اسلام آباد کے کن علاقوں میں پانی کی سپلائی کم کی جارہی ہے اور کیوں؟
اشاعت کی تاریخ: 6th, February 2025 GMT
وفاقی ترقیاتی ادارے (سی ڈی اے) نے اسلام آباد کے لیے خان پور ڈیم سے ہونے والی پانی کی سپلائی عارظی طور پر معطل کرنے کا اعلان کیا ہے۔
سی ڈی اے حکام کے مطابق، اسلام آباد کے لیے بنیادی آبی ذخیرے خان پور ڈیم کی 18 سے 20 کلومیٹر طویل نہر کی سالانہ بھل صفائی کا کام 10 فروری سے شروع ہوگا جو 22 فروری تک جاری رہے گا۔
یہ بھی پڑھیں: اسلام آباد کے 16 فیصد فلٹریشن پلانٹس کا پانی آلودہ، سی ڈی اے کا اعتراف
حکام کے مطابق، بھل صفائی کے دوران خان پور ڈیم سے اسلام آباد کو پانی کی سپلائی مکمل بند رہے گی، تاہم سنگجانی واٹر ٹریٹمنٹ پلانٹ میں جمع شدہ اسٹوریج سے تقریباً 4 ملین گیلن روزانہ کی بنیاد پر پانی کی سپلائی جاری رہے گی۔
سی ڈی اے کا کہنا ہے کہ پانی کی یہ سپلائی معمول سے 60 فیصد کم ہوگی، یعنی 10 ملین گیلن کے بجائے صرف 4 ملین گیلن پانی کی سپلائی کی جائے گی، جس کی وجہ سے اسلام آباد کے سیکٹرز ڈی 12، جی ٹین، جی الیون، ایف ٹین، ایف الیون کے علاوہ جی نائن سیکٹر کا کچھ حصہ متاثر ہوگا۔
یہ بھی پڑھیں: پانی کی شدید قلت، اب اسلام آباد والوں کو پانی کہاں سے ملے گا؟
سی ڈی اے نے کہا ہے کہ اسی بھل صفائی کے دوران سنگجانی کے مرکزی واٹر ٹریٹمنٹ پلانٹ کی بھی صفائی کی جائے گی، اسی لیے متاثرہ سیکٹرز کے رہائشیوں کو ہدایت کی جاتی ہے کہ وہ 10 سے 22 فروری کے دوران کم سے کم پانی کے استعمال کو یقینی بنائیں اور واٹر ٹینکس میں پانی کا ذخیرہ رکھیں۔
سی ڈی اے حکام کا کہنا ہے کہ متاثرہ سیکٹرز کو متبادل ذرائع سے پانی کی فراہمی یقینی بنانے کی پوری کوشش کی جائے گی، تاہم اس دوران شہریوں سے سی ڈی اے کے ساتھ تعاون اور پانی کے کم سے کم استعمال کرنے کی اپیل کی جاتی ہے۔
یہ بھی پڑھیں: وزیراعظم شہباز شریف نے اسلام آباد میں جناح اسکوائر کا افتتاح کردیا
سی ڈی اے حکام نے شہریوں کو خبردار کیا ہے کہ بھل صفائی مہم کے دوران شہری گاڑیاں اور فرش دھونے یا پانی کو ضائع کرنے سے اجتناب کریں بصورت دیگر شہریوں کو بھاری جرمانے کا سامنا کرنا پڑسکتا ہے۔
سی ڈی اے حکام کا کہنا ہے کہ موسم سرما میں بارشیں نہ ہونے کی وجہ سے ڈیمز سے پانی کی سپلائی پہلے ہی کم کر دی گئی ہے تاکہ موجودہ زخیرے کو آئندہ مون سون تک استعمال کیا جاسکے۔
سی ڈی اے نے نے کہا ہے کہ شہری ایمرجنسی کی صورت میں واٹر سپلائی ہیلپ لائین نمبر 03357775444 پر بذریعہ واٹس ایپ میسیج کرسکتے ہیں یا ٹینکر کمپلینٹ کے لیے جی ٹین ٹینکر انکوائری 03361117255 یا 0519106085 پر رابطہ کیا جاسکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسلام اباد بھل صفائی پانی کی سپلائی پانی کی کمی خان پور ڈیم سنگ جانی واٹر ٹریٹمنٹ پلانٹ سی ڈی اے سیکٹرز عارضی فراہمی معطل.ذریعہ: WE News
کلیدی لفظ: اسلام اباد پانی کی سپلائی پانی کی کمی خان پور ڈیم سی ڈی اے سیکٹرز فراہمی پانی کی سپلائی سی ڈی اے حکام اسلام ا باد خان پور ڈیم کے دوران باد کے کے لیے
پڑھیں:
عدالت کی پیمرا کو منشیات کےخاتمےسے متعلق چینلز پر پرائم ٹائم کے دوران آگاہی مہم چلانے کی ہدایت
اسلام آباد ہائی کورٹ میں اسلام آباد کے تعلیمی اداروں سے منشیات کے خاتمے سے متعلق کیس کی سماعت ہوئی، عدالت نے پیمراء کو منشیات کے خاتمے سے متعلق چینلز پر پرائم ٹائم کے دوران آگاہی مہم چلانے کی ہدایت کی۔
جسٹس راجہ انعام امین منھاس نے کہا کہ رات ایک بجے آگاہی مہم نہیں چلانی بلکہ پرائم ٹائم پر مہم چلانی ہے، آئی جی اسلام آباد اے این ایف ، پرائیویٹ سکول ریگولیٹری باڈی و دیگر سٹیک ہولڈر سے مل کر منشیات کے خاتمے کا میکنزم بنائیں۔
پرائیویٹ تعلیمی اداروں کی ریگولیٹری اتھارٹی پیرا کی رپورٹ عدالت میں پیش کی گئی جس میں کہا گیا کہ تعلیمی اداروں میں طلباء، سٹاف، کنٹین اسٹاف یا کسی سے بھی منشیات برآمدگی پر سربراہ ادارہ کے خلاف کاروائی کی جائے گی۔
رپورٹ میں کہا گیا کہ تمام تعلیمی اداروں میں ڈلیوری بوائے، کوریئر سروسز وغیرہ کے داخلہ پر مکمل پابندی عائد کردی گئی ہے۔
2025 میں اسلام آباد کے تعلیمی اداروں میں منشیات پر درج مقدمات کی تفصیلات عدالت میں پیش کردی گئی۔
رپورٹ میں اے این ایف اے نے کہا کہ این ایف نے رواں سال اسلام آباد کے تعلیمی اداروں میں منشیات سے متعلق 51 مقدمات درج کیے۔
ڈی ایس پی لیگل نے کہا کہ رواں سال پولیس نے اسلام آباد کے تعلیمی اداروں سے منشیات برآمدگی کے 22 مقدمات درج کیے، جسٹس راجہ انعام امین منھاس نے کیس کی سماعت کی۔
وکیل درخواست گزار کاشف علی ملک عدالت میں پیش ہوئے، عدالت نے آئی جی کو تمام اسٹیک ہولڈرز سے مشاورت کرکے منشیات کے خاتمے پر میکنزم بنانے کی ہدایت کی، کیس کی سماعت دو ہفتوں کے بعد تک ملتوی کردی گئی۔
آزاد کشمیر، تحریکِ عدم اعتماد آج بھی پیش نہیں کی جا سکی