پاکستان اور متحدہ عرب امارات مزید 2 ایئرلائنز کی پروازیں شروع کرنے پر متفق
اشاعت کی تاریخ: 30th, January 2025 GMT
پاکستان اور متحدہ عرب امارات نے دونوں ممالک کے درمیان رابطوں کو بہتر بنانے اور اپنے دیرینہ تعلقات کو مزید مضبوط بنانے کے لیے پروازوں میں اضافے پراتفاق کیا ہے۔
متحدہ عرب امارات میں پاکستان کے سفیر فیصل نیاز ترمذی کے مطابق اس ہفتے متحدہ عرب امارات کے حکام کے ساتھ مزید بجٹ دوست ایئرلائن آپشنز متعارف کرانے کے حوالے سے بات چیت کے بعد معاہدے کو حتمی شکل دے دی گئی ہے۔
پاکستان کی ایئرسیال 3 شہروں سے ابوظہبی کے لیے پروازوں کا آغاز کرے گی جبکہ ووزایئرابوظہبی اور پاکستان کے 2 شہروں کے درمیان پروازوں کا آغاز کرے گی۔
یہ پیش رفت وزیراعظم شہباز شریف کے فروری میں ورلڈ گورنمنٹ سمٹ میں شرکت کے لیے متحدہ عرب امارات کے دورے کے موقع سامنے آئے گی، جہاں اقتصادی تعاون، تجارت اور روزگار کے مواقع پر مزید بات چیت متوقع ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پروازیں ڈپلومیٹک کارنر فیصل نیاز ترمذی متحدہ عرب امارات ووزایئرابوظہبی.ذریعہ: WE News
کلیدی لفظ: پروازیں فیصل نیاز ترمذی متحدہ عرب امارات متحدہ عرب امارات کے لیے
پڑھیں:
بے ضابطگیوں کی تحقیقات ہو گی، میچ ریفری نے معافی مانگ لی: پاکستان، امارات کو ہرا کر ایشیا کپ کے سپر فور مرحلے میں پہنچ گیا
لاہور+اسلام آباد (سپورٹس رپورٹر+ نوائے وقت رپورٹ) انٹر نیشنل کرکٹ کونسل کے متنازعہ میچ ریفری اینڈی پائی کرافٹ نے پاکستانی کرکٹ ٹیم کے منیجر اور ٹیم کے کپتان سے معافی مانگ لی۔ اینڈی پائی کرافٹ نے پاکستان‘بھارت کے میچ میں دونوں ٹیموں کے کپتانوں کو مصافحہ کرنے سے منع کیا تھا۔ پاکستان کرکٹ بورڈ نے اینڈی پائی کرافٹ کے اس عمل پر سخت رد عمل کا اظہار کیا تھا۔اینڈی پائی کرافٹ نے 14 ستمبر کے واقعہ کو مس کمیونیکیشن کا نتیجہ قرار دے کر معذرت کی۔ آئی سی سی نے 14 ستمبر کو میچ کے دوران کوڈ آف کنڈکٹ کی خلاف ورزی کی انکوائری پر آمادگی کا اظہار کر دیا۔ انہوں نے میچ ریفری کے فرائض انجام دیئے۔ ناخوشگوار واقعہ کے بعد پی سی بی نے آئی سی سی سے اینڈی پائیکرافٹ کو ایشیا کپ سے ہٹانے کا مطالبہ کیا تھا۔ پی سی بی نے آئی سی سی کو دوبار خط لکھا اور واضح کیا کہ اگر میچ ریفری کو تبدیل نہ کیا گیا تو پاکستان ایشیا کپ کے بقیہ میچز کا بائیکاٹ کریگا۔ آئی سی سی کا ہنگامی اجلاس ہوا جس میں ڈیڈ لاک ختم ہوا۔میچ کھیلنے کا وقت آئی سی سی نے ایک گھنٹہ بڑھادیا۔پاکستان کرکٹ بورڈ کے چیئرمین محسن نقوی نے کہا ہے کہ اللہ کا شکر ہے کہ اللہ نے پاکستان کی عزت برقرار رکھی اور ٹیم سے امید ہے کہ اب پرفارم کرکے دکھائے گی۔لاہور میں پریس کانفرنس کرتے ہوئے محسن نقوی کا کہنا تھاکہ کچھ دیر پہلے میچ ریفری نے کپتان اور ٹیم منیجر سے معذرت کی ہے اور انہوں نے کہا ہے کہ ایسا واقعہ نہیں ہونا چاہیے تھا، ہم نے آئی سی سی سے 14 ستمبر کے میچ میں خلاف ورزیوں کی انکوائری کی درخواست کی ہے۔ کرکٹ اور سیاست ساتھ ساتھ نہیں چل سکتے، کھیل کو کھیل رہنے دیا جائے، کرکٹ اس ساری چیز سے بالاتر ہونی چاہیے۔ سابق چیئرمین نجم سیٹھی اور رمیز راجہ سے صورتحال پر مشاورت کی، وزیراعظم اور حکام اس معاملے میں شامل تھے ان کی سپورٹ حاصل تھی، اللہ کا شکر ہے کہ اللہ نے پاکستان کی عزت برقرار رکھی اور ٹیم سے امید ہے کہ اب پرفارم کرکے دکھائیگی۔سابق چیئرمین نجم سیٹھی کا کہنا تھاکہ پی سی بی کا ہمیشہ مؤقف رہا ہے کھیل میں سیاست نہیں ہونی چاہیے۔سابق چیئرمین رمیز راجہ نے کہا کہ یہ پاکستان کی فتح ہے، جو بھی جذبات مجروح ہوئے ہیں اب ٹیم کارکردگی سے بتائے، کرکٹ کو کرکٹ ہی رہنا چاہیے سیاسی پلیٹ فارم نہیں۔ اینڈی پائی کرافٹ بھارت ٹیم کیلئے فکس ریفری ہیں، اینڈی پائی کرافٹ بھارت کے90 میچوں میں میچ ریفری رہے ہیں، مجھے لگتا ہے اینڈی پائی کرافٹ بھارت کے فیورٹ میچ ریفری ہیں۔ٹی20 ایشیا کپ کے 10ویں میچ میںپاکستان متحدہ عرب امارات کو 41رنز سے ہرا کر سپر فور مرحلے میںپہنچ گیا۔ دبئی میںیو اے ای ٹیم کے کپتان محمد وسیم نے ٹاس جیت کر فیلڈنگ کا فیصلہ کیا، پاکستان نے8 وکٹوں پر 146 رنز بنائے۔ فخر زمان 50 رنز بناکر پویلین لوٹے۔ شاہین شاہ آفریدی نے 29 رنز کی ناقابل شکست اننگز کھیلی۔ کپتان سلمان علی آغا 20 اور محمد حارث 18 رنز بناکر پویلین لوٹے۔ صاحبزادہ فرحان 5، خوشدل شاہ اور محمد نواز 4، 4 جبکہ حارث رئوف اور اوپنر صائم ایوب صفر پر پویلین لوٹ گئے۔ رواںسال صائم ایوب 5ویں مرتبہ صفر پر آئوٹ ہوئے ہیں۔ جنید صدیقی نے 4 اور سمرن جیت سنگھ نے 3 جبکہ شانت نے ایک وکٹ حاصل کی ۔ متحدہ عرب امارات کی ٹیم ہدف کے تعاقب میں17.4اوورز میں 105رنز بناکر آئوٹ ہوگئی۔سات کھلاڑی ڈبل فیگر میںبھی داخل نہ ہوسکے ۔ راہول چوپڑا35رنز بناکر نمایاں رہے ۔ شاہین شاہ آفریدی‘حارث رئوف‘ اور ابرار احمد نے 2، 2 جبکہ سلمان علی آغا اور صائم ایوب نے 1، 1 وکٹ حاصل کی۔ شاہین آفریدی کو میچ کا بہترین کھلاڑی قرار دیاگیا۔ پاکستان اورمتحدہ عرب امارات کے میچ کے دوران سری لنکن فیلڈ امپائر ریچیرا پیلیا گروگے کو سرمیں گیند لگ گئی جس کے بعد وہ میچ چھوڑ کر میدان سے باہر چلے گئے۔ وکٹ کیپر محمد حارث نے گیند بائولر صائم ایوب کی جانب سے پھینکی جو فیلڈ پر کھڑے امپائرکے سر پر جالگی۔گیند لگنے کے بعد میچ کو کچھ وقت کیلئے روکا گیا ، پاکستان ٹیم کے فزیو بھی میدان میں آئے۔ ایونٹ میں آج افغانستان اور سری لنکا کی ٹیمیں مد مقابل ہونگی ۔پاکستان اور بھارت 21ستمبرکو سپر فور مرحلے میں مد مقابل ہونگے۔
9 مئی و توشہ خانہ کیسز؛ عمران خان اور بشریٰ بی بی کی عبوری ضمانتوں میں توسیع