میجر حمزہ اسرار شہید کی نماز جنازہ ادا؛ آرمی چیف اور وزیراعظم کی شرکت
اشاعت کی تاریخ: 30th, January 2025 GMT
سٹی 42 : میر علی میں 29 اور 30 جنوری کی شب ہونے والے آپریشن کے دوران خارجی دہشتگردوں کا بہادری سے مقابلہ کرتے ہوئے جامِ شہادت نوش کرنے والے میجر حمزہ اسرار کی نماز جنازہ چکلالہ گیریژن، راولپنڈی میں ادا کر دی گئی ۔
وزیراعظم شہباز شریف، آرمی چیف جنرل عاصم منیر نے نماز جنازہ میں شرکت کی اس کے علاوہ نائب وزیراعظم و وزیر خارجہ اسحق ڈار، وزیر دفاع و اطلاعات سمیت فوجی افسران، جوانوں، شہید کے عزیز و اقارب نے شرکت کی ۔
ایک برس پرانے قتل کا مفرور قاتل پکڑا گیا
میجر حمزہ اسرار نے میر علی میں مادر وطن کا بے جگری سے دفاع کرتے ہوئے جام شہادت نوش کیا ۔
وزیراعظم شہباز شریف نے پاکستان کے بہادر شہداء کو زبردست خراج عقیدت پیش کیا، شہباز شریف کا دہشت گردی کے خاتمے کے لیے قوم کے غیر متزلزل عزم کا اعادہ کیا ، کہا کہ ایسی عظیم قربانیاں قوم کے عزم کو تقویت دیتی ہیں، بہادر شہداء کی قربانیاں آنیوالی نسلوں کے لیے محفوظ اور پرامن پاکستان کو یقینی بنانے کے اجتماعی یقین کو مزید مضبوط کرتی ہیں ۔
کھیلتا پنجاب گیمز کے تمام کھلاڑیوں کی لاٹری لگ گئی، سب کو ای بائیک ملیں گی
شہباز شریف نے کہا کہ پوری قوم دہشت گردی کے خلاف جنگ میں مسلح افواج اور قانون نافذ کرنے والے اداروں کے شانہ بشانہ ہے ۔
نماز جنازہ کے بعد شہید میجر حمزہ اسرار کا جسد خاکی ابائی علاقے کو روانہ کر دیا گیا ، شہید میجر حمزہ اسرار کو مکمل فوجی اعزاز کے ساتھ سپرد خاک کیا جائے گا ۔
سورس : آئی ایس پی آر
.ذریعہ: City 42
کلیدی لفظ: شہباز شریف
پڑھیں:
شہباز شریف نے آصف علی زرداری سے 27 ویں ترمیم پر حمایت مانگی ہے: شازیہ مری
— فائل فوٹوپاکستان پیپلز پارٹی (پی پی پی) رہنما شازیہ مری کا کہنا ہے کہ وزیراعظم شہباز شریف نے صدر آصف علی زرداری اور بلاول بھٹو سے ملاقات میں 27 ویں ترمیم پر حمایت مانگی ہے۔
شازیہ مری نے پروگرام ’جیو پاکستان‘ سے گفتگو کرتے ہوئے بتایا کہ کافی عرصے سے 27 ویں ترمیم کے حوالے سے قیاس آرائیاں ہو رہی ہیں، حکومت نے باقاعدہ پیپلز پارٹی سے 27ویں آئینی ترمیم کے حوالے سے رابطہ کیا ہے۔
اُنہوں نے بتایا کہ اس ترمیم سے متعلق پیپلز پارٹی کی سی ای سی میں فیصلے کیے جائیں گے۔
شازیہ مری نے مزید کہا کہ صوبوں کے اختیارات پر پیپلز پارٹی نے اتفاق رائے پیدا کیا۔ 18ویں ترمیم میں صوبوں کے اختیارات سے پیچھے ہٹنا مناسب بھی نہیں ہوگا اور ممکن بھی نہیں ہوگا۔
شازیہ مری نے کہا ہے کہ شہباز شریف وزیراعظم بننےکے لیے پیپلز پارٹی کے پاس آئے تو کچھ باتیں طے ہوئی تھی۔
اُنہوں نے کہا کہ پیپلز پارٹی تمام چیزیں اپنے اصولی مؤقف پر دیکھے گی، حکومت اگر کسی چیز پر متفق ہے اور ہمیں متفق کرنا چاہتی ہے تو اس پر بات ہوسکتی ہے۔
شازیہ مری نے کہا کہ ن لیگ کے ساتھ بیٹھیں گے تو عوامی مسائل پر بات کریں گے، 27 ویں آئینی ترمیم کو عوامی اعتبار سے بھی دیکھا جائے گا، 18 ویں ترمیم صوبوں کے دلوں کے بہت قریب ہے، اس پر ہرگز سمجھوتہ نہیں ہوسکتا۔
اُنہوں نے کہا کہ سیلاب میں جن لوگوں نے تکلیف اٹھائی ہمیں ان کی طرف دھیان دینا چاہیے، پیپلز پارٹی کا سادہ سا مطالبہ تھا، ہم نے کبھی لفظوں کی جنگ نہیں چھیڑی، ہماری دہشت گردی، معاشی حالات اور بے روزگاری جیسے مسائل پر توجہ دینی چاہیے۔
بھارت افغان سرزمین سے پاکستان کیخلاف کم شدت کی جنگ چھیڑ رہا ہے، خواجہ آصف