شہدادپور،مرکزی مسلم لیگ آج حقوق ہاری مارچ نکالے گئی
اشاعت کی تاریخ: 14th, February 2025 GMT
شہدادپور(نمائندہ جسارت)پاکستان مرکزی مسلم لیگ نے جمعہ، 14 فروری کو سندھ بھر کے ضلعی ہیڈکواٹرز میں حقوق ہاری مارچ نکالنے کا اعلان کردیا۔ اس مارچ کا مقصد سندھ کے کسانوں کے حقوق کا تحفظ اور ان کے معاشی قتل عام کے خلاف بھرپور صدائے احتجاج بلند کرنا ہے۔ سانگھڑ میں بھی سندھ بھر کی طرح حقوق ہاری مارچ نکالا جائے گا ، جس میں ضلع بھر سے پاکستان مرکزی مسلم لیگ کے کارکنان کے علاوہ ہاری ، کسان و زمیندار حصہ لیں گے۔ اس بات کا فیصلہ پاکستان مرکزی مسلم لیگ ضلع سانگھڑ کی ضلعی باڈی کے اجلاس میں کیا گیا۔ اجلاس کی صدارت مرکزی مسلم لیگ بینطیر آباد ڈویژن کے صدر حافظ رضا اللہ نے کی۔ انہوں نے اجلاس میں حقوق سندھ مارچ کے کامیاب انعقاد پر ضلع بھر کے ذمے داران و کارکنان کو مبارکباد دیتے ہوئے کہا کہ حقوق سندھ مارچ سندھ کی پسماندہ اور استحصال زدہ عوام کے لیے بارش کا پہلا قطرہ ثابت ہوا ہے، جس کے ذریعے سولہ سال سے سندھ پر مسلط کرپٹ اور نااہل حکومت کی کرپشن اور نااہلیوں کا پردہ چاک کرتے ہوئے سندھ کے عوام کے تمام حل طلب مسائل کو اجاگر کیا گیا ہے۔ ضلعی صدر راشد شیخ نے اس موقع پر کارکنان سے خطاب کرتے ہوئے کہا کہ حقوق سندھ مارچ کو سندھ بھر سے ملنے والی پذیرائی بتاتی ہے کہ سندھ کے عوام موجودہ حکمرانوں سے سخت ناخوش ہیں اور چاہتے ہیں کہ سندھ میں ایسی تبدیلی آئے جس کے ذریعے پاکستان کے سب سے باوسائل صوبہ کی عوام کے مسائل کا حل نکالا جا سکے۔اجلاس میں اس عزم کا اعادہ کیا گیا کہ مرکزی مسلم لیگ سندھ پوری قوت سے سندھ کے مظلوم عوام کے ساتھ کھڑی ہے۔
.ذریعہ: Jasarat News
کلیدی لفظ: مرکزی مسلم لیگ عوام کے سندھ کے
پڑھیں:
اسلام آباد کی طرف مارچ کا کوئی ارادہ نہیں، 5 اگست کو پرامن احتجاج ہوگا، بیرسٹر گوہر
پاکستان تحریک انصاف کے چیئرمین بیرسٹر گوہر علی خان نے کہا ہے کہ 5 اگست کو پی ٹی آئی اسلام آباد کا رخ نہیں کرے گی بلکہ ملک بھر میں پرامن احتجاج کیا جائے گا، پارٹی کے خلاف کی جانے والی کارروائیاں سیاسی انتقام کے سوا کچھ نہیں، جن کا مقصد پارٹی قیادت اور کارکنان کو دباؤ میں لانا ہے۔
پشاور میں صحافیوں سے گفتگو کرتے ہوئے بیرسٹر گوہر نے کہا کہ پی ٹی آئی کے 39 ارکان پارلیمنٹ پر مقدمات کی تلوار لٹک رہی ہے، جب کہ 2 ارکانِ قومی اسمبلی اور ایک سینیٹر کو سزا بھی دی جاچکی ہے۔
یہ بھی پڑھیں: مذاکرات کا وقت ختم ،وہی ہوگا جو عمران خان ہدایات دیں گے، چیئرمین پی ٹی آئی بیرسٹر گوہر
ان کا کہنا تھا کہ 4 اکتوبر سے متعلق مقدمات ابھی زیر التوا ہیں اور ہم شروع سے یہی مطالبہ کر رہے ہیں کہ ان مقدمات میں شفاف تحقیقات ہوں اور جو بھی ملوث ہو، اسے قانون کے مطابق سزا دی جائے۔
????۔5 اگست عمران خان کا حکم ہے۔ اسلام آباد جانے کا کوئی پلان نہیں لیکن تحریک شروع کر رہے اور احتجاج ہوگا۔ پورے پاکستان میں ہوگا۔ گوہر خان pic.twitter.com/dt7g4T3AzP
— Mehwish Qamas Khan (@MehwishQamas) July 24, 2025
چیئرمین پی ٹی آئی نے مزید کہا کہ پی ٹی آئی موجودہ دباؤ کا ڈٹ کر مقابلہ کرے گی اور کسی بھی صورت پیچھے نہیں ہٹے گی۔ انہوں نے کہا کہ مراد سعید نے ضمنی انتخاب میں کامیابی حاصل کرلی ہے، اب فیصلہ ان کا ہے کہ وہ کیا سیاسی راستہ اختیار کرتے ہیں۔
بیرسٹر گوہر کے مطابق سینیٹ انتخابات میں جو امیدوار میدان میں تھے، وہ سب عمران خان کی نامزدگی پر کھڑے کیے گئے تھے، اور ان انتخابات کے دوران کسی قسم کی ووٹ چوری کی بات درست نہیں۔
یہ بھی پڑھیں: علی امین گنڈاپور بہترین کھلاڑی، عمران خان کا اعتماد حاصل ہے، بیرسٹر گوہر
انہوں نے موجودہ ٹرائل کے عمل پر بھی تنقید کرتے ہوئے کہا کہ عدالتوں میں رات گئے تک مقدمات چلانا آئین و قانون کے اصولوں کے منافی ہے۔ ان کا مطالبہ تھا کہ تمام عدالتی کارروائیاں شفاف اور قانونی تقاضوں کے مطابق کی جائیں۔
بیرسٹر گوہر نے اس اعتماد کا اظہار بھی کیا کہ عمران خان اور ان کے اہل خانہ کو طویل عرصے تک جیل میں نہیں رکھا جاسکتا، کیونکہ وہ ایک عوامی لیڈر ہیں جنہیں زبردستی سیاست سے باہر رکھنے کی کوشش کی جا رہی ہے۔
انہوں نے کہا کہ پی ٹی آئی کی دو تہائی اکثریت ہے، ایک صوبے میں حکومت ہے، قومی اسمبلی میں 90 ارکان ہیں اور سینیٹ میں 22 سینیٹرز ہوچکے ہیں، پنجاب میں ہمارے 107 ایم پی ایز ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
5 اگست we news احتجاج بیرسٹر گوہر پی ٹی آئی عمران خان
آزاد کشمیر الیکشن، ن لیگ نے مشاورتی کمیٹی قائم کر دی