دبئی سے ماسکو جانے والے طیارے کی ہنگامی لینڈنگ
اشاعت کی تاریخ: 31st, January 2025 GMT
ماسکو (انٹرنیشنل ڈیسک) روسی ائر لائن کے طیارے کو دبئی سے ماسکو جاتے ہوئے جنوبی روس میں ہنگامی لینڈنگ کرنا پڑگئی۔ طیارے کا تعلق روسی ائر لائن پوبیڈا سے تھا۔بوئنگ 737 کو بحر کیسپین پر پرواز کے دوران سامان والے حصے میں آگ لگنے کی وجہ سے ہدایت کی گئی کہ وہ اپنی ہنگامی لینڈنگ آستراخان شہر کے ہوائی اڈے پر کرے گا۔ ائرپور ٹ پر لینڈنگ کے بعد فوری طور پر طیارے میں آتشزدگی پر قابو پالیا گیا۔ ائرلائن کا کہنا ہے کہ طیارے میں سوار تمام مسافر اور عملے کے ارکان مکمل محفوظ ہیں اور کسی کو کوئی نقصان نہیں ہوا ہے۔
.ذریعہ: Jasarat News
پڑھیں:
اسلام آباد میں سفارتی محاذ گرم ، دفتر خارجہ میں ہنگامی بیٹھک ،پاکستان نے بھارتی پروپیگنڈے کا پول غیر ملکی سفیروں کے سامنے کھول دیا
اسلام آباد (رضوان عباسی سے)اسلام آباد میں دفتر خارجہ میں ایک اہم اور ہنگامی اجلاس ہوا جس میں پاکستان میں تعینات مختلف ممالک کے سفیروں اور سفارتی نمائندوں کو پاہلگام حملے کے بعد کی صورتحال پر بریفنگ دی گئی۔ اجلاس کی صدارت سیکریٹری خارجہ آمنہ بلوچ نے کی۔
سیکریٹری خارجہ نے شرکاء کو قومی سلامتی کمیٹی کے حالیہ اجلاس کی تفصیلات سے آگاہ کیا اور بھارت کی جانب سے پاکستان پر لگائے گئے بے بنیاد الزامات کو سختی سے مسترد کرتے ہوئے مؤقف اختیار کیا کہ یہ الزامات محض سیاسی مقاصد کے لیے گھڑے گئے ہیں۔
آمنہ بلوچ نے خبردار کیا کہ بھارت دہشت گردی کو بطور ہتھیار استعمال کر رہا ہے تاکہ اپنے داخلی مسائل سے توجہ ہٹائی جا سکے۔ انہوں نے کہا کہ بھارت کے ایسے اشتعال انگیز اقدامات سے نہ صرف خطے کے امن کو خطرہ لاحق ہے بلکہ یہ صورتحال کسی بڑے تصادم کو جنم دے سکتی ہے۔
سیکریٹری خارجہ نے دو ٹوک الفاظ میں واضح کیا کہ پاکستان اپنی خودمختاری اور سلامتی پر کسی قسم کا سمجھوتہ نہیں کرے گا اور اگر بھارت کی جانب سے کوئی جارحانہ قدم اٹھایا گیا تو پاکستان بھرپور اور مؤثر جواب دینے کی مکمل صلاحیت رکھتا ہے۔
دفتر خارجہ کے اس اہم اجلاس کو سفارتی حلقوں میں خاص اہمیت دی جا رہی ہے اور اسے پاکستان کے مؤقف کی عالمی سطح پر وضاحت اور بھارتی بیانیے کے توڑ کے طور پر دیکھا جا رہا ہے۔#
بابراعظم نے کراچی کنگز کو کیوں چھوڑا تھا؟ سابق کپتان نے راز سے پردہ اُٹھادیا