حزب اللہ نے جاسوسی کرنے والے غیر ملکی جوڑے کو گرفتار کر لیا
اشاعت کی تاریخ: 27th, January 2025 GMT
اخبار نے مزید کہا کہ الاخبار کو معلوم ہوا کہ ایک الجزائری شخص اور اس کی اطالوی بیوی کو حزب اللہ فورسز نے جمعرات کی سہ پہر کو اس وقت گرفتار کیا جب وہ الرویس محلے میں سید الشہدا کمپاؤنڈ کے قریب جاسوسی کی کارروائی کرنے کی کوشش کر رہے تھے۔ اسلام ٹائمز۔ لبنان کی اسلامی مزاحمتی تحریک حزب اللہ نے ایک خصوصی آپریشن میں جاسوسی کرنے والے غیر ملکی جوڑے کو گرفتار کر لیا ہے۔ لبنانی اخبار "الاخبار" نے بیروت میں دحیہ کے الرویس محلے میں سید الشہداء (ع) کمپاونڈ کے احاطے کے قریب ایک الجزائری شخص اور اس کی اطالوی بیوی کی حزب اللہ فورسز کے ہاتھوں گرفتاری کی اطلاع دی ہے۔ لبنانی اخبار الاخبار نے رپورٹ کیا ہے کہ حزب اللہ کے سیکورٹی یونٹ بیروت میں جاسوسی کی کارروائیوں کو ناکام بنانے اور مشتبہ دہشت گردوں کو گرفتار کرنے کا سلسلہ جاری رکھے ہوئے ہیں۔ اخبار نے مزید کہا کہ الاخبار کو معلوم ہوا کہ ایک الجزائری شخص اور اس کی اطالوی بیوی کو حزب اللہ فورسز نے جمعرات کی سہ پہر کو اس وقت گرفتار کیا جب وہ الرویس محلے میں سید الشہدا کمپاؤنڈ کے قریب جاسوسی کی کارروائی کرنے کی کوشش کر رہے تھے۔
سیکیورٹی ذرائع نے الاخبار کو بتایا کہ حراست میں لیے گئے افراد میں 1993ء میں لگوات شہر میں پیدا ہونے والے "بالقاسم بن عروس" اور 1989ء میں روم میں پیدا ہونے والی "ایسٹر ارگوٹو" ہیں، جنہیں ایک ٹیکسی کے اندر سے خفیہ طور پر فلم بنانے کے بعد موقع سے گرفتار کیا گیا۔ حکام نے مزید کہا کہ جی پی ایس سسٹم سے لیس ایک گوپرو کیمرہ جو بلوٹوتھ اور انٹرنیٹ کے ذریعے ڈیوائسز اور سمارٹ فونز سے منسلک ہو سکتا ہے، ان کے قبضے سے برآمد کر لیا گیا۔ اسی ذرائع کے مطابق اس کیمرے کو ایک ایپ کے ذریعے ریموٹ سے بھی کنٹرول کیا جا سکتا ہے۔ حراست میں لیے گئے افراد کو تفتیش مکمل کرنے اور ان کی دستاویزات کا جائزہ لینے کے لیے جنرل سیکیورٹی اپریٹس کے حوالے کر دیا گیا۔ الاخبار کے مطابق لبنانی حزب اللہ نے گزشتہ پیر کی شب دو فرانسیسی باشندوں کو بھی جاسوسی کے شبہ میں گرفتار کیا گیا۔
ذریعہ: Islam Times
کلیدی لفظ: گرفتار کیا حزب اللہ
پڑھیں:
زمین اور گھر خریدنے و بیچنے والوں سے بھتہ طلب کرنے والے لیاری گینگ کے 3 کارندے گرفتار
کراچی:ایس آئی یو پولیس نے نارتھ کراچی صنعتی ایریا میں کارروائی کرتے ہوئے جائیداد، زمین اور گھر خریدنے و بیچنے والوں سے بھتہ طلب کرنے والے لیاری گینگ کے بھتہ خور گروہ کے 3 اہم کارندوں کو گرفتار کرکے ان کے قبضے سے اسلحہ برآمد کرلیا۔
تفصیلات کے مطابق اسپیشل انویسٹیگیشن یونٹ (سی آئی اے) پولیس نے نارتھ کراچی صنعتی ایریا میں کارروائی کرتے ہوئے لیاری گینگ کے بھتہ خورشکیل بادشاہ گروہ کے 3 اہم کارندوں تنویر، شکیل اور وقاص کو گرفتار کرکے ان کے قبضے سے تین 9 ایم ایم پستول اور گولیاں برآمد کرلی۔
ایس ایس پی ایس آئی یو امجد شیخ کے مطابق گرفتار ملزمان نے فرار ہونے کی نیت سے پولیس پر فائرنگ بھی کی لیکن ایس آئی یو نے حکمت عملی سے تینوں مسلح ملزمان کو گرفتار کرلیا۔ گرفتار ملزمان کے ابتدائی تفتیش کے دوران ملزمان سے اہم انکشافات سامنے آگئے۔
امجد شیخ کے مطابق گرفتار ملزمان پراپرٹی خریدنے اور بیچنے والوں کی ریکی کرتے تھے، ملزمان ایجنٹ بن کر پراپرٹی کے مالک کی تفصیلات حاصل کرتے تھے، غیر ملکی نمبروں سے مالکان کو بھتے کے فون اور دھمکیاں دی جاتی تھی۔
ایس ایس پی کے مطابق گروہ کا سرغنہ شہریوں سے اب تک لاکھوں روپے بھتہ طلب کر چکا ہے، گرفتار ملزمان کو ریکی کرنے پر 90 ہزار سے 2 لاکھ کی رقم ملتی تھی، رقم آن لائن جاز کیش اکاؤنٹ کے ذریعے بھیجی جاتی تھی۔
انہوں نے بتایا کہ گرفتار ملزمان کار لفٹنگ، پولیس پر فائرنگ اور غیر قانونی اسلحہ کے جرائم میں بھی ملوث ہیں۔ گرفتار ملزمان کے خلاف ایس آئی یو میں مقدمہ درج کر لیا گیا ہے اور گرفتار ملزمان سے مزید انٹیروگیشن کا عمل جاری ہے۔
کوئٹہ، خاتون ٹیچر کے قتل میں ملوث مرکزی ملزم گرفتار