پی سی بی نے سہ فریقی سیریز کا شیڈول جاری کردیا
اشاعت کی تاریخ: 26th, January 2025 GMT
لاہور(اسپورٹس ڈیسک)پاکستان کرکٹ بورڈ( پی سی بی ) نے سہ ملکی ون ڈے سیریز کا شیڈول جاری کردیا، پاکستان جنوبی افریقا اور نیوزی لینڈ کی ٹیمیں 8 فروری سے مد مقابل ہوں گی۔پی سی بی نے پاکستان، نیوزی لینڈ اور جنوبی افریقا کی ٹیموں پر مشتمل سہ ملکی ون ڈے سیریز کے شیڈول کا اعلان کردیا۔پی سی بی کے مطابق نئی شکل کے ساتھ قذافی اسٹیڈیم لاہور پاکستان، نیوزی لینڈ اور جنوبی افریقا کے میچوں کی میزبانی کرے گا، اپ گریڈ نیشنل بینک اسٹیڈیم کراچی میں پاکستان اور جنوبی افریقا کے میچ کے علاوہ فائنل بھی کھیلا جائے گا۔شیڈول کے مطابق سہ فریقی سیریز کا پہلا میچ 8 فروری کو پاکستان اور نیوزی لینڈ کے درمیان قذافی اسٹیڈیم لاہور میں ہوگا جبکہ دوسرا میچ 10 فروری کو نیوزی لینڈ اور جنوبی افریقا کے درمیان اسی میدان پر کھیلا جائے گا۔شیڈول میں بتایا گیا ہے کہ نیشنل بینک اسٹیڈیم کراچی 12 فروری کو پاکستان اور جنوبی افریقا کے میچ کے علاوہ 14 فروری کو فائنل کی میزبانی بھی کرے گا۔پی سی بی کا کہنا ہے کہ قذافی اسٹیڈیم لاہور اور نیشنل بینک اسٹیڈیم کراچی میں ہونیوالے 4 میچ تینوں فریقوں کو آئی سی سی چیمپئنز ٹرافی کی تیاریوں کو حتمی شکل دینے کا بہترین موقع فراہم کریں گے۔پی سی بی کے مطابق ان میچز کے ذریعے پاکستان کرکٹ بورڈ کیلئے اپنے نئے ڈیزائن اور دوبارہ تیار کردہ اسٹیڈیمز کو عالمی معیار کی نشریات کے ذریعے دنیا کے سامنے دکھانے کا بہترین موقع ملے گا۔رپورٹ کے مطابق قذافی اسٹیڈیم لاہور میں تماشائیوں کی گنجائش بڑھا دی گئی ہے، نشریاتی معیار کو بڑھانے کیلئے 480 جدید ترین ایل ای ڈی لائٹس جبکہ 2 بڑی ڈیجیٹل ری پلے اسکرینز بھی نصب کی گئی ہیں۔پی سی کا کہنا ہے کہ کھلاڑیوں اور آفیشلز کیلئے نیا ہاسپٹلیٹی انکلوژر تکمیل کے قریب ہے، نیشنل بینک اسٹیڈیم کراچی میں یونیورسٹی اینڈ پر کھلاڑیوں اور آفیشلز کیلئے ایک نیا ہاسپٹلیٹی انکلوژر بنایا جارہا ہے۔
.
ذریعہ: Al Qamar Online
کلیدی لفظ: پاکستان کھیل نیشنل بینک اسٹیڈیم کراچی قذافی اسٹیڈیم لاہور اور جنوبی افریقا کے نیوزی لینڈ فروری کو کے مطابق پی سی بی
پڑھیں:
78 ڈی ایس پیز کے تبادلے
سٹی 42: آئی جی پنجاب نے78افسروں کے تقرروتبادلے کردیئے
آصف کمال ڈی ایس پی تھری چوہنگ لاہورسی ایل آئی تعینات ،محمد یونس کوڈی ایس پی ٹوبٹالین فائیوپی سی لاہور تعینات کردیا گیا
محمدعمران ڈی ایس پی انویسٹی گیشن ون پنجاب لاہورتعینات ہوگئے ،انیل انورڈی ایس پی بلڈنگزپی ایچ پی ہیڈکوارٹر لاہور تعینات کردیا گیا ، عامرصادق کوڈی ایس پی موبائل سٹی لاہور تعینات کردیا گیا ،کائیوان کریم ڈی ایس پی آپریشنزٹوپی ایچ پی ہیڈکوارٹرپنجاب لاہور تعینات ہوگئے ۔
محمدنعیم اخترڈی ایس پی ہیڈکوارٹرآر ایم پی پنجاب لاہور تعینات کیے گئے ، سیداسدبخاری ڈی ایس پی ایڈمن اینڈسکیورٹی سی سی ڈی ہیڈکوارٹرلاہورتعینات کردیے گئے ، مدثراللہ خان کوڈی ایس پی تھری بٹالین ون پی سی لاہور تعینات کردیا گیا،محمد اشفاق بٹ ڈی ایس پی فورپنجاب سیف سٹیز لاہورتعینات کیا گیا ، محمد اصغرخان ڈی ایس پی فنگرپرنٹس بیوروانویسٹی گیشن ہیڈکوارٹرتعینات کیا گیا ۔
زبیر اخلاق کوڈی ایس پی فائیو سیف سٹیزاتھارٹی تعینات کردیا گیا،ارشدحیات کانجوکوڈی ایس پی کینٹ سپیشل برانچ تعینات کردیا گیا،محمد نعمان کوڈی ایس پی ایم ٹی ورکشاپ پنجاب لاہور تعینات کردیا گیا۔
دیگرڈی ایس پیزکی مختلف سرکل اوریونٹس میں تعیناتی کانوٹیفکیشن جاری کردیا
متحدہ عرب امارات کےساتھ میچ میں پاکستان کو سخت کوشش کے بعد اہم کامیابی مل گئی
مالی مفاد حب الوطنی پر غالب: بھارت ایشیا کپ میں پاکستان سے کھیلنے پر آمادہ