پولیس کی عزت ہے توعام آدمی کی نہیں؟مریم نواز کاتھانیدارکی گرفتاری کا حکم
اشاعت کی تاریخ: 31st, January 2025 GMT
ملتان(نیوز ڈیسک) وزیر اعلیٰ پنجاب مریم نواز شریف نے ملتان میں معمر شہری پر پولیس افسر کے تشدد کے واقعہ کا نوٹس ملوث پولیس افسر کی گرفتاری کا حکم دے دیا.اپنےبیان میں کہا کہ پولیس کی عزت ہوتی ہے تو کیا عام آدمی کی عزت نہیں ہوتی،مجھے ہر شہری کی عزت نفس کا احساس ہے۔تفصیلات کے مطابق وزیر اعلیٰ مریم نواز شریف نے آئی جی پنجاب سے رپورٹ طلب کرلی ہے۔
اپنے بیان میں وزیراعلیٰ پنجاب کا کہنا ہے کہ واقعہ افسوسناک ہےپولیس کو تشدد کا کوئی حق نہیں.
سی پی او ملتان کا نوٹس:
قبل ازیں ایس ایچ او تھانہ نیو ملتان کیجانب سے بزرگ شہری پر تشدد کے معاملے پر سی پی او ملتان نےنوٹس لیا تھا۔سی پی او ملتان صادق علی ڈوگر نے ایس ایچ او شفیق احمد کو معطل کر دیا ۔سی پی او ملتان نے ایس پی سٹی ڈویژن حسن رضا کھاکھی کو اس وقوعہ کی انکوائری کر کے رپورٹ پیش کرنے کا حکم دیا ہے۔یاد رہے کہ ملتان میں بزرگ شہری کو پروٹوکول کے دوران گزرنا مہنگا پڑ گیا۔ بتایا گیا تھا کہ ویسٹ انڈیز کی ٹیم بوسن روڈ سے گزر رہی تھی۔ موٹر سائیکل سوار بزرگ شہری کو ایس ایچ او سمیت پولیس اہلکاروں نے تشدد کا نشانہ بنا دیا۔واقعہ کی ویڈیو سوشل میڈیا پر وائرل ہوگئی تھی۔
آسٹریلیا کو بڑا دھچکا ، مچل مارش انجری کے باعث چیمپئنز ٹرافی سے باہر
ذریعہ: Daily Ausaf
کلیدی لفظ: سی پی او ملتان کی عزت
پڑھیں:
ملتان:موٹر وے پر بس حادثہ ،ایک مسافر جاں بحق اور 4 شدید زخمی
ملتان کے قریب موٹر وے پر بس حادثے میں ایک مسافر جاں بحق اور 4 شدید زخمی ہوگئے۔موٹروے ایم 5 پر بس صادق آباد سے لاہور آرہی تھی جو حادثے کا شکار ہوگئی، حادثہ ملتان کے قریب پیش آیا جب بس کا ڈرائیور اچانک اونگھنے کے باعث بس سے قابو نہ پا سکا اور وہ موٹروے سے نیچے اتر گئی۔ترجمان موٹروے پولیس نے بتایا کہ حادثے کی اطلاع ملتے ہی امدادی ٹیمیں فوری طور پر موقع پر پہنچ گئیں اور زخمیوں کو قریبی اسپتال منتقل کر دیا گیا، زخمیوں میں سے بعض کی حالت تشویش ناک ہے ۔ترجمان موٹر وے پولیس نے کہا کہ بس میں سوار دیگر مسافروں کی زندگی بچانے کے لئے فوری طور پر کارروائیاں کی گئیں اور امدادی ٹیموں نے صورتحال پر قابو پا لیا۔
’وزیرِاعلیٰ نے فنڈ میں خیانت کی، وہ صادق و امین نہیں رہے‘: علی امین گنڈاپور کیخلاف مقدمے کی درخواست