کراچی میں اے آئی سے ڈرائیور لیس کار کی تیاری شروع، ورچوئل ڈرائیوو شروع ہوگئی
اشاعت کی تاریخ: 12th, February 2025 GMT
کراچی میں اے آئی ٹیکنالوجی کی مدد سے بغیر ڈرائیور کے چلنے والی کار (ڈرائیور لیس کار) کی تیاری شروع کردی گئی ہے اور اس پروجیکٹ میں ورچوئل ڈرائیوو کا آغاز بھی کر دیا گیا ہے۔
این ای ڈی یونیورسٹی آف انجینئرنگ اینڈ ٹیکنالوجی میں قائم نیشنل سینٹر فار آرٹیفیشل انٹیلیجنس نے اس پراجیکٹ پر کام شروع کیا ہے، گاڑی کے تخلیقی مراحل میں شامل انجینئرز کا دعوی ہے کہ پاکستان میں اے آئی کی مدد سے اس وقت کہیں بھی ڈرائیور لیس کار پر کام نہیں ہورہا اور این ای ڈی یونیورسٹی آف انجینئرنگ اینڈٹیکنالوجی ملک کی وہ پہلی یونیورسٹی ہوگی جہاں کچھ عرصے میں ڈرائیور لیس کار سڑک پر چلتی پھرتی نظر آئے گی جبکہ چھ ماہ میں اس کار کی ٹیسٹ ڈرائیوو کرلی جائے گی۔
اس منصوبے کے لیے چین سے ایک مخصوص الیکٹرونک کار بھی درآمد کی گئی ہے جسے ڈرائیور لیس وہیکل میں تبدیل کرنے کے لیے اے آئی ٹولز پر کام جاری ہے۔
اس پروجیکٹ کے ڈائریکٹر ایسوسی ایٹ پروفیسر ڈاکٹر محمد خرم نے " ایکسپریس " سے خصوصی گفتگو میں بتایا کہ " ہم جلد ریئل ٹائم وہیکل کنٹرول پر پہنچ جائیں گے اس سلسلے میں ہمارے انجینیرز نے ڈیٹا کنٹرول اور سوفٹ ویئر ڈویلپمنٹ پر خاصا کام کرلیا ہے، ہمیں امید ہے کہ آئندہ چھ میں ہم این ای ڈی کی سڑکوں پر اس کی ڈرائیوو کر پائیں گے۔
https://www.facebook.com/expressnewspk/videos/541356328254982/
اس موقع پر موجود منصوبے سے وابستہ ریسرچ طلبہ انضمام اور علیمہ کا کہنا تھا کہ اس منصوبے میں آرٹیفیشل انٹیلیجنس کے ساتھ ساتھ روبوٹیکس تکنیک کا بھی استعمال کیا جارہا ہے اس کی میپنگ کری گئی ہے جبکہ ایلگوریدھم کی مدد سے اسپیڈ لیمیٹ ، اوبجیکٹ ڈیٹیکشن اور لین ریکگنیشن تک پہنچ گئے ہیں، ان کا کہنا تھا کہ یہ سب کچھ ورچوئل ڈرائیوو میں کیا جارہا ہے جبکہ سگنل لائیٹ کی ریکگنائز اور اسٹیئرنگ کنٹرول پر اس وقت کام جاری ہے۔
واضح رہے کہ این ای ڈی یونیورسٹی میں قائم نیشنل سینٹر فار آرٹیفیشل انٹیلیجنس ان 9 مراکز میں شامل ہے جسے وفاقی حکومت کی جانب سے بنایا گیا ہے۔
ذریعہ: Express News
کلیدی لفظ: ڈرائیور لیس کار
پڑھیں:
کراچی کے منصوبے شروع ہو جاتے‘ مکمل ہونے کا نام نہیں لیتے: حافظ نعیم
کراچی (نوائے وقت رپورٹ) امیرجماعت اسلامی پاکستان حافظ نعیم الرحمن نے کہا ہے کہ ہمارے 9 ٹاؤنز چیئرمینوں کی کارکردگی قابض میئر کی کارکردگی کے مقابلے میں کہیں زیادہ بہتر ہے، ہم تو چاہتے ہیں کہ تعلیم،صحت، عوامی خدمت اور تعمیر وترقی میں مقابلہ ہو لیکن پیپلزپارٹی کا ان کاموں سے کوئی تعلق نہیں، اختیارات و وسائل کی کمی کے باوجود ہمارے تمام ٹاؤنز میں تعمیر وترقی کا سفر شروع ہو چکا ہے۔ ہمارا عزم ہے کہ اختیارات سے بڑھ کر عوامی خدمت کا عمل جاری رکھیں گے۔ پیپلزپارٹی رکاوٹیں ڈالنے کے بجائے ٹاؤن، یوسیز کو فنڈز دے۔ فارم 47 والی حکومت اور قبضہ میئر شپ کو تسلیم نہیں کرتے، کراچی کے ترقیاتی منصوبے تو شروع ہو جاتے ہیں لیکن مکمل ہونے کا نام نہیں لیتے، کراچی کو لوٹنے و تباہ و برباد کرنے والا وڈیرہ شاہی مائنڈ سیٹ اب مزید نہیں چلے گا۔ سسٹم کو اب خیرباد کہنے کا وقت آگیا ہے۔ ان خیالات کا اظہار انہوں نے ٹی ایم سی نارتھ ناظم آباد کے تحت پارک بارہ دری بلاک Aمیں نارتھ ناظم آباد کے عوام کے لیے تکمیل شدہ اور آئندہ کے ترقیاتی منصوبوں کے حوالے سے منعقدہ تقریب و پریس بریفنگ اور ٹی ایم سی نیو کراچی کے تحت پاور ہاؤس چورنگی سے نیو کراچی نمبر 3 تک نئی تعمیر شدہ سڑک کے افتتاح کے موقع پر خطاب کرتے ہوئے کیا۔ حافظ نعیم الرحمن نے نارتھ ناظم آباد ٹاؤن کے آئندہ کے منصوبوں کے حوالے سے تختی کی نقاب کشائی بھی کی اور نیو کراچی میں معروف نعت گو شاعر اعجاز رحمانی کے نام سے منسوب سڑکوں کا افتتاح کیا۔
اشتہار