صبا قمر شدید بیمار ہوگئیں، مداحوں کو کیا پیغام دیا؟
اشاعت کی تاریخ: 29th, January 2025 GMT
پاکستان کی ورسٹائل اداکارہ صبا قمر شدید بیمار ہوگئی ہیں، جنھوں نے اپنی بیماری کے حوالے سے انسٹاگرام اکاؤنٹ پر مداحوں کو آگاہ کیا ہے۔
اداکارہ نے حال ہی میں اپنے مداحوں کے ساتھ اپنی صحت کے بارے میں اپ ڈیٹ شیئر کرتے ہوئے اس بات کا انکشاف کیا ہے کہ انہیں شدید اسہال کی تشخیص ہوئی ہے۔
صبا قمر نے انسٹاگرام پر اپنے فالوورز کو اپنی صحت کے بارے میں بتایا اور ان کی تشویش پر شکریہ بھی ادا کیا۔
انسٹاگرام اسٹوری میں صبا قمر نے ایک تصویر شیئر کی ہے جس میں وہ اسپتال کے بستر پر لیٹی ہوئی ہیں اور ان کے گرد دوست اور رشتے دار موجود ہیں۔
پوسٹ کے کیپشن میں صبا نے لکھا ’’میں جانتی ہوں کہ آپ میں سے بہت سے لوگ میرے بارے میں فکرمند تھے۔ تو میں آپ کو بتانا چاہتی ہوں کہ مجھے شدید اسہال تھا، لیکن الحمدللہ، میں اب بہت بہتر محسوس کر رہی ہوں۔‘‘ انہوں نے مزید کہا کہ وہ صحت یابی کے مرحلے میں ہیں اور ان کی ٹیم ان کا بہت خیال رکھ رہی ہے۔
اداکارہ نے اپنے مداحوں کو یقین دلایا کہ ’’میں ٹھیک ہورہی ہوں، صحت یاب ہورہی ہوں، اور میری شاندار ٹیم میری دیکھ بھال کر رہی ہے۔‘‘
انہوں نے اپنے چاہنے والوں کی محبت اور دعاؤں کےلیے ان کا شکریہ ادا کرتے ہوئے کہا ’’آپ کی محبت اور دعائیں میرے لیے بہت معنی رکھتی ہیں، اور میں وعدہ کرتی ہوں کہ میں بہت، بہت جلد واپس آؤں گی۔ سب سے محبت، مجھے اپنی دعاؤں میں یاد رکھیں۔‘‘
صبا نے اپنی پچھلی پوسٹ بھی شیئر کی جس میں انہوں نے اپنی صحت پر توجہ دینے کےلیے سوشل میڈیا سے مختصر وقفہ لینے کا ذکر کیا تھا، انہوں نے کہا تھا، ’’کبھی کبھی زندگی میں، آپ کو صرف ایک قدم پیچھے ہٹنا ہوتا ہے، تھوڑی دیر کےلیے خاموش رہنا ہوتا ہے، اور خود کو سننے اور ریچارج کرنے کےلیے وقت دینا ہوتا ہے۔‘‘
اداکارہ نے شوبز انڈسٹری سے اپنے قریبی دوستوں اور ساتھیوں کی موجودگی کا بھی اعتراف کیا، جو اسپتال میں ان سے ملنے آئے تھے۔
.ذریعہ: Express News
کلیدی لفظ: انہوں نے
پڑھیں:
امریکی وزیر خارجہ اسرائیلی دورے سے واپسی پر عجلت میں دوحہ پہنچ گئے؛ اہم پیغام پہنچایا
اسرائیل کے دورے سے واپسی پر امریکی وزیر خارجہ اچانک دوحہ پہنچ گئے جہاں انھوں نے قطری امیر شیخ تمیم بن حمد الثانی اور وزیراعظم محمد بن عبد الرحمان الثانی سے ملاقاتیں کیں۔
عالمی خبر رساں ادارے کے مطابق یہ دورہ بہت عجلت میں ترتیب دیا گیا۔ ایک گھنٹے سے کچھ کم وقت کے لیے جاری رہنے والی اس ملاقات میں امریکی وزیر خارجہ مارکو روبیو نے قطر کی سلامتی اور خود مختاری کے لیے بھرپور حمایت کا وعدہ کیا۔
محکمہ خارجہ کے ترجمان نے بتایا کہ مارکو روبیو نے امریکا اور قطر کے درمیان مضبوط دو طرفہ تعلقات کی تصدیق کی اور غزہ میں جنگ کے خاتمے اور تمام یرغمالیوں کو وطن واپس لانے کی کوششوں پر قطر کا شکریہ ادا کیا۔
مارکو روبیو نے اس سے قبل خود یہ کہا تھا کہ دوحہ میں حماس رہنماؤں پر اسرائیلی حملے کے باوجود امریکا اور قطر جلد دفاعی معاہدے کو حتمی شکل دینے کے لیے کام کریں گے۔
وزیر خارجہ مارکو روبیو نے یہ بھی کہا تھا کہ وہ قطر سے ثالث کا کردار ادا کرتے رہنے کی اپیل کریں گے جیسا وہ ماضی میں کرتے آئے ہیں۔
انھوں نے مزید کہا کہ اگر دنیا میں کوئی ایسا ملک ہے جو مذاکرات کے ذریعے جنگ کو ختم کرنے میں مدد کر سکتا ہے تو وہ صرف قطر ہے۔
مارکو روبیو کے اس دورے نے قطر کو اس بات کا یقین دلانے کی بھی کوشش ہے کہ اسرائیلی حملوں نے اس کے کلیدی اتحادی کی طرف سے خلیجی امارات کے ساتھ سکیورٹی کے وعدوں کو نقصان پہنچایا۔
خیال رہے کہ صحافیوں سے گفتگو میں قطری وزارت خارجہ کے ترجمان ماجد الانصاری نے کہا کہ ان کا ملک امریکی حمایت کو سراہتا ہے لیکن یقیناً اس حملے نے ہمارے اور امریکا کے درمیان دفاعی معاہدوں کی ضرورت کو مزید تیز کر دیا۔
یاد رہے کہ ایک ہفتے قبل اسرائیل نے دوحہ میں حماس کی اعلیٰ قیادت کو اس وقت نشانہ بنایا جب وہ غزہ جنگ بندی معاہدے کی امریکی تجویز پر مشاورت کر رہے تھے۔
اسرائیلی حملے میں حماس کی قیادت محفوظ رہی البتہ الخلیل الحیا کے بیٹے سمیت 6 افراد شہید ہوگئے تھے۔
لاہور سے جدہ جانے والی 2 پروازوں کی ہنگامی لینڈنگ؛ طیارے گراؤنڈ کردیے گئے