دبئی کیپیٹلز نے پہلی مرتبہ آئی ایل ٹی 20 ٹائٹل جیت لیا
اشاعت کی تاریخ: 10th, February 2025 GMT
دبئی کیپیٹلز نے پہلی مرتبہ آئی ایل ٹی 20 ٹائٹل جیت لیا WhatsAppFacebookTwitter 0 10 February, 2025 سب نیوز
دبئی :دبئی انٹرنیشنل کرکٹ اسٹیڈیم میں کھیلے گئے ورلڈ آئی ایل ٹی 20 سیزن 3 کے فائنل میں دبئی کیپیٹلز نے ڈیزرٹ وائپرز کو 4 وکٹوں سے شکست دیکر پہلی بار ٹائٹل اپنے نام کرلیا۔ دبئی کیپیٹلز کو 7 لاکھ ڈالر جبکہ ڈیزرٹ وائپرز کو 3 لاکھ ڈالر کا نقد انعام دیا گیا۔189 رنز کے ہدف کے تعاقب میں سکندر رضا نے 12 گیندوں پر 34 رنز کی شاندار اننگز کھیل کر فیصلہ کن برتری حاصل کی۔ اس سے قبل روومین پاؤل نے 63 اور شائی ہوپ نے 43 رنز کی اننگز کھیل کر کیپیٹلز کی فتح کی بنیاد رکھی۔
وائپرز کی جانب سے میکس ہولڈن نے 76 رنز کی اننگز کھیلی جبکہ سیم کرن نے ناقابل شکست نصف سنچری بنائی جس میں 5 چوکے اور 3 چھکے شامل تھے ۔ اس موقع پر اعظم خان نے ایک اوور میں 27 رنز بناکر برتری حاصل کی۔کیپیٹلز کی رنز کا تعاقب اننگز آغاز میں ہی مشکلات کا شکار ہوگئی ڈیوڈ وارنر دوسرے اوور میں آؤٹ ہوگئے اس کے بعد محمد عامر نے فارم میں موجود گلبدین نائب اور کپتان سیم بلنگز کو آؤٹ کیا۔ پاور پلے کے اختتام پر کیپیٹلز نے 3 وکٹوں کے نقصان پر 39 رنز بنائے تھے۔ تاہم شائی ہوپ اور روومین پاؤل کی موجودگی سے وہ پرامید تھے۔ اگرچہ ہوپ اتحاد میں زیادہ محتاط شراکت دار تھے۔
اس موقع پر پاؤل نے 2 بڑے چھکے لگائے۔ ہوپ نے نیتھن سوٹر کی گیند پر چھکا لگا کر 31 گیندوں پر 50 رنز کی شراکت قائم کی۔کیپیٹلز نے 12 ویں اوورز کے اختتام پر 3 وکٹوں کے نقصان پر 100 رنز بنائے اور اسے 48 گیندوں پر 90 رنز درکار تھے۔ کرن نے 80 رنز کی شراکت اس وقت توڑی جب انہوں نے 14 ویں اوور میں شائی ہوپ کو مڈوکٹ پر کیچ آؤٹ کیا۔ کیپیٹلز کو آخری پانچ اوورز میں 65 رنز کی ضرورت تھی ۔پاؤل اور داسن شناکا نے 16 ویں اوور میں کرن کی گیند پر چھکا لگا کر کیپیٹلز کو جیت دلائی۔ شناکا نے اپنی پہلی نو گیندوں میں 21 رنز بنائے ۔ وہ اگلے ہی اوور میں پین کی گیند پر ڈین لارنس کے ہاتھوں آؤٹ ہو گئے۔نیتھن سوٹر نے 18 ویں اوور میں 13 رنز دیئے تھے تاہم انہوں نے پاول کی قیمتی وکٹ سے بھی حاصل کی ۔ سکندر رضا نے دبئی کیپیٹلز کی اننگز کا اختتام کیا ۔ انہوں نے آخری اوور میں محمد عامر کو 3 چوکے لگائے اور 20 ویں اوور کا آغاز ایک چھکے اور ایک چوکے کے ساتھ کیا اور کیپیٹلز کو 19.
کیپیٹلز نے مسلسل چھٹی بار ڈیزرٹ وائپرز کو شکست دی۔اس سے قبل ڈیزرٹ نے ابتدائی 5 اووز میں دونوں اوپنرز ایلکس ہیلز اور رحمان اللہ گرباز کھودیا تھا تاہم میکس ہولڈن شاندار فارم میں تھے اور انہوں نے پاور پلے میں 9 شاندار چوکے لگائے اور وائپرز کو 6 اوورز میں 2 وکٹوں کے نقصان پر 53 رنز تک پہنچا دیا۔ہولڈن نے 9 ویں اوور میں 32 گیندوں پر نصف سنچری بنائی انہیں روومین پاول نے لانگ آف پر آؤٹ کر دیا۔ ڈین لارنس نے ہولڈن کے ساتھ 41 رنز کی شراکت کی جس کے بعد انہیں دسویں اوور میں متحدہ عرب امارات کے حیدر علی نے آؤٹ کر دیا اس وقت وائپرز کا اسکور 3 وکٹوں کے نقصان پر 75 ہو گیا۔کرن نے ہولڈن کے ساتھ مل کر چوتھی وکٹ پر 47 رنز کی شراکت قائم کی یہ پارٹنرشپ سکندر رضا نے اس وقت توڑی جب انہوں نے میکس ہولڈن کو 16 ویں اوور میں 51 گیندوں پر 76 رنز پر آؤٹ کیا۔
اعظم خان نے 29 گیندوں پر 67 رنز کی شراکت قائم کرتے ہوئے سیم کرن کا ساتھ دیا۔ کرن نے 28 گیندوں پر پچاس کا ہندسہ عبور کیا اور 5 چوکے اور 3 چھکوں کی مدد سے 62 رنز بناکر ناقابل شکست رہے۔اس دوران بابر اعظم نے 13 گیندوں پر 27 رنز کی اننگز کھیلی جس میں 3 چوکے اور ایک چھکا شامل تھا وہ اننگز کی آخری گیند پر رن آؤٹ ہوئے اور وائپرز نے مقررہ 20 اوورز میں 5 وکٹوں کے نقصان پر 189 رنز بنائے۔پاؤل میچ کے بہترین کھلاڑی قرار پائے جبکہ سیم کرین کو ریڈ بیلٹ ، شائی ہوپ کو گرین بیلٹ ، فضل الحق فاروقی کو وائٹ بیلٹ اور محمد وسیم کو بیلو بیلٹ دی گئی۔
ذریعہ: Daily Sub News
کلیدی لفظ: دبئی کیپیٹلز کیپیٹلز نے
پڑھیں:
دبئی میں دنیا کے بلند ترین میٹرو سٹیشن کی تعمیر شروع
دبئی ( اُردو پوائنٹ اخبارتازہ ترین۔ 10 جون 2025ء ) متحدہ عرب امارات کی ریاست دبئی میں دنیا کے سب سے بلند میٹرو اسٹیشن کا سنگ بنیاد رکھ دیا گیا، زمین سے 74 میٹر بلند سٹیشن کی تعمیر 2029ء میں مکمل ہوگی۔ اماراتی میڈیا کے مطابق متحدہ عرب امارات کے نائب صدر، وزیر اعظم اور دبئی کے حکمران شیخ محمد بن راشد آل مکتوم نے بلند میٹرو سٹیشن کا سنگ بنیاد رکھا، تاریخی تقریب کے دوران انہوں نے ایمار پراپرٹیز اسٹیشن کے ڈیزائن کی منظوری دی جو دنیا کا سب سے بلند میٹرو اسٹیشن ہے یہ 74 میٹر بلند ہوگا، یہ سٹیشن دبئی میٹرو کے تیسرے ٹریک بلیو لائن کا حصہ ہوگا جس کا آغاز دبئی میٹرو کی 20 ویں سالگرہ کے موقع پر 9 ستمبر 2029ء کو کیا جائے گا۔ بتایا گیا ہے کہ بلیو لائن کا ٹریک 130 کلومیٹر طویل ہوگا، یہ دبئی کے 9 اہم علاقوں کو جوڑتے ہوئے شہریوں اور رہائشیوں کو سفری سہولت فراہم کرے گا، بلیو لائن کے 14 اسٹیشنز ہوں گے جن میں سے 5 زیر زمین ہوں گے، بلیو لائن کے اہم انٹرچینج سٹیشنز میں جداف، راشدیہ اور انٹرنیشنل سٹی شامل ہیں، بلیو لائن دبئی کے علاقوں مردف، ورقا، انٹرنیشنل سٹی، سیلیکون اویسس، انٹرنیشنل اکیڈمک سٹی، فیسٹیول سٹی، دبئی کریک ہاربر اور راس الخور انڈسٹریل ایریا کو آپس میں جوڑے گی۔(جاری ہے)
معلوم ہوا ہے کہ دبئی کریک کو عبور کرنے کے لیے بلیو لائن کا 1.3 کلومیٹر طویل پل کی شکل کا ٹریک بھی تعمیر کیا جائے گا جو دبئی کریک کے اوپر بنایا جانے والا پہلا میٹرو ٹریک ہوگا، دبئی کے بلیو لائن میگا پراجیکٹ کی مجموعی لاگت 56 ارب درہم یعنی 43 کھرب روپے سے زائد ہوگی، دبئی میٹرو پہلے ہی ریڈ اور گرین لائن کے ذریعے لاکھوں مسافروں کو سہولت فراہم کر رہی ہے جبکہ حکام نے عزم کیا ہے کہ بلیو لائن کے سٹیشن مزید جدید ہوں گے۔ بتایا جارہا ہے کہ تقریباً 11 ہزار مربع میٹر کے رقبے پر محیط اس سٹیشن کو موجودہ شہری ماحول میں ضم کرنے اور 'دبئی؛ مستقبل کا گیٹ وے' کے وژن کو مجسم کرنے کے لیے بنایا جائے گا، سٹیشن کو یومیہ 1 لاکھ 60 ہزار مسافروں کو ایڈجسٹ کرنے کیلئے ڈیزائن کیا گیا ہے جس میں یومیہ صارفین کی تعداد 2040ء تک 70 ہزار سے تجاوز کرنے کی توقع ہے، نئے سٹیشن کا ڈیزائن کراسنگ گیٹ وے کے تصور سے متاثر ہو کر مشہور امریکی آرکیٹیکچرل فرم نے ڈیزائن کیا ہے، فرم کے ڈیزائنوں میں برج خلیفہ، نیویارک میں اولمپک ٹاور اور شکاگو میں سیئرز ٹاور جیسے مشہور مقامات شامل ہیں۔
بھارت: مردم شماری میں پہلی بار ذات سے متعلق سوالات بھی شامل