پاکستان کا جنوبی افریقہ کے خلاف پہلے بیٹنگ کا فیصلہ، پراعتماد بلے بازی جاری
اشاعت کی تاریخ: 16th, September 2025 GMT
پاکستان ویمن کرکٹ ٹیم کی کپتان فاطمہ ثنا نے جنوبی افریقہ کے خلاف پہلے ایک روزہ بین الاقوامی میچ میں ٹاس جیت کر پہلے بیٹنگ کا فیصلہ کیا۔
یہ بھی پڑھیں: قومی ویمنز ٹیم کی ورلڈ کرکٹ کپ پر نظریں: منگل سے شروع ہونے والی جنوبی افریقہ سیریز تیاری کا اہم موقع ہے، کپتان فاطمہ ثنا
یہ میچ منگل کو لاہور کے قذافی اسٹیڈیم میں کھیلا جا رہا ہے اور یہ سیریز رواں ماہ ہونے والے ویمنز ورلڈ کپ کی تیاریوں کا حصہ ہے۔
پاکستان نے اب تک 25 اوورز میں 121 رنز بنالیے ہیں اور اس کی ایک وکٹ گری ہے۔
منیبہ علی 62 اور سدرا امین 54 رنز پر کھیل رہی ہیں۔ منیبہ کے ساتھ اوپن کرنے والی شوال ذوالفقار صرف 3 گیندیں کھیل سکیں اور کوئی رنز بنائے بغیر آیابونگا خاکا کی گیند پر سنالو جافتا کے ہاتھوں کیچ آؤٹ ہوئیں۔
ویمنز ورلڈ کپ رواں ماہ بھارت اور سری لنکا کے ہائبرڈ ماڈل کے تحت منعقد کیا جائے گا، جس میں پاکستان کے تمام میچز کولمبو، سری لنکا میں ہوں گے کیونکہ سیاسی کشیدگی کے باعث دونوں پڑوسی ممالک کے درمیان سفر ممکن نہیں۔
3 میچوں پر مشتمل یہ سیریز پاکستان کے لیے ورلڈ کپ کی تیاریوں کا اہم موقع ہے۔ سیریز سے قبل قومی ٹیم نے لاہور میں نیشنل کرکٹ اکیڈمی اور قذافی اسٹیڈیم میں دو ہفتوں پر محیط تربیتی کیمپ میں بھرپور تیاری کی۔
مزید پڑھیے: ویمنز کرکٹ ٹیم آئرلینڈ کے خلاف کامیابی کے تسلسل کو برقرار رکھنے کے لیے پُرعزم ہے، کپتان فاطمہ ثنا
پری میچ پریس کانفرنس میں گفتگو کرتے ہوئے کپتان فاطمہ ثنا نے کہا تھا کہ ٹیم کا بنیادی مقصد ورلڈ کپ کی تیاری ہے اور یہ سیریز اس مقصد کے لیے انتہائی اہم ہے۔ ان کا کہنا تھا کہ ایسی سیریز کھلاڑیوں کے لیے ایک بہترین موقع ہوتی ہے کہ وہ اپنی حالیہ تیاریوں کو عملی جامہ پہنائیں۔
فاطمہ ثناء نے اعتراف کیا کہ ماضی میں پاکستان کی ٹیم زیادہ تر بولنگ پر انحصار کرتی آئی ہے لیکن اس بار بلے بازوں کی کارکردگی بہتر بنانے پر بھی خصوصی توجہ دی گئی ہے۔
انہوں نے کہا تھا کہ ہم نے کیمپ کے دوران بیٹنگ پر کافی محنت کی ہے۔
قذافی اسٹیڈیم میں تینوں ون ڈے میچز 16، 19 اور 22 ستمبر کو کھیلے جائیں گے، جن کا آغاز سہ پہر 3:30 بجے رکھا گیا ہے۔
پاکستان کی 15 رکنی اسکواڈ کی قیادت فاطمہ ثناء کر رہی ہیں جبکہ مہمان ٹیم کی قیادت لورا وولفارڈ کے سپرد ہے۔ اسکواڈ میں ایک نئی کھلاڑی ایمان فاطمہ بھی شامل ہیں جنہوں نے حال ہی میں آئرلینڈ کے خلاف ٹی ٹوئنٹی میں ڈیبیو کیا تھا۔
یہ سیریز دونوں ٹیموں کے لیے 30 ستمبر سے 2 نومبر تک بھارت اور سری لنکا میں شیڈول 8 ٹیموں پر مشتمل ویمنز ورلڈ کپ کے لیے اپنی حکمت عملی کو حتمی شکل دینے کا اہم موقع ہے۔
مزید پڑھیے: پاکستان ویمنز ٹیم نے تھائی لینڈ کوشکست دے کر آئی سی سی ورلڈ کپ 2025 کے لیے کوالیفائی کرلیا
ون ڈے کرکٹ میں دونوں ٹیموں کے درمیان اب تک 28 مقابلے ہوچکے ہیں جن میں جنوبی افریقہ کو برتری حاصل ہے۔ تاہم گزشتہ مرتبہ جب دونوں ٹیمیں آمنے سامنے آئیں تو پاکستان نے 14 ستمبر 2023 کو کراچی میں ہونے والے میچ میں جنوبی افریقہ کو 8 وکٹوں سے شکست دی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان ویمنز بمقابلہ جنوبی افریقہ ویمنز پاکستان ویمنز کرکٹ ٹیم قذافی اسٹیڈیم.ذریعہ: WE News
کلیدی لفظ: پاکستان ویمنز بمقابلہ جنوبی افریقہ ویمنز پاکستان ویمنز کرکٹ ٹیم قذافی اسٹیڈیم کپتان فاطمہ ثنا قذافی اسٹیڈیم جنوبی افریقہ یہ سیریز کے خلاف ورلڈ کپ کے لیے
پڑھیں:
ٹی ٹوئنٹی: پاکستان کا جنوبی افریقا کے خلاف ٹاس جیت کر پہلے فیلڈنگ کافیصلہ
data-id="863a0a8" data-element_type="widget" data-widget_type="theme-post-content.default">
لاہور: تیسرے ٹی ٹوئنٹی میں پاکستان نے جنوبی افریقا کے خلاف ٹاس جیت کر فیلڈنگ کا فیصلہ کیا ہے
قذافی اسٹیڈیم لاہور میں کھیلے جارہے سیریز کے آخری ٹی20 میچ کی ٹاس کےلیے پاکستانی کپتان سلمان علی آغااور جنوبی افریقی قائد ڈونون فریرا میدان میں اترے۔
ذرائع کے مطابق پاکستان کی پلیئنگ الیون میں 2 تبدیلیاں کی گئی ہیں، نسیم شاہ اور ابرار احمد کو باہر بٹھایا گیا ہے جبکہ شاہین شاہ آفریدی اور عثمان طارق کو موقع فراہم کیا گیا ہے۔ عثمان طارق ٹی 20 ڈیبیو کر رہے ہیں۔جبکہ دیگر کھلاڑیوں میں صائم ایوب، صاحبزادہ فرحان، بابر اعظم، حسن نواز، سلمان علی آغا، عثمان خان، محمد نواز اور فہیم اشرف شامل ہیں۔
جنوبی افریقا نے پلیئنگ الیون میں 3 تبدیلیاں کی ہیں، ٹونی ڈی زورزی، لونگی این گیدی اور ناندرے برگر ڈراپ کیے ہیں جبکہ ان کی جگہ لوہان ڈرے پریٹوریس، لیزارڈ ولیمز اور آندے سیمالانے شامل ہیں۔
پہلے ٹی20 میچ میں جنوبی افریقا نے پاکستان کو 55 رنز سے مات دی تھی جبکہ دوسرے میچ میں پاکستان نے 9 وکٹ سے فتح اپنے نام کی، آج کے میچ کی فاتح ٹیم سیریز بھی جیت جائے گی۔
ٹی20 سیریز کے بعد پاکستان اور جنوبی افریقا کے درمیان 3 ایک روزہ میچز کی سیریز کا پہلا میچ 4 نومبر، دوسرا 6 نومبر اور آخری ون ڈے 8 نومبر کو کھیلا جائے گا۔
عالمی بینک نے پاکستان ڈیولپمنٹ اپ ڈیٹ رپورٹ 2025 جاری کردی