مولانا فضل الرحمن و دیگر اکابرین توجہ فرمائیں
اشاعت کی تاریخ: 3rd, February 2025 GMT
مولانا فضل الرحمن،مفتی محمد تقی عثمانی،مفتی منیب الرحمن،مولانا قاری محمد حنیف جالندھری،پروفیسر ساجد میر سمیت دیگر مسلم قائدین کی خدمت میں اس نیت سے کالم کے ذریعے یہ چندگزارشات پیش کر رہا ہوں تاکہ ان کے توسط سے عوام بھی جان سکیں کہ پاکستان میں گستاخ ملعونوں کو بچانے کے لئے کس کس طرح کی سازشیں ہو رہی ہیں۔سوشل میڈیا پر مقدس ہستیوں بالخصوص حضور ﷺ کی توہین پر مبنی بدترین گستاخانہ مواد کی تشہیر میں ملوث مجرمان کو تحفظ دینے کے لئے اب کچھ دیدہ اور نادیدہ قوتیں سرگرم ہو چکی ہیں۔اس حوالے سے پہلے مرحلے میں ایسے مجرمان کو ضمانت پر رہا کرنے کا عمل شروع کیا گیا۔ اب تک 17 ایسے مجرمان کی درخواست ضمانت بعد از گرفتاری منظور کر لی گئ، جن کے خلاف ریکارڈ پر نا قابل تردید شواہد موجود ہیں کہ وہ مقدس ہستیوں بالخصوص حضور ﷺ کی بدترین توہین کے مرتکب ہوئے۔ زیر حراست مذکورہ مجرمان کی جانب سے دائر کی جانے والی درخواست ضمانت بعد از گرفتاری کی سماعت کے دوران جو طرز عمل اختیار کیا، اس سے واضح ہے کہ وہ ایک مائنڈ سیٹ کے تحت جیل کی سلاخوں کے پیچھے موجود گستاخوں کو بہر صورت آزاد کرنا چاہتے ہیں۔قابل افسوس امر ہے کہ مقدس ہستیوں بالخصوص حضور ﷺ کے بدترین گستاخوں کو مسلسل ضمانت پر رہا کرنے کے خلاف اب تک کوئی مئوثر آواز نہیں اٹھی۔
مقدس ہستیوں کی توہین کے مرتکب زیر حراست مجرمان کو ماورائے آئین و قانون ریلیف دینے کے عمل کے خلاف اگر آئین و قانون کے مطابق اقدامات نہ کئے گئے تو پھر نہ صرف یہ کہ ان فیصلوں کا اثر ملک کی دوسری عدالتوں پر بھی ہو گا بلکہ مقدس ہستیوں کے گستاخوں کو آئندہ قانون کی گرفت میں آنے کا کوئی خوف بھی نہیں رہے گا۔ جس کے نتیجے میں مقدس ہستیوں بالخصوص حضور ﷺ کی گستاخیاں مزید عام ہو جائیں گی۔خاکسار سمجھتا ہے کہ یہی اصل مقصد ہے کہ جس کے لئے مقدس ہستیوں کے ثابت شدہ گستاخوں کو ضمانت پر رہائی دلوا کر ہمارا امتحان لیا جارہا ہے کہ کیا ہم اسے قبول کرتے ہیں یا نہیں۔اگر آج ہم خاموش رہے تو کل مقدس ہستیوں بالخصوص حضور ﷺ کے گستاخوں کے خلاف قانون کو حرکت میں لانا ایک خواب بن جائے گا۔ دوسرے مرحلے میں مذکورہ مجرمان کو تحفظ دینے کے لئے اسپیشل برانچ پولیس لاہور پنجاب سے جنوری 2024ء میں ایک رپورٹ مرتب کروائی گئی۔جس میں چند مخصوص افراد پر ’’بلاسفیمی بزنس‘‘ کا الزام عائد کیا گیا۔ یعنی یہ کہا گیا کہ چند مخصوص افراد مالی فوائد کے حصول کے لئے توہین مذہب و توہین رسالت کے مقدمات کا اندراج کروا کر مذکور و مقدمے میں نامزد مجرمان سے پیسوں کا تقاضا کرتے ہیں۔مذکورہ رپورٹ کو تقریباً سات ماہ تک خفیہ رکھنے کے بعد پاکستان سے مفرور امریکہ میں موجود اسلام اور پاکستان دشمن بھگوڑے صحافی احمد نورانی کے ذریعے فیکٹ فوکس نامی نیوز ویب سائٹ پر جولائی 2024 ء جاری کروایا گیا۔ پھر مذکورہ رپورٹ اور فیکٹ فوکس کی خبر کی بنیاد پر قومی کمیشن برائے انسانی حقوق پاکستان کو متحرک کیا گیا۔ قومی کمیشن برائے انسانی حقوق پاکستان نے اپنے قانونی مینڈیٹ سے تجاوز کرتے ہوئے مذکورہ مجرمان کے خلاف عدالتوں میں زیر سماعت مقدمات کے متعلق اکتوبر 2024ء میں ایک یکطرفہ رپورٹ مرتب کی قومی کمیشن برائے انسانی حقوق پاکستان کی جانب سے مرتب کی گئی 62 صفحات کی رپورٹ مذکورہ مجرمان کو تحفظ دینے کے لئے مذکورہ مجرمان کی جانب سے گھڑی گئی کہانی پر مشتمل ہے۔یعنی مذکورہ رپورٹ میں صرف مجرمان کی جانب سے بنائی گئی کہانی کو ذکر کیا گیا۔جو موقف ایف آئی اے سمیت دیگر سرکاری حکام نے کمیشن کے روبرو پیش کیا گیا،اسے رپورٹ کا حصہ ہی نہیں بنایا گیا۔جو ثابت کرتا ہے کہ مذکورہ رپورٹ صرف اور صرف مذکورہ مجرمان کو تحفظ دینے کے لئے ہی مرتب کی گئی۔یہاں یہ بات بھی قابل ذکر ہے کہ سات رکنی قومی کمیشن برائے انسانی حقوق پاکستان کی ایک رکن کے شوہر اسلام آباد کی عدالت میں مذکورہ مجرمان کی وکالت بھی کر رہے ہیں۔
قومی کمیشن برائے انسانی حقوق پاکستان کی مذکورہ رپورٹ کو زیر حراست مجرمان اپنے حق میں استعمال کرتے ہوئے عدالتوں سے ریلیف حاصل کرنے کی کوشش کر رہے ہیں۔مذکورہ رپورٹ کی بنیاد پر سندھ ہائیکورٹ سے گیارہ مجرمان نے اپنے خلاف سیشن کورٹ ملیر کراچی میں جاری ٹرائل کے خلاف حکم امتناعی حاصل کر کے اپنے خلاف درج مقدمے کا ٹرائل رکوا دیا ہے۔اس کے علاوہ مذکورہ زیر حراست مجرمان میں سے 100 سے زائد مجرمان کے ورثا نے اسلام آباد ہائیکورٹ میں ایک مشترکہ پٹیشن دائر کر رکھی ہے۔مذکورہ پٹیشن کے ذریعے قومی کمیشن برائے انسانی حقوق پاکستان کی رپورٹ کی بنیاد پر توہین مذہب و توہین رسالت کے مقدمات کے خلاف تحقیقات کے لئے جوڈیشل کمیشن بنوانے کی کوشش کی جارہی ہے۔جبکہ قانون کے مطابق جو مقدمات عدالتوں میں زیر سماعت ہیں، ان کے متعلق کوئی کمیشن بن ہی نہیں سکتا۔ان مقدمات کے درست یا غلط ہونے کا فیصلہ صرف عدالتیں ہی کر سکتی ہیں۔اس کے باوجود بھی مذکورہ پٹیشن کے ذریعے کوشش کی جارہی ہے کہ اسلام آباد ہائیکورٹ وفاقی حکومت کو مجبور کر دے کہ وہ تحقیقاتی کمیشن تشکیل دے۔تحقیقاتی کمیشن کی تشکیل کا مقصد صرف اور صرف یہ ہے کہ مذکورہ تحقیقاتی کمیشن کے ذریعے ایسی رپورٹ مرتب کروائی جائے کہ جس کی بنیاد پر نہ صرف یہ کہ سوشل میڈیا پر مقدس ہستیوں بالخصوص حضور ﷺ کی توہین پر مبنی بدترین گستاخانہ مواد کی تشہیر میں ملوث تقریبا ًپانچ سو زیر حراست مجرمان کو یقینی تحفظ مل جائے بلکہ توہین مذہب و توہین رسالت کے متعلق قوانین کو بھی غیر موثر کرنے کی راہ ہموار ہو۔
متذکرہ بالا تمام حقائق و واقعات ثابت کرتے ہیں کہ ایک ایجنڈے کے تحت نہ صرف یہ کہ مقدس ہستیوں بالخصوص حضور ﷺ کی بدترین توہین کے مرتکب مجرمان کو تحفظ فراہم کر کے مقدس ہستیوں کی گستاخی کے سلسلے کو مزید فروغ دینے کی کوشش ہورہی ہے بلکہ توہین مذہب و توہین رسالت کے متعلق قوانین کو ختم یا غیر مئوثر کرنے کے لئے جو سازشیں ایک عرصے سے کی جارہی ہیں،انہیں پایہ تکمیل تک پہنچانے کی بھی کوشش ہو رہی ہے۔ماضی میں جب کبھی بھی اس قسم کی کوئی صورتحال پیدا ہوئی تو اس کے خلاف عملی میدان میں جدوجہد کی مذہبی قائدین کی ایک عظیم تاریخ ہے۔لہذا اس نازک ترین وقت میں بھی تمام مذہبی قائدین بالخصوص مولانا فضل الرحمن،شیخ الاسلام مفتی تقی عثمانی،مفتی منیب الرحمن، و یگر اکابرین سے گزارش ہے کہ ان تمام سازشوں کو ناکام بنانے، مقدس ہستیوں بالخصوص حضور ﷺ کی عزت و ناموس کے تحفظ اور ان کی عزت و ناموس پر حملہ آور ہونے والے مجرمان کو قانون کے مطابق عبرتناک منطقی انجام تک پہنچانے کے لئے ایک دفعہ پھر قائدانہ کردار ادا کیجئے۔
ذریعہ: Daily Ausaf
کلیدی لفظ: قومی کمیشن برائے انسانی حقوق پاکستان کی توہین مذہب و توہین رسالت کے مجرمان کو تحفظ دینے کے لئے مذکورہ مجرمان مذکورہ رپورٹ کی بنیاد پر گستاخوں کو کی جانب سے مجرمان کی کے ذریعے کے متعلق کے خلاف کیا گیا صرف یہ
پڑھیں:
وزیر اعظم شہباز شریف حجاز مقدس کے سرکاری دورہ پر سعودی عرب پہنچ گئے
سٹی42: وزیر اعظم شہباز شریف حجاز مقدس کے سرکاری دورہ پر سعودی عرب پہنچ گئے۔ سعودیہ کی فضا میں پہنچتے ہی وزیراعظم کے طیارے کو سعودی فضائیہ کے طیاروں نے سلامی پیش کی اور اور اپنی حفاظت میں دارالھکومت ریاض کے ائیرپورٹ تک لائے۔
وزیراعظم شہباز شریف مملکت سعودی عرب کے کراؤن پرنس محمد بن سلمان کی دعوت پر سعودی عرب کے دورہ ،ختصر دورہ پر گئے ہیں۔ وزیراعظم کی پرنس محمد بن سلمان سے ملاقات آج ہی متوقع ہے۔
راوی روڈ سے نوجوان کی گولی لگی لاش برآمد
سرکاری میڈیا کے مطابق وزیراعظم شہباز شریف سعودی ولی عہد محمد بن سلمان کی دعوت پر کابینہ کے اہم ارکان کے ساتھ ایک روزہ سرکاری دورے پر سعودی عرب کا دورہ کر رہے ہیں۔
ریاض ائیرپورٹ پر ڈپٹی گورنر ریاض شہزادہ محمد بن عبدالرحمان بن عبدالعزیز نے وزیر اعظم کا استقبال کیا۔
وزیراعظم شہبازشریف سعودی ولی عہد شہزادہ محمد بن سلمان سے ملیں گے ۔ملاقات میں مشرق وسطیٰ کی صورتحال اور دیگر اہم امور پر تبادلہ خیال ہو گا۔
عراق میں مقدس مقامات کی زیارات کے لیے عمر کی حد مقرر
وزیراعظم کی آمد پر سعودی ائیر فورس کا فلائی پاسٹ
سعودی فضائیہ کے ایف-15 لڑاکا طیاروں نے وزیر اعظم کے طیارے کو حصار میں لیتے ہوئے استقبال کیا۔
وزیراعظم نے طیارے میں اپنی نشست پر بیٹھے ہوئے ہی فلائی پاسٹ میں شریک طیاروں کے پلائلٹس کو سلامی کا سلامی سے جواب دیا۔
کم سن گھریلو ملازمہ پراسرارطورپر ہلاک
وزیراعظم شہباز نے اس استقبال پر اپنے طیارہ سے ہی سعودی پرنس محمد بن سلمان کا شکریہ ادا کیا اور فلائی پاسٹ میں سعودی فضائیہ کے پائلٹوں کو بھی خراج تحسین پیش کیا۔
وزیر دفاع خواجہ آصف نے پاکستان کے وزیراعظم کے سعودیہ میں اس شاندار استقبال پر سوشل پلیٹ فارم ایکس پر کہا، سعودی عرب حکومت کی طرف سے برادرانہ محبت اور احترام کا مظاہرہ، عالم اسلام میں یہ مقام اللہ کی مہربانی، شہباز شریف کی سفارتی مہارت اور ہماری افواج کی بے مثال کامیابیوں کا ثمر ہے۔
بھارت کے ہندوتوا پرست متعصب دماغوں کی کرکٹ پر دھونس جاری رہے گی یا نہیں؛ فیصلہ کی گھڑی آگئی
شہباز شریف جنرل اسمبلی سے خطاب کریں گے
سعودی عرب سے وزیر اعظم کل برطانیہ روانہ ہوں گے اور برطانیہ میں 2 روز قیام کے بعد جنرل اسمبلی کے اجلاس میں شریک ہونے کے لئے نیویارک جائیں گے۔
نیویارک میں وزیر اعظم شہباز ا جنرل اسمبلی سے خطاب کریں گے۔ جنرل اسمبلی کے اس سیشن کو فلسطین کے مسئلہ کے حوالے سے خاص الخاص اہمیت دی جا رہی ہے۔
اس مختصر دورہ کا بینادی مقصد جنرل اسمبلی میں دنیا کے اہم ترین مسائل خصوصاً فلسطین اور کلائمیٹ چینج پر پاکستان کے قومی مؤقف سے اقوامِ عالم کو آگاہ کرنا ہے البتہ وزیراعظم کی امریکہ کے صدر ٹرمپ سے ملاقات کا بھی امکان ہے۔
Waseem Azmet
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام