جسارت کے سابق سینئر رپورٹر محمد انور سپرد خاک
اشاعت کی تاریخ: 30th, January 2025 GMT
کراچی (رپورٹ:منیر عقیل انصاری) کراچی پریس کلب کے سینئر رکن اور روزنامہ جسارت کراچی کے سابق سینئر رپورٹر اور بلدیاتی امور کے ماہر صحافی محمد
انور گزشتہ روز انتقال کر جانے کے باعث اسماعیل گوٹھ قبرستان میں سپرد خاک کردیا گیا ہے۔ ان کی نماز جنازہ بعد نماز ظہر دارارقم مسجد لانڈھی میں ادا کردی گئی ۔مرحوم کی نمازہ جنازہ میںلانڈھی ٹاؤن کے چیئرمین عبدالجلیل ،کراچی پریس کلب کے سیکرٹری سہیل افضل خان ، کے یو جے (دستور) کے سابق صدور طارق ابو الحسن ،خلیل ناصر ،سینئر صحافی مظفر اعجاز ،مسعود انور،نصر اللہ چودھری ،جماعت اسلامی کراچی کے سیکرٹری اطلاعات زاہد عسکری،الخدمت فاؤنڈیشن کے اعجاز اللہ خان، مرحوم کے عزیز و اقارب سمیت سیاسی ،مذہبی و سماجی شخصیات نے بڑی تعداد میں شرکت کی۔ مرحوم فالج زدہ ہونے کے ساتھ گزشتہ2 ہفتے سے شدیدعلیل تھے، جنہیں (این آئی سی وی ڈی ) میں داخل کیا گیا تھا جہاں وینٹی لیٹر پر تھے۔انہوں نے 2بیٹوں،1 بیٹی اوربیوہ کو سوگوار چھوڑا ہے۔دریں اثنا جسارت کے چیف ایڈیٹر شاہنواز فاروقی،سی ای او ڈاکٹر عبدالواسع،سی او او سید طاہر اکبر اور کارکنان جسارت نے محمد انور کی وفات پر گہرے رنج و غم کا اظہار کرتے ہوئے مرحوم کو جنت الفردوس میں اعلیٰ مقام اور لواحقین کو صبر جمیل کی دعا کی۔ علاوہ ازیںمیئر کراچی بیرسٹر مرتضیٰ وہاب نے بھی سینئر صحافی کے انتقال پر دلی دکھ کا اظہار کرتے ہوئے کہا کہ مرحوم نے ایک طویل عرصے تک بلدیاتی رپورٹر کی حیثیت سے خدمات انجام دیں اور حقیقی معنوں میں کراچی کے مسائل کو اجاگر کیا۔ گلوبل عافیہ موومنٹ کی چیئرپرسن اور ایپی لیپسی فائونڈیشن کی صدر ڈاکٹر فوزیہ صدیقی اور عافیہ موومنٹ کے ترجمان محمد ایوب نے بھی سینئر صحافی محمد انور کی وفات پر دلی دکھ اور افسوس کا اظہار کیا ہے۔ انہوں نے کہا کہ مرحوم نے ڈاکٹر عافیہ کی رہائی کی جدوجہد میں اپنے قلم و تحریر سے حصہ ڈالتے رہے ہیں، اللہ تعالیٰ ان کی کاوشوں کو قبول فرمائے۔مزید برآں کراچی پریس کلب کے صدر فاضل جمیلی ، سیکرٹری سہیل افضل خان اور مجلس عاملہ نے محمد انور کے انتقال پر گہرے رنج و غم کا اظہار کیا ہے۔کراچی پریس کلب کے عہدیداروں نے کہا کہ غم اس گھڑی میں محمد انور کے اہل خانہ کے دکھ میں برابر کے شریک ہیں۔
کراچی: سینئر صحافی محمد انور کا جسد خاکی آخری آرام گاہ کی جانب لے جایا جارہا ہے
ذریعہ: Jasarat News
کلیدی لفظ: کراچی پریس کلب کے سینئر صحافی کا اظہار
پڑھیں:
ان ڈرائیو کا دو ماہ کیلئے کراچی میں ڈرائیورز کیلئے کمیشن ختم کرنے کا اعلان
data-id="863a0a8" data-element_type="widget" data-widget_type="theme-post-content.default">
کراچی(بزنس رپورٹر) ان ڈرائیو نے اپنے ”پیپل فرسٹ” حکمت عملی کے تحت کراچی میں یکم نومبر سے 31 دسمبر 2025 تک رائیڈ ہیلنگ سروس پر کمیشن ختم کرنے کا اعلان کردیا، جس کے تحت ڈرائیور اپنی آمدنی کا 100 فیصد خود رکھ سکیں گے۔یہ اقدام ان ڈرائیو (inDrive) کے انصاف، بااختیار اور کمیونٹی کی فلاح و بہبود کے عزم کو مزید مضبوط کرتا ہے۔ کمپنی اپنے منفرد پیئر ٹو پیئر پرائسنگ ماڈل کے ذریعے ڈرائیور اور صارف دونوں کو با اختیار بنانے اور شہری ٹرانسپورٹ میں انسانی ترجیحات اور معاشی خودمختاری کو بنیاد فراہم کرتی ہے۔ان ڈرائیو پاکستان کے کنٹری منیجر اویس سعید نے کہا کہ”کراچی کے ڈرائیور ہمارے پلیٹ فارم کی ریڑھ کی ہڈی کی حیثیت رکھتے ہیں اور ان کی محنت اور حوصلہ ہمیں ہر روز آگے بڑھنے کا جزبہ فراہم کرتا ہے۔
بھارت افغان سرزمین سے پاکستان کیخلاف کم شدت کی جنگ چھیڑ رہا ہے، خواجہ آصف