الہدیٰ انٹرنیشنل کے تحت اسلامک نمائش کا شاندار انعقاد
اشاعت کی تاریخ: 4th, February 2025 GMT
الہدیٰ انٹرنیشنل کے تحت اسلامک نمائش کے موقع پر شرکاء نمائش دیکھ رہے ہیں
کراچی (کامرس رپورٹر )الہدیٰ انٹرنیشنل اسکول ڈی ایچ اے کیمپس میں آغاز تخلیق سے انجام ِ کائنات تک کے عنوان سے اسلامک نمائش کا شاندار انعقاد کیا گیا جس میں کائنات کے آغاز سے لے کر اس کے اختتام تک کے مراحل کو اسلامی نقطہ نظر سے جامع اور منفر د انداز میں پیش کیا گیانمائش کے موقع پر مختلف معلوماتی پینلز انٹر ایکٹو سیشنز اور دلکش ماڈلز بھی شامل تھے جنہوںنے حاضرین کو اسلامی تعلیمات اور جدید سائنسی دریافتوں کے حسین امتزاج سے روشناس کیانمائش میں ہر عمر اور طبقے کے افراد نے بڑی تعداد میں شرکت کی نمائش کے انعقاد کامقصد اسلامی تعلیمات کو آسان اور موثر انداز میں پیش کرنا اور علمی و فکری شعور کو فروغ دینا تھا اس موقع شرکاء نے جدید سائنسی انکشافات اور اسلامی تعلیمات پر مبنی ملٹی میڈیا پر پریز نیٹشنز سے بھی استفادہ حاصل کیا تقریب کے مہمان خصوصی کلفٹن ڈیفنس کمیونٹیCDCکے صدر عبدالرحمان تھے جبکہ اس موقع پر اسسٹنٹ کمشنر سول لائن جنید عالم،سینئر نائب صدر فہد الیاس نینی تال والا،ایگزیکٹو ڈائریکٹر ڈی ایچ اے ایجوکیشن بریگیڈیئر یونس،ایس ڈی پی اودرخشاںسب ڈویژن پولیس اے ایس پی منیشا روپیٹا ،ایڈوائزری لیڈ ،مارکیٹنگ و اسپانسر شپ انجارج مدحت حنیف اور دیگر بھی موجود تھے۔
.ذریعہ: Jasarat News
پڑھیں:
’اوقات سے زیادہ مل جائے تو یہی ہوتا ہے‘، رجب بٹ کو تنقید کا سامنا کیوں کرنا پڑا؟
اپنی شادی پر بے تحاشا پیسے خرچ کرکے لائم لائٹ میں آنے والے مقبول پاکستانی یوٹیوبر اور سوشل میڈیا کی مشہور شخصیت رجب بٹ ایک بار پھرخبروں کی زینت بنے ہوئے ہیں کیونکہ انہوں نے اپنی بھانجی کے عقیقہ کی تقریب میں دولت کی بڑھ چڑھ کر نمائش کی ہے۔
سوشل میڈیا پر مختلف ویڈیوز وائرل ہو رہی ہیں جس میں رجب بٹ اپنے خاندان کے ہمراہ اکلوتی بھانجی آیت زہرا کے عقیقہ میں شامل تھے، اس تقریب میں یوٹیوبر کی فیملی سمیت کئی دیگر دوست احباب بھی شامل تھے جو آیت زہرا پر پیسوں کی برسات کر رہے تھے۔
View this post on Instagram
A post shared by Pakistani.Celebrities ???????? (@pakistani.celebrities)
ویڈیوز سوشل میڈیا پر وائرل ہوئیں تو صارفین نے انہیں خوب تنقید کا نشانہ بنایا۔ ان کا کہنا تھا کہ اگر پیسہ حلال کا ہوتا تو اس طرح نہ اڑایا جاتا جبکہ کئی صارفین کا کہنا تھا کہ یہ عقیقہ نہیں ہے اور نہ ہی سنت کا طریقہ ہے۔ محسن اکرام نے لکھا کہ دولت کی نمائش کیوں کی جا رہی ہے۔
سدرہ آرائیں لکھتی ہیں کہ کچھ لوگ اتنے ذہنی غریب ہوتے ہیں کہ ان کے پاس صرف پیسے ہی ہوتے ہیں، کئی صارفین نے دولت کی نمود و نمائش پر رجب بٹ اور ان کے خاندان کو جاہل قرار دے دیا۔
ایک صارف نے لکھا کہ جب اوقات سے زیادہ مل جائے تو یہی ہوتا ہے جبکہ کئی صارفین کا کہنا تھا کہ عقیقہ پر اڑائے جانے والے پیسے نقلی ہیں۔
واضح رہے کہ اس سے قبل یوٹیوبر رجب بٹ کی شادی کے موقع پر ان کے دوست احباب نے بے تحاشاپیسے لٹائے اور مہنگے تحائف بھی دیے گئے جن میں ایک عدد شیر کا بچہ، کلاشنکوف، گولڈ پلیٹڈ آئی فون اور ڈالرز کا گلدستہ بھی شامل تھا۔ ٹک ٹاکر کو غیر قانونی طور پر شیر کا بچہ اور لائسنس کے بغیر کلاشنکوف رکھنے پر گرفتار بھی کیا گیا تھا تاہم بعد ازاں ضمانت پر رہا کر دیاگیا۔ رجب بٹ کی شادی کی تقریب میں دولت کی نمائش پر ان کو تنقید کا نشانہ بنایا گیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
رجب بٹ رجب بٹ بھانجی رجب بٹ بھانجی عقیقہ رجب بٹ شادی عقیقہ
میں نے کہا شملہ معاہدہ پر وہی کچھ اپلائی ہوگا جو سندھ طاس معاہدے پر ہوگا، خواجہ آصف