ماسٹر آئل کرکٹ، پاک کورنگی اورلانڈھی فرینڈز کامیاب
اشاعت کی تاریخ: 25th, January 2025 GMT
کراچی ( اسپورٹس رپورٹر) ریجنل کرکٹ ایسوسی ایشن کراچی کے زیر اہتمام ماسٹر آئل لبریکینٹ کے تعاون سے جاری ماسٹر آئل انٹر کلب کرکٹ ٹورنامنٹ میں گزشتہ روز مزید مزید دو میچز کا فیصلہ ہو گیا۔ اصغر علی شاہ اسٹیڈیم پر کھیلے گئے پہلے میچ میں پاک کورنگی نے ایور گرین کرکٹ کلب کو 7وکٹوں سے شکست دے دی۔ ایور گرین کرکٹ کلب نے پہلے بیٹنگ کرتے ہوئے تمام وکٹوں پر 128 رنز بنائے۔ شہزر علی نے 37 اور بچہ خان نے 26 رنز بنائے۔ محمد زوہیب نے جارحانہ بولنگ کرتے ہوئے 10 ر نز دیکر 4 ، اسامہ بشارت نے 29 رنز دیکر 3 جبکہ وسیم احمد نے 2 کھلاڑیوں کو آئوٹ کیا۔ جواب میں پاک کورنگی نے 3 وکٹوں کے نقصان پر مطلوبہ 131 رنز بنا لئے۔ افسر نواز نے ناقابل شکست 36، اشعر قریشی نے 27 اور ارسلان بشیر نے 23 رنز بنائے۔ خیر اللہ نے 2 کھلاڑیوں کو آئوٹ کیا۔ لانڈھی جمخانہ گراؤنڈ پر کھیلے گئے دوسرے میچ میں لانڈھی فرینڈز نے قمر عباس کرکٹ کلب کو 8 وکٹوں سے ہرا دیا۔ قمر عباس کرکٹ کلب پہلے بیٹنگ کرتے ہوئے 117 رنز بنا کر آئوٹ ہوگئی۔ صبیح آغا نے 32 اور شجاع نے 24 رنز بنائے۔ محمد خان نے جارحانہ بولنگ کرتے ہوئے 28 رنز دیکر 5 جبکہ علی میسم اور حنیف ملک نے 2-2 کھلاڑیوں کو آئوٹ کیا۔ جواب میں لانڈھی فرینڈز نے 2 وکٹوں کے نقصان پر مطلوبہ 120 رنز بنا لئے۔ ذکا اللہ نے 8 چوکوں 2 چھکوں کی مدد سے ناقابل شکست 53 اور علی میسم نے 23 رنز ناٹ آئوٹ بنائے۔
.ذریعہ: Jasarat News
پڑھیں:
کوہستان میگا کرپشن اسکینڈل: ماسٹر مائنڈ کے گھر سے 20 کروڑ روپے مزید برآمد
data-id="863a0a8" data-element_type="widget" data-widget_type="theme-post-content.default">
پشاور میں کوہستان کے 40 ارب روپے کے میگا کرپشن کیس میں ایک اور بڑی پیشرفت سامنے آئی ہے۔ قومی احتساب بیورو (نیب) نے کارروائی کے دوران کیس کے مرکزی کردار قیصر اقبال کے گھر سے مزید 20 کروڑ روپے برآمد کر لیے۔
نیب حکام کے مطابق یہ رقم دو الگ کارروائیوں میں ملی جن میں ہر بار 10،10 کروڑ روپے ضبط کیے گئے۔
اس سے قبل بھی نیب کو قیصر اقبال کے گھر سے ایک ارب 60 کروڑ روپے کی خطیر رقم ملی تھی جو پینٹ کے ڈبوں میں چھپائی گئی تھی۔ اس رقم کی نشاندہی قیصر اقبال کی گرفتار اہلیہ نے کی تھی، جس کے بعد تحقیقات کا دائرہ مزید وسیع کر دیا گیا۔
نیب کی رپورٹ کے مطابق قیصر اقبال اگست 2013 سے محکمہ سی اینڈ ڈبلیو (کمیونی کیشن اینڈ ورکس) اپر کوہستان میں کلرک اور بعد میں ہیڈ کلرک کے عہدے پر تعینات رہے۔ اسی دوران انہوں نے مبینہ طور پر جعلی دستاویزات تیار کر کے سرکاری خزانے سے کروڑوں روپے غیر قانونی طور پر نکلوائے۔
ذرائع کے مطابق اس کرپشن نیٹ ورک کے ذریعے حاصل کی گئی خطیر رقم قیصر اقبال کی اہلیہ اور ایک کنٹریکٹر ممتاز کے اکاؤنٹس میں منتقل کی جاتی رہی۔ مزید یہ بھی انکشاف ہوا ہے کہ کئی بااثر شخصیات نے بھی اس اسکینڈل سے مالی فائدے حاصل کیے، جن کے خلاف تحقیقات جاری ہیں۔
نیب حکام کا کہنا ہے کہ برآمد کی گئی رقم کو محفوظ تحویل میں لے لیا گیا ہے اور کرپشن میں ملوث تمام کرداروں کے خلاف مزید شواہد اکھٹے کیے جا رہے ہیں۔ توقع ہے کہ کیس میں آئندہ دنوں میں مزید اہم گرفتاریاں عمل میں لائی جائیں گی۔
مزارِ قائد کے تاریخی فانوس کو قومی عجائب گھر میں نصب کرنے کا فیصلہ