پی ٹی آئی اور حکومت دونوں عمران خان کو جیل میں رکھنا چاہتے ہیں:فیصل واؤڈا
اشاعت کی تاریخ: 23rd, January 2025 GMT
سینیٹر فیصل واؤڈا نے کہا ہے کہ پی ٹی آئی اور حکومت دونوں عمران خان کو جیل میں رکھنا چاہتے ہیں، قوم کو پہلے ہی کہہ دیا تھا کہ یہ مذاکرات نہیں، مذاق ہے۔میڈیا کو دئیے گئے ایک بیان میں سینیٹر فیصل واؤڈا نے کہا کہ تحریکِ انصاف اور حکومت کا ایک ہی ہدف تھا کہ عمران خان جیل میں رہے۔ ٹرمپ کارڈ کا انتظار کرنے والے پلے کارڈ لے کر گھومتے رہی گے۔ سارے مزے تحریکِ انصاف کیلئے اور مشکلات عمران خان کیلئے ہوں گی۔بیان میں سینیٹر فیصل واؤڈا نے کہا کہ یہ جگ ہنسائی کرنے کیلئے ملک سے باہر کوئی خط بھی لکھ دیں گے۔ ٹرمپ کارڈ کی بھی ہوا نکل گئی ہے۔ آج کے دن تک عمران خان کو جیل میں رکھنے کا پی ٹی آئی اور حکومت دونوں کا ہدف تھا، جو پورا ہوگیا ہے۔سابق وفاقی وزیر سینیٹر فیصل واؤڈا نے کہا کہ یہ لوگ اقتدار، دولت اور سہولت کے مزے لے کر اسی طرح حکومت چلاتے رہیں گے۔ پی ٹی آئی قیادت کے ساتھ عوام نہیں اور یہ بھی خوش ہیں۔ مذاکرات کیلئے اخلاص ضروری ہے، پی ٹی آئی قیادت تو خود چاہتی ہے عمران خان جیل میں رہے۔سینیٹر فیصل واؤڈا نے کہا کہ 18ویں سے 26ویں ترمیم تک تحریکِ انصاف حکومت کے ساتھ آن بورڈ رہی۔ اب قوم کو کچھ سمجھ نہیں آرہی۔ کے پی میں مال کا بازار گرم ہے، سب مزے کر رہے ہیں اور جو باہر ہیں، انہوں نے جیل کسی سمجھوتے کے تحت برداشت نہیں کی۔
.ذریعہ: Nawaiwaqt
کلیدی لفظ: اور حکومت پی ٹی آئی جیل میں
پڑھیں:
کیا 25 ہزار میں آئمہ کرام کا ضمیر خریدنا چاہتے ہو؟ مولانا فضل الرحمان کی پنجاب حکومت پر تنقید
جمعیت علما اسلام (جے یو آئی) کے سربراہ مولانا فضل الرحمان نے ایک بار پھر پنجاب حکومت کی جانب سے آئمہ کرام کو وظیفہ دینے کے اقدام پر سخت اعتراض اٹھایا ہے۔
ملتان میں علما کنونشن سے خطاب کرتے ہوئے مولانا فضل الرحمان نے کہاکہ پاکستان اسلام کے نام پر وجود میں آیا، اور برصغیر کے مسلمانوں نے اس کے لیے بے شمار قربانیاں دی ہیں۔
انہوں نے الزام لگاتے ہوئے کہاکہ مدارس کے کردار کو کمزور کرنے کی کوشش کی جا رہی ہے اور ہمیں بار بار قومی دھارے میں شامل ہونے کا کہا جاتا ہے۔
ان کا کہنا تھا کہ حکومت کہتی ہے کہ ہم علما کو 25 ہزار روپے وظیفہ دینا چاہتے ہیں، مگر سوال یہ ہے کہ کس مد کے تحت یہ رقم دی جائے گی اور کیا اس کے ذریعے ضمیر خریدنے کی کوشش ہورہی ہے؟
مولانا فضل الرحمان نے مزید کہاکہ حکومتی حلقوں کی جانب سے سعودی عرب اور متحدہ عرب امارات کی مثالیں دی جاتی ہیں تو پھر وہی نظام مکمل طور پر نافذ کیا جائے۔
انہوں نے خبردار کرتے ہوئے کہا کہ فورتھ شیڈول میں شامل کرنے کی دھمکیاں دی جاتی ہیں، لیکن وہ ایسی دھمکیوں سے خوفزدہ نہیں۔ ’بھاڑ میں جائے فورتھ شیڈول‘۔
انہوں نے یہ بھی بتایا کہ مدارس کی رجسٹریشن سے متعلق قانون پہلے ہی منظور ہو چکا ہے۔
واضح رہے کہ کچھ روز قبل وزیراعلیٰ پنجاب مریم نواز نے صوبے بھر کی 65 ہزار مساجد کے آئمہ کرام کے لیے اعزازیہ مقرر کرنے کا اعلان کیا تھا۔
مریم نواز کے اس اعلان کے بعد مولانا نے وزیراعلیٰ پنجاب پر سخت تنقید کی تھی، جس کے جواب میں وزیر اطلاعات عطااللہ تارڑ سمیت دیگر لیگی رہنماؤں نے مولانا فضل الرحمان سے اپیل کی تھی کہ وہ اختلاف ضرور کریں لیکن سخت الفاظ استعمال نہ کریں۔
وزیراعلیٰ پنجاب مریم نواز کے مطابق وہ آئمہ کرام کے لیے 10 سے 15 ہزار روپے تک وظیفہ کا سوچ رہی تھیں، تاہم نواز شریف نے کہا ہے کہ کم از کم وظیفہ 25 ہزار روپے ہونا چاہیے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آئمہ ضمیر سربراہ جے یو آئی کڑی تنقید مریم نواز مولانا فضل الرحمان وزیراعلٰی پنجاب وی نیوز
اشتہار