ملک میں سونے کی قیمت بلند ترین سطح پر پہنچ گئی
اشاعت کی تاریخ: 25th, January 2025 GMT
24 قیراط فی تولہ سونے کے نرخ 2 ہزار 900 روپے بڑھ کر 2 لاکھ 89 ہزار 600 روپے کی بُلند سطح پر پہنچ گئے۔ اسی طرح 24 قیراط 10 گرام سونا بھی 2 ہزار 486 روپے مہنگا ہو کر 2 لاکھ 48 ہزار 285 روپے میں فروخت ہوا۔ اسلام ٹائمز۔ ملک میں سونے کی قیمتوں میں آج پھر بڑا اضافہ ہو گیا، جس کے بعد اس کی قیمتیں تاریخ کی نئی بلند ترین سطح پر پہنچ گئیں۔ سرکاری خبر رساں ادارے کی رپورٹ کے مطابق جیولرز ایسوسی ایشن نے بتایا کہ 24 قیراط فی تولہ سونے کے نرخ 2 ہزار 900 روپے بڑھ کر 2 لاکھ 89 ہزار 600 روپے کی بُلند سطح پر پہنچ گئے۔ اسی طرح 24 قیراط 10 گرام سونا بھی 2 ہزار 486 روپے مہنگا ہو کر 2 لاکھ 48 ہزار 285 روپے میں فروخت ہوا، جبکہ 22 قیراط کے حامل 10 گرام سونے کے دام بڑھ کر 2 لاکھ 48 ہزار 285 روپے تک جا پہچنے۔ ادھر، چاندی کی فی تولہ اور 10 گرام قیمت بالترتیب 31 روپے اور 27 روپے ضافے سے 3 ہزار 432 روپے اور 2 ہزار 942 روپے ریکارڈ کی گئی۔ ایسوسی ایشن نے رپورٹ کیا کہ عالمی منڈی میں فی اونس سونے کی قیمت 29 ڈالر اضافے سے 2 ہزار 772 ڈالر ریکارڈ کی گئی۔
.ذریعہ: Islam Times
کلیدی لفظ: سطح پر پہنچ کر 2 لاکھ
پڑھیں:
پاک سوزوکی کا ’ایوری وی ایکس آر‘ پر 3 لاکھ 50 ہزار روپے کی رعایت کا اعلان
پاک سوزوکی موٹر کمپنی نے اپنی مقبول منی وین سوزوکی ایوری وی ایکس آر (Every VXR) پر محدود مدت کے لیے 3 لاکھ 50 ہزار روپے کی نقد رعایت کا اعلان کر دیا ہے۔
کمپنی کے مطابق رعایت کے بعد گاڑی کی ایکس فیکٹری قیمت 26 لاکھ 15 ہزار 200 روپے ہو گئی ہے، جس سے یہ خاندانوں اور چھوٹے کاروباروں کے لیے ایک زیادہ معاشی اور عملی آپشن بن گئی ہے۔
یہ بھی پڑھیے: پاک سوزوکی موٹر کمپنی نے تمام گاڑیوں کی قیمتوں میں کتنا اضافہ کردیا؟
یہ پیشکش صرف ایوری وی ایکس آر ویریئنٹ پر لاگو ہوگی، اور اس رعایتی آفر کے تحت بکنگ ملک بھر کے مجاز شورومز پر شروع کر دی گئی ہے۔ کمپنی نے بتایا کہ یہ محدود مدت کی پیشکش ہے، لہٰذا صارفین کو مشورہ دیا گیا ہے کہ وہ اس موقع سے بروقت فائدہ اٹھائیں۔
سوزوکی ایوری وی ایکس آر میں 5-اسپیڈ مینوئل ٹرانسمیشن اور 2ڈبلیو ڈی ڈرائیو سسٹم موجود ہے، جو بہتر فیول ایوریج اور مستحکم کارکردگی فراہم کرتا ہے۔
محفوظ ڈرائیونگ کے لیے گاڑی میں ڈوئل فرنٹ ایئر بیگز، اے بی ایس کے ساتھ ای بی ڈی، اموبیلائزر، سیکیورٹی الارم اور فرنٹ سیٹ بیلٹ پری ٹینشنرز شامل ہیں۔ اس کے علاوہ چائلڈ لاک، فرنٹ وائپرز، اور ہیڈ امپیکٹ پروٹیکشن انٹیریئر بھی فراہم کیا گیا ہے۔
یہ بھی پڑھیے: سندھ میں گاڑیوں کی نمبر پلیٹس کی تبدیلی کی تاریخ میں ایک بار پھر توسیع
اندرونی سہولیات میں مینول ایئر کنڈیشننگ (اینٹی بیکٹیریل فلٹر کے ساتھ)، پاور اسٹیئرنگ، سینٹرل لاکنگ، مینول ریٹریکٹ ایبل مررز اور فولڈنگ سیٹس شامل ہیں، جو کارگو اسپیس کو زیادہ لچکدار بناتی ہیں۔
کمپنی کا کہنا ہے کہ یہ آفر بجٹ کے لحاظ سے حساس صارفین کو متوجہ کرنے کی حکمتِ عملی کا حصہ ہے، تاہم شرائط و ضوابط لاگو ہوں گے، اور یہ رعایت صرف محدود وقت کے لیے دستیاب ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سوزوکی قیمت گاڑی
اسلام آباد: وفاقی وزیر برائے قومی غذائی تحفظ رانا تنویر حسین سے کینیڈین ہائی کمشنر ملاقات کررہے ہیں