سانحہ 12 مئی کیس، الطاف حسین اشتہاری اور سابق مئیر کراچی وسیم اختر بری الذمہ قرار
اشاعت کی تاریخ: 27th, January 2025 GMT
کراچی کی انسداد دہشت گردی عدالت نے سانحہ 12 مئی میں بانی ایم کیو ایم الطاف حسین کو اشتہاری قرار دیتے ہوئے سابق میئر کراچی وسیم اختر سمیت 3 ملزمان کوبری کردیا ہے۔
انسداد دہشت گردی عدالت کراچی نے سانحہ 12 مئی کیس کا محفوظ فیصلہ سنا دیے ہے، عدالت نے مقدمے کا فیصلہ سناتے ہوئے سابق میئر کراچی وسیم اختر کو مقدمے سے بری کردیا ہے، وسیم اختر کے علاوہ 2 ملزمان عمیر صدیقی اور اعجاز شاہ قادری کو بھی مقدمے سے بری کیا گیا ہے۔
یہ بھی پڑھیں: کراچی: سانحہ 12 مئی کو 17 سال بیت گئے، 50 سے زیادہ شہریوں کے قاتل آج بھی آزاد
پولیس کے مطابق ملزمان کے خلاف ایئرپورٹ تھانے میں مقدمہ درج تھا، ملزمان پر 12 مئی 2007 کو ہنگامہ آرائی، جلاؤگھیراؤ کےالزامات تھے، عدالت نے کیس میں بانی متحدہ الطاف حسین سمیت 12ملزمان کو اشتہاری قرار دے رکھا ہے۔
عدالت نے الطاف حسین سمیت اشتہاری ملزمان کے دائمی وارنٹ گرفتاری جاری کر رکھے ہیں، بارہ مئی2007 کے واقعات کے 6 مقدمات تاحال زیرالتوا ہیں۔
یاد رہے کہ 2007 میں معزول چیف جسٹس افتخار محمد چودھری کے استقبال کے موقع پر 2 مئی 2007 کے فسادات ہوئے جس میں مختلف سیاسی جماعتوں کے کارکنوں کے مابین تصادم کے تتیجے میں تقریباً 48 افراد مارے گئے تھے۔
یہ بھی پڑھیں: 12 مئی جب ہم موت کے منہ سے نکلے
سابق چیف جسٹس افتخار محمد چوہدری سندھ ہائیکورٹ کی 50 ویں سالگرہ کے موقع پر کراچی آرہے تھے کہ اس موقع پر شہر میں فسادات ہوئے، شہر کی شاہراہوں پر اسلحےکا آزادانہ استعمال دیکھنے میں آیا اور خون ریزی میں وکلا سمیت 48 مارے گئے جبکہ سینکڑوں افراد زخمی ہوئے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news الطاف حسین انسداد دہشتگردی عدالت سانحہ 12 فیصلہ کراچی وسیم اختر.ذریعہ: WE News
کلیدی لفظ: الطاف حسین انسداد دہشتگردی عدالت فیصلہ کراچی کراچی وسیم اختر الطاف حسین عدالت نے
پڑھیں:
اسلام آباد: 26 نومبر احتجاج کیس میں 11 گرفتار ملزمان پر فردِ جرم عائد
اسلام آباد:انسداد دہشتگردی عدالت نے 26 نومبر احتجاج کے مقدمے میں 11 گرفتار ملزمان پر فردِ جرم عائد کردی۔
انسداد دہشتگردی عدالت کے جج طاہر عباس سپرا نے کیس کی سماعت کی، ملزمان نے فرد جرم عائد ہونے پر صحت جرم سے انکار کردیا، عدالت نے کیس کی سماعت 24 ستمبر تک ملتوی کر دی۔
مقدمے میں پی ٹی آئی قیادت 13 نومبر تک عبوری ضمانتوں پر ہے۔ پولیس نے تھانہ سیکرٹریٹ میں درج مقدمے میں شامل 195 کارکنان میں سے گرفتار ملزمان کا چالان عدالت میں پیش کر دیا، جبکہ 184 غیر حاضر ملزمان کو عدالت اشتہاری قرار دے چکی ہے۔
پاکستان اسٹاک ایکسچینج کی بلند پرواز جاری؛ انڈیکس آج بھی نئی تاریخ ساز سطح پر