دنیا سوڈان کی گھمبیر صورتحال کو نظر انداز نہ کرے، گوتیرش
اشاعت کی تاریخ: 15th, February 2025 GMT
اسلام آباد (اُردو پوائنٹ ۔ UN اردو۔ 15 فروری 2025ء) اقوام متحدہ کے سیکرٹری جنرل انتونیو گوتیرش نے عالمی برادری سے کہا ہے کہ وہ مصائب کا شکار سوڈان کے لوگوں کی اسی طرح مدد کرے جس طرح سوڈان نے ماضی میں اپنے ہمسایوں کا ساتھ دیا تھا۔
ایتھوپیا کے دارالحکومت ادیس ابابا میں افریقن یونین کے زیراہتمام سوڈان کے لوگوں کے لیے اعلیٰ سطحی امدادی کانفرنس سے خطاب کرتے ہوئے انہوں نے کہا کہ ملک کے لوگوں کو بحران سے نکالنے کے لیے فوری طور پر مزید اقدامات کی ضرورت ہے۔
ماضی میں سوڈان نے اریٹریا، چاڈ، جنوبی سوڈان اور بعض اوقات ایتھوپیا کو بھی مشکل حالات میں مدد فراہم کی تھی۔ آج سوڈان کو مدد کی ضرورت ہے اور ناصرف خطے کے ممالک بلکہ پوری دنیا کو ان کا ساتھ دینا ہو گا۔سیکرٹری جنرل نے کہا کہ اقوام متحدہ رواں سال سوڈان کے لیے انسانی امداد اور پناہ گزینوں کی مدد کے منصوبے شروع کرے گا۔
(جاری ہے)
چھ ارب ڈالر مالیت کے ان منصوبوں سے اندرون و بیرون ملک دو کروڑ 60 لاکھ لوگ مستفید ہوں گے۔
جنگ بندی ضروریانتونیو گوتیرش کا کہنا تھا کہ سوڈان بہت بڑے بحران اور وحشیانہ جنگ کی لپیٹ میں ہے۔ یہ بحران پورے خطے میں پھیل رہا ہے اور افریقن یونین سمیت عالمی برادری کو اس سے نمٹنے پر متواتر اور فوری توجہ دینا ہو گی۔
انہوں نے شہریوں بشمول امدادی کارکنوں کے تحفظ کی ضرورت پر زور دیتے ہوئے کہا کہ ملک کے ایسے تمام علاقوں میں انسانی امداد کی تیزرفتار، محفوظ، بلارکاوٹ اور پائیدار فراہمی یقینی بنانا ہو گی جہاں لوگوں کو اس کی ضرورت ہے۔
متحارب فریقین کو بیرون ملک سے مدد اور اسلحے کی فراہمی روکنا ہو گی تاکہ بڑے پیمانے پر شہری تباہی اور خونریزی کا سلسلہ بند ہو سکے۔سیکرٹری جنرل نے کہا کہ سوڈان کے لوگوں کو فوری جنگ بندی اور تحفظ درکار ہے۔ ملک کے لیے ان کے ذاتی نمائندے رمتان لامامرا ان مقاصد کے حصول کے لیے فریقین سے رابطے میں ہیں اور جدہ اعلامیے پر مکمل عملدرآمد ممکن بنانے کی کوشش کر رہے ہیں۔
خطاب کے آخر میں انہوں نے کانفرنس کے شرکا کو مخاطب کرتے ہوئے کہا کہ رمضان کا مقدس مہینہ آنے کو ہے۔ امن، ہمدردی، فیاضی اور یکجہتی کے اس بابرکت موقع پر وہ اپنے اثرورسوخ سے کام لیتے ہوئے اچھائی کے لیے کوشش کریں، سوڈان کو فیاضانہ مدد فراہم کریں، بین الاقوامی قانون کا احترام اور پائیدار امن یقینی بنانے کے لیے مدد دیں جس کی وہاں کے لوگوں کو اشد ضرورت ہے۔
.ذریعہ: UrduPoint
کلیدی لفظ: تلاش کیجئے سوڈان کے لوگوں کو کے لوگوں کی ضرورت ضرورت ہے کے لیے کہا کہ
پڑھیں:
حیدر آباد ، ایک روزہ ڈینگی علاج کیلیے مفت طبی کیمپ کا قیام
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر)حیدرآباد کی یونین کونسل 32کے چیئرمین اظہر شیخ اور دیگر منتخب نمائندوں کی جانب سے بھائی خان چوک پر یوسی دفتر میں ڈینگی کے علاج کیلئے ایک روزہ مفت طبی کیمپ لگایا گیا جس میں بڑی تعداد میں علاقے کے لوگوں کے ڈینگی کے مفت ٹیسٹ کئے گئے ، جبکہ ڈینگی وائرس سے متعلق آگاہی بھی فراہم کی گئی۔ اس موقع پر یوسی 32کے چیئرمین اظہر شیخ نے کہاکہ ڈینگی وائرس تیزی سے پھیل رہا ہے ، لوگ ڈینگی مرض میں مبتلا ہوکر علاج کرانے پر مجبور ہیں ۔ ان کا کہنا تھا کہ معاشی بدحالی کے باعث پہلے ہی شہری پریشان تھے اوپر سے ڈینگی کی وبا نے شہریوں کا ذہنی سکون برباد کردیا ہے ایسے میں ہم منتخب نمائندوں کی بھی ذمہ داری ہے کہ اپنے حلقے کے عوام کو اس حوالے سے ریلیف فراہم کریں اور اسی سلسلے میں ہم نے اپنی یوسی کی میٹنگ کے بعد یہ فیصلہ کیاگیا کہ سب سے پہلے ڈینگی کے بلڈٹیسٹ فری کریں ، سینکڑوں کی تعداد میں لوگوں نے آکر ٹیسٹ کروائے ، پہلے ہم نے اپنی یوسی کی حد تک یہ ٹیسٹ رکھے تھے پھر صورتحال دیکھ کر اندازہ ہوا کہ لوگوں کے پاس ٹیسٹ کرانے کی بھی سکت نہیں ہے ہم نے پورے حیدرآباد کیلئے یہ ٹیسٹ فری کردیئے ہیں۔ ہم ڈینگی سے متاثر افراد کو ٹوکن دیتے ہیں جسے لے کر جاجیانی ہسپتال جاتے ہیں وہاں پر ٹیسٹ فری کیا جارہا ہے۔
کراچی، نادرن بائی پاس پر پلاسٹک کے گودام میں آگ لگ گئی