیں جس میں 10 فلسطینی شہید اور 100 زخمی ہوئے جب کہ 600 سے زائد فلسطینی کیمپ سے بے گھر ہو گئے۔ مزاحمت کار وں نے قابض فوج کی گاڑی کو جنین میں بارودی مواد سے نشانہ بنا کر تباہ کر دیا۔ دوسری طرف القسام بریگیڈز نے مشین گنوں اور دھماکہ خیز آلات سے حملہ آور افواج کا مقابلہ کرنے کا اعلان کیا ہے۔ کل منگل کو قابض فوج نے جنین کیمپ پر ''آئرن وال'' کے نام سے ایک فوجی آپریشن شروع کیا جو عباس ملیشیا کے کیمپ کا محاصرہ کرنے اور وہاں پر وسیع حملے کرنے کے 47 دنوں کے بعد ہوا۔
جنین کیمپ کے قریب طلعت الغبز میں مزاحمت کی طرف سے بھاری دھماکہ خیز مواد سے دھماکہ کیا gia جس میں متعدد قابض فوجی زخمی ہوئے جس کے بعد پرتشدد تصادم اور جھڑپیں ہوئیں۔ مقامی ذرائع نے اطلاع دی ہے کہ قابض فوج نے جنین کیمپ کے اندر فوجی آپریشن کے دوران نوجوانوں صمید معاید عامر، شیراز ابو تبیہ اور حسام الغول اور زخمی اشرف العموری، اس کے والد اور اس کے بھائی کو گرفتار کیا۔ قابض فوج نے الملالہ، جبل ابوظہیر، خلہ السوہ، ابو الحیجہ چوراہے، گول چکر، الحدف اور العودہ کے علاقوں میں گھس کر گھر گھر تلاشی لی۔ اسرائیلی جارحیت کی وجہ سے جنین کیمپ میں بجلی کا نظام منقطع ہو گیا جس کی وجہ سے مواصلات اور انٹرنیٹ سروس بھی متاثر ہوئی ہے۔ مقامی ذرائع کے مطابق قابض فوج نے جینن کیمپ کا تمام داخلی راستوں سے مکمل محاصرہ کر رکھا ہے۔ اس دوران جینن اور کیمپ پر جاسوس ڈرونز کی پروازیں جاری تھیں۔
ادھر عباس ملیشیا نے عجہ گاؤں میں میڈیکل کمپلیکس پر بھی دھاوا بولا اور اس کی تلاشی لی، جنین شہر یا اس کے کیمپ سے آنے والے زخمیوں کی تلاش کی۔ دریں اثنا اسلامی تحریک مزاحمت حماس نے مغربی کنارے کے عوام اور اس کے انقلابی نوجوانوں سے مطالبہ کیا ہے کہ وہ قابض فوج کو الجھانے اور جنین اور اس کے شہر میں وسیع صیہونی جارحیت کو ناکام بنانے کے لیے ہر طرح سے دشمن فوج پر حملے کریں۔حماس نے جنین میں شہریوں کی شہادت پر گہرے دکھ اور صدمے کا اظہار کیا۔ حماس نے جنین میں قابض فوج کی طرف سے جاری جارحیت کی مذمت اور فلسطینی مزاحمت کاروں کی طرف سے جرات مندانہ کارروائی پر انہیں خراج تحسین پیش کیا۔ انہوں نے زور دے کر کہا کہ جنین میں قابض فوج کی طرف سے شروع کیا گیا یہ فوجی آپریشن ناکام ہو جائے گا، جس طرح ہمارے ثابت قدم لوگوں اور ان کی بہادرانہ مزاحمت کے خلاف اس کی تمام فوجی کارروائیاں ناکام ہو چکی ہیں۔
ذریعہ: Islam Times
کلیدی لفظ: قابض فوج نے جنین کیمپ اور اس کے کی طرف سے
پڑھیں:
اسرائیل کو تسلیم کرنے کی کوشش کی تو سخت مزاحمت کریں گے( ملی یکجہتی کونسل)
اسرائیل پر ایران کا جوابی حملہ جائز تھا، فلسطین کا دو ریاستی حل قبول نہیں،حکومت سے کشمیر اور فلسطین پر مضبوط حکمت عملی اپنانے کا مطالبہ
ابراہیم معاہدہ کو تسلیم نہیں کریں گے،وزیر اعظم خیبر پختونخوا اور بلوچستان کی صورتحال پر آل پارٹیز کانفرنس بلائیں، اعلامیہ جاری
ملی یکجہتی کونسل نے ایران اور فلسطین پر اسرائیلی جارحیت کی مذمت کرتے ہوئے ایران کے جوابی حملے کو جائز قرار دے دیا۔نائب امیر جماعت اسلامی لیاقت بلوچ نے ملی یکجہتی کونسل کا اعلامیہ پیش کیا، جس میں حکومت سے کشمیر اور فلسطین پر مضبوط حکمت عملی اپنانے کا مطالبہ کیا گیا ہے۔اعلامیے میں کہا گیا کہ ابراہیم معاہدہ یا دو ریاستی حل کو تسلیم نہیں کریں گے، اگر حکومت نے ابراہیم معاہدے کی آڑ میں اسرائیل کو تسلیم کرنے کی کوشش کی تو سخت مزاحمت کریں گے۔ ایٹمی پروگرام کو ایران کا حق سمجھتے ہیں۔ملی یکجہتی کونسل اعلامیے میں مطالبہ کیا گیا کہ بارشوں کے متاثرین کی مدد کی جائے کیونکہ زراعت اور صنعت سمیت تمام شعبہ جات تباہ ہوگئے ہیں۔ سود کا خاتمہ کیا جائے اور اسلامی معاشی نظام رائج کیا جائے۔اعلامیے میں تجویز دی گئی کہ کے پی اور بلوچستان میں امن و امان کی بدتر صورتحال پر تشویش ہے لہٰذا وزیر اعظم کے پی اور بلوچستان کی صورتحال پر آل پارٹیز کانفرنس بلائیں۔ بلوچستان اور کے پی سے لاپتا افراد کو رہا کیا جائے، مشترکہ مفادات کونسل کو فعال کیا جائے۔ملی یکجہتی کونسل نے واضح کیا کہ 18 سال سے کم عمر شادی پر سزاؤں کے قانون کو مسترد کرتے ہیں۔اعلامیے میں کہا گیا کہ دینی مدارس کے خلاف رکاوٹیں پیدا کی جا رہی ہیں، عدلیہ کی طرف شعائر اسلام و اسلاف پر نامناسب رویہ اختیار کیا جا رہا ہے۔ ملی یکجہتی کونسل اپنی علما و وکلا کمیٹی کے ذریعے لائحہ عمل سامنے لائے گی۔کونسل نے واضح کیا کہ سیاسی مسائل کا حل سیاسی طریقے سے نکالا جائے ورنہ نظام کو خطرہ لاحق ہو جائے گا، اگر سیاسی نظام لپیٹا گیا تو سیاسی قیادت منہ دیکھتی رہ جائے گی۔ملی یکجہتی کونسل نے مطالبہ کیا کہ حکومت غیر شرعی قانون سازی واپس لے ورنہ ملک گیر احتجاج سے اسے پیچھے ہٹنے پر مجبور کیا جائے گا۔ ملی یہکجتی کونسل کی ایکشن کمیٹی مطالبات پورے نہ ہونے پر اے پی سی بلاکر ملک گیر احتجاج کا لائحہ عمل دے گی۔
وزیراعظم کی حال ہی میں نانگا پربت سر کرنے والی پہلی قطری خاتون کوہ پیما شیخہ اسما الثانی سے ملاقات