جیکب آباد ،جماعت اسلامی کے دیرینہ رکن محمد عمرسھاگ انتقال کرگئے
اشاعت کی تاریخ: 12th, February 2025 GMT
جیکب آباد(نمائندہ جسارت) جماعت اسلامی جیکب آبادشہر کے دیرینہ رکن محمد عمر سھاگ انتقال کر گئے۔ محمد عمر سھاگ جماعت اسلامی جیکب آباد شہر کے دیرینہ رکن، سابق رکن شوریٰ اور ناظم مالیات، کچھ عرصے کی علالت کے بعد سکھر کے ایک نجی اسپتال میں انتقال کر گئے۔ مرحوم کی نماز جنازہ مسجد قبا فیملی لین میں ادا کی گئی، جس میں ضلعی امیر جماعت اسلامی ابوبکر سومرو، نائب امیر علامہ حنیف کھوسہ، مقامی امیر یوسی رند واہی عنایت اللہ ٹالانی، مرکزی رہنما ریلوے پریم یونین حاجی غوث بخش لاشاری، سابق امیر جماعت اسلامی شہر انجینئر اعجاز میمن، امیر شہر جماعت اسلامی جیکب آباداور ان کے نائبین کے علاوہ شہر کے سیاسی و سماجی رہنماؤں سمیت بڑی تعداد اہل محلہ نے شرکت کی۔
.ذریعہ: Jasarat News
کلیدی لفظ: جماعت اسلامی جیکب ا
پڑھیں:
جماعت اسلامی کاغزہ سے اظہار یکجہتی اور اسرائیلی مظالم کیخلاف ملک گیر احتجاج کا اعلان
کراچی (نیوزڈیسک)امیر جماعت اسلامی کراچی منعم ظفر خان نے کہا کہ 26 اپریل کو کراچی سے چترال تک ملک بھر میں فلسطینی عوام پر ہونے والے مظالم کے خلاف شٹر ڈاؤن ہڑتال اور احتجاج کیا جائے گا۔ ان کا کہنا ہے کہ یہ احتجاج عالمی ضمیر کو جھنجھوڑنے اور مظلوموں کے ساتھ یکجہتی کے اظہار کے لیے ہوگا۔
منعم ظفر کا کہنا تھا کہ امریکہ اسرائیل کو جنگی سازوسامان فراہم کر رہا ہے اور ڈیڑھ سال کے دوران غزہ کے 90 فیصد علاقے تباہ کیے جا چکے ہیں۔ اسپتال، شیلٹر ہومز اور معصوم شہری تک محفوظ نہیں رہے، جبکہ اب تک 55 ہزار سے زائد فلسطینی شہید ہو چکے ہیں۔ انہوں نے کہا کہ مسلمانوں کا ہولوکاسٹ جاری ہے، مگر دنیا خاموش تماشائی بنی ہوئی ہے۔
انہوں نے اقوام متحدہ کے کردار پر سوال اٹھاتے ہوئے کہا کہ دنیا کے دیگر علاقوں میں اقوام متحدہ فوری ایکشن میں آتی ہے، مگر فلسطین کے معاملے میں اس کی خاموشی قابل مذمت ہے۔ انہوں نے مسلم حکمرانوں کی خاموشی کو افسوسناک قرار دیا اور کہا کہ پاکستان ایک ایٹمی طاقت اور اسٹریٹیجک اہمیت کا حامل ملک ہے، لیکن ہمارے اندر ایمان کی کمی ہے۔
منعم ظفر نے کہا کہ یہ احتجاج نہ صرف قومی سطح پر ہوگا بلکہ بین الاقوامی سطح پر بھی آواز بلند کی جائے گی۔ انہوں نے صیہونی مصنوعات کے بائیکاٹ اور بھارت کی آبی جارحیت کی شدید مذمت کرتے ہوئے کہا کہ بھارت نے سندھ طاس معاہدہ معطل کر کے دشمنی کا ثبوت دیا ہے۔
لاہور : ویمن پولیس اسٹیشن کی ایس ایچ او ڈاکوؤں کی ساتھی نکلی
خبروں میں رہنے کیلئے تھرڈ کلاس پولیٹکل سٹنٹ کیے جاتے ہیں؛عظمی بخاری