حیدرآباد ،پولیس کی منشیات فروشوں کیخلاف کارروائی ،10 گرفتار
اشاعت کی تاریخ: 10th, February 2025 GMT
حیدرآباد(اسٹاف رپورٹر)حیدرآباد پولیس کی SP ہیڈکوارٹر کی سربراہی میں سائٹ کی حدود میں بدنام زمانہ منشیات ڈیلر ملک سخاوت کے اڈے پر بڑی انٹیلی جنس بیسڈ کارروائی، ہزاروں کلو خام مال، انڈین گٹکے، تیار شدہ مین پوری اور چرس برآمد الصبح حیدرآباد پولیس کی SP ہیڈکوارٹر مسعود اقبال کی سربراہی میں سائٹ کی حدود میں بدنام زمانہ منشیات ڈیلر ملک سخاوت کے اڈے پر بڑی انٹیلیجنس بیسڈ کارروائی حیدرآباد پولیس کی کارروائی میں ڈی ایس پی CIA افتخار احمد برڑو، مختلف ڈویژن کے تھانہ جات کے 23 ایس ایچ اوز، ان کی ٹیم اور اے ٹی ایف انچارج و ٹیم نے حصہ لیا جبکہ پولیس کو کسٹم و رینجرز حکام کی بھی معاونت حاصل تھی حیدرآباد پولیس کی بڑی کارروائی میں ہزاروں کلو گرام خام مال، تیار شدہ مین پوری، انڈین گٹکے اور چرس برآمد ہوئی حیدرآباد پولیس کی کارروائی میں 10 ملزمان گرفتار جبکہ ملک سخاوت، قدیر پنہور، علی پنہور، باٹھی خان پٹھان، ڈاکٹر انور حجانو، جمو میمن، لتو ملک، اویس پٹھان اور عمران گاڈھی موقع سے فرار ہونے میں کامیاب ہوگئے گرفتار ملزمان کی شناخت سہیل پٹھان، حفیظ احمد نائیچ، عاشق حسین پنہور، سجاد پنہور، علی نواز پنہور، فاروق پنہور، محمد اختر، علی حسن، محمد جہانگیراور احتشام پٹھان کے ناموں سے ہوئی حیدرآباد پولیس کی چھاپا مار کارروائی میں 480 کٹوں میں 5 ہزار 905 کلو گرام خام مال (چھالیہ)، 90 کٹوں میں 4050 پیکٹس انڈین گٹکے، 2350 تیار شدہ مین پوری، 5 کلو 300 گرام چرس اور مین پوری بنانے میں زیر استعمال مشین و اوزار برآمد ہوئے حیدرآباد پولیس کی چھاپا مار کارروائی میں برآمد ہزاروں کلو گرام خام مال (چھالیہ) اور انڈین گٹکے اسمگل شدہ ظاہر ہونے پر مزید ضابطہ کی کارروائی کیلیے کسٹم حکام کے حوالے کردی گئی جیساکہ 6 فروری کو حیدرآباد پولیس کی خفیہ انفارمیشن پر قدیر پنہور کے منشیات کے اڈے پر چھاپا مار کارروائی کی گئی تھی جس میں پولیس کو بڑی مزاحمت کا سامنا کرنا پڑا جس میں مذکورہ ملزمان نے پولیس پر فائرنگ اورپتھرائو کیا جس کے باعث پولیس موبائل کو شدید نقصان پہنچا اور علاقے میں خوف و ہراس پھیل گیا تھاحیدرآباد پولیس کی بڑی کارروائی گزشتہ دنوں ہونے والی کارروائی میں مطلوب ملزمان کی موجودگی کی اطلاع پر کی گئی جس کا مقدمہ درج ہے۔ حیدرآباد پولیس نے ہونے والی کارروائی کے مقدمات کرائم نمبر /29/2025 زیر دفعہ گٹکا و مین پوری اور 30/2025 زیر دفعہ نارکوٹکس ایکٹ کے تحت تھانہ سائٹ پر درج کرلیے گئے۔
.
ذریعہ
ذریعہ: Jasarat News
کلیدی لفظ: حیدرا باد پولیس کی کارروائی میں مین پوری خام مال
پڑھیں:
برطانیہ؛ 70 ارکانِ کا نئے وزیراعظم کو خط؛ اسرائیل کیخلاف سخت اقدامات کا مطالبہ
برطانیہ کے 70 سے زائد ارکانِ پارلیمنٹ نے نئے وزیراعظم اینڈی برنہم سے مطالبہ کیا ہے کہ وہ غزہ میں اسرائیلی کارروائیوں کے حوالے سے اقوامِ متحدہ کے آزاد تحقیقاتی کمیشن کے نتائج کو باضابطہ طور پر تسلیم کریں اور اسرائیل کے خلاف فوری اور مؤثر اقدامات کریں۔
عالمی خبر رساں ادارے کے مطابق خط میں نشاندہی کی گئی ہے کہ گزشتہ ماہ جاری ہونے والی اقوامِ متحدہ کی آزاد تحقیقاتی رپورٹ میں یہ نتیجہ اخذ کیا گیا تھا کہ غزہ میں اسرائیلی فوج کی کارروائیاں نسل کشی کے زمرے میں آتی ہیں اور رپورٹ میں خاص طور پر اسرائیلی حملوں میں بچوں کو دانستہ طور پر نشانہ بنانے کی تصدیق بھی تھی۔
ارکان پارلیمان نے کھلے خط میں نو منتخب وزیراعظم سے مطالبہ کیا کہ وہ بین الاقوامی عدالتِ انصاف کی جولائی 2024 کی مشاورتی رائے پر بھی عمل درآمد کو یقینی بنانے کے لیے عملی اقدامات کریں۔
برطانوی ارکانِ پارلیمنٹ کے بقول عالمی عدالت نے اسرائیل پر زور دیا تھا کہ وہ فوری طور پر مقبوضہ فلسطینی علاقوں سے اپنی موجودگی ختم کرے، تمام اسرائیلی بستیاں ختم کرے، متاثرہ فلسطینیوں کو معاوضہ ادا کرے اور بے گھر ہونے والے فلسطینیوں کی واپسی میں تعاون کرے۔
عدالت نے اپنی رائے میں یہ بھی کہا تھا کہ دنیا کے تمام ممالک پر ذمہ داری عائد ہوتی ہے کہ وہ ایسے اقدامات سے گریز کریں جو اسرائیلی قبضے کو برقرار رکھنے یا اس میں معاونت کا سبب بنیں۔
خط میں برطانوی حکومت سے مطالبہ کیا گیا ہے کہ اسرائیل پر مکمل اسلحہ پابندی عائد کی جائے، اسرائیلی حکام کے خلاف پابندیاں لگائی جائیں اور ایسی ہر قسم کی تجارت پر پابندی عائد کی جائے جو مقبوضہ فلسطینی علاقوں میں قائم اسرائیلی بستیوں کو فائدہ پہنچاتی ہو۔
ارکانِ پارلیمنٹ کا کہنا ہے کہ برطانیہ کو بین الاقوامی قوانین اور انسانی حقوق سے متعلق اپنی ذمہ داریوں کو پورا کرتے ہوئے واضح اور مؤثر پالیسی اختیار کرنی چاہیے۔
I'm one of 80 MPs & Peers calling on the PM to:
- Recognise the UN’s findings on genocide & implement the ICJ ruling in full
- Impose sanctions including a full arms embargo
- Ban trade that supports Israel’s illegal settlements
End Britain’s complicity in genocide, now. pic.twitter.com/TjtJ0yj2Qq
فلسطین سالیڈیرٹی کمپین کے نائب ڈائریکٹر پیٹر لیری نے ارکانِ پارلیمنٹ کے خط کا خیرمقدم کرتے ہوئے کہا تھا کہ برطانوی حکومت نے طویل عرصے سے نسل کشی کنونشن اور بین الاقوامی عدالتِ انصاف کے مؤقف کو نظر انداز کیا ہے۔
انھوں نے الزام عائد کیا ہے کہ برطانیہ مسلسل ایسی پالیسیاں اپناتا رہا ہے جن سے فلسطینی عوام کے خلاف اسرائیلی کارروائیوں کو عملی یا سفارتی حمایت ملتی رہی۔
خیال رہے کہ اسرائیل غزہ میں نسل کشی کے الزامات کو مسترد کرتا ہے اور مؤقف اختیار کرتا آیا ہے کہ اس کی فوجی کارروائیاں حماس اور دیگر مسلح گروہوں کے خلاف ہیں جبکہ شہری ہلاکتوں سے بچنے کے لیے اقدامات کیے جاتے ہیں۔
واضح رہے کہ اقوامِ متحدہ اور متعدد بین الاقوامی انسانی حقوق کی تنظیمیں اسرائیلی دعوؤں کو مسترد کرتے ہوئے غزہ میں بڑے پیمانے پر شہریوں، خصوصاً خواتین اور بچوں کے جانی نقصان پر مسلسل تشویش کا اظہار کر رہی ہیں۔
بھارت سے جنگ اور افغانستان میں کارروائی خارج ازامکان نہیں، وزیردفاع