کراچی میں اے آئی سے ڈرائیور لیس کار کی تیاری شروع، ورچوئل ڈرائیوو شروع ہوگئی
اشاعت کی تاریخ: 12th, February 2025 GMT
کراچی میں اے آئی ٹیکنالوجی کی مدد سے بغیر ڈرائیور کے چلنے والی کار (ڈرائیور لیس کار) کی تیاری شروع کردی گئی ہے اور اس پروجیکٹ میں ورچوئل ڈرائیوو کا آغاز بھی کر دیا گیا ہے۔
این ای ڈی یونیورسٹی آف انجینئرنگ اینڈ ٹیکنالوجی میں قائم نیشنل سینٹر فار آرٹیفیشل انٹیلیجنس نے اس پراجیکٹ پر کام شروع کیا ہے، گاڑی کے تخلیقی مراحل میں شامل انجینئرز کا دعوی ہے کہ پاکستان میں اے آئی کی مدد سے اس وقت کہیں بھی ڈرائیور لیس کار پر کام نہیں ہورہا اور این ای ڈی یونیورسٹی آف انجینئرنگ اینڈٹیکنالوجی ملک کی وہ پہلی یونیورسٹی ہوگی جہاں کچھ عرصے میں ڈرائیور لیس کار سڑک پر چلتی پھرتی نظر آئے گی جبکہ چھ ماہ میں اس کار کی ٹیسٹ ڈرائیوو کرلی جائے گی۔
اس منصوبے کے لیے چین سے ایک مخصوص الیکٹرونک کار بھی درآمد کی گئی ہے جسے ڈرائیور لیس وہیکل میں تبدیل کرنے کے لیے اے آئی ٹولز پر کام جاری ہے۔
اس پروجیکٹ کے ڈائریکٹر ایسوسی ایٹ پروفیسر ڈاکٹر محمد خرم نے " ایکسپریس " سے خصوصی گفتگو میں بتایا کہ " ہم جلد ریئل ٹائم وہیکل کنٹرول پر پہنچ جائیں گے اس سلسلے میں ہمارے انجینیرز نے ڈیٹا کنٹرول اور سوفٹ ویئر ڈویلپمنٹ پر خاصا کام کرلیا ہے، ہمیں امید ہے کہ آئندہ چھ میں ہم این ای ڈی کی سڑکوں پر اس کی ڈرائیوو کر پائیں گے۔
https://www.facebook.com/expressnewspk/videos/541356328254982/
اس موقع پر موجود منصوبے سے وابستہ ریسرچ طلبہ انضمام اور علیمہ کا کہنا تھا کہ اس منصوبے میں آرٹیفیشل انٹیلیجنس کے ساتھ ساتھ روبوٹیکس تکنیک کا بھی استعمال کیا جارہا ہے اس کی میپنگ کری گئی ہے جبکہ ایلگوریدھم کی مدد سے اسپیڈ لیمیٹ ، اوبجیکٹ ڈیٹیکشن اور لین ریکگنیشن تک پہنچ گئے ہیں، ان کا کہنا تھا کہ یہ سب کچھ ورچوئل ڈرائیوو میں کیا جارہا ہے جبکہ سگنل لائیٹ کی ریکگنائز اور اسٹیئرنگ کنٹرول پر اس وقت کام جاری ہے۔
واضح رہے کہ این ای ڈی یونیورسٹی میں قائم نیشنل سینٹر فار آرٹیفیشل انٹیلیجنس ان 9 مراکز میں شامل ہے جسے وفاقی حکومت کی جانب سے بنایا گیا ہے۔
ذریعہ: Express News
کلیدی لفظ: ڈرائیور لیس کار
پڑھیں:
پنجاب یونیورسٹی میں آئس سپلائی کرنبوالا پولیس اہلکار گرفتار
— فائل فوٹوپنجاب یونیورسٹی میں آئس (منشیات) سپلائی کرنے والے پولیس اہلکار کو گرفتار کر لیا گیا۔
پولیس نے ملزم اہلکار کے خلاف مقدمہ درج کر لیا ہے۔
پولیس کے مطابق یہ اہلکار غیر حاضری کی وجہ سے کچھ عرصہ قبل معطل ہو چکا تھا۔
بلوچستان میں سورج سوا نیزے پر آگیا؛ کچھ علاقوں میں بوندا باندی کا امکان