چیمپئنز ٹرافی، کئی ستارے نظروں سے اوجھل رہیں گے
اشاعت کی تاریخ: 19th, February 2025 GMT
آئی سی سی چیمپئنز ٹرافی میں عہد حاضر کے اہم ستارے نظروں سے اوجھل رہیں گے، کئی پلیئرز انجری یا دیگر مسائل کے سبب باہر بیٹھنے پر مجبور ہوگئے، جس کے سبب ایونٹ میں شریک ٹیموں کو اپنے بہترین کھلاڑیوں کے بغیر ٹرافی کی جنگ میں شامل ہونا پڑرہا ہے، ان میں نمایاں ترین بھارتی پیسر جسپریت بمرا اور آسٹریلوی کپتان پیٹ کمنز ہیں۔
آئی سی سی کے 8 ملکی ایونٹ میں شائقین کرکٹ دنیا کے بہترین اسٹارز کو ایکشن میں دیکھنے کے آرزومند تھے لیکن ان کی یہ خواہش مکمل طور پر پوری نہیں ہوپائے گی ،البتہ یہ دیگر پلیئرز کے لیے سنہری موقع ہوگا جو شوپیس ایونٹ میں غیرمعمولی پرفارمنس سے راتوں رات چمکتے ستاروں میں ڈھل سکتے ہیں۔
پاکستانی فاسٹ بولرحارث رؤف نیوزی لینڈ اور جنوبی افریقہ سے حالیہ ٹرائنگولر سیریز کے دوران انجری کا شکار ہوگئے ،گوکہ وہ خود کو فٹ قرار دے رہے ہیں، البتہ ایونٹ کے دوران ان کی فٹنس پر دھڑکا ہی لگا رہے گا،نوجوان بیٹر صائم ایوب بھی انجری سے دوچار ہیں،ان کی عدم موجودگی سے ٹیم کی کارکردگی پر اثر پڑ سکتا ہے، البتہ ٹیمیں اپنے دستیاب کھلاڑیوں کے ساتھ بہترین کارکردگی دکھانے کی کوشش کریں گی۔
آسٹریلیا کو اپنے اولین انتخاب پیس اٹیک کا ساتھ میسر نہیں ہے، کپتان پیٹ کمنز کے ساتھ جوش ہیزل ووڈ بھی ایونٹ سیباہر ہوچکے، مچل اسٹارک نے ذاتی وجوہات کے سبب ایونٹ میں شرکت سے معذرت کرلی ، مارکس اسٹونیس نیاچانک ون ڈے انٹرنیشنل سے ریٹائرمنٹ لے کر سب کو حیران کردیا، ان کا نام آسٹریلیا نے عبوری اسکواڈ کا حصہ بھی بنایا تھا، مچل مارش کے لیے کمر کی انجری کے سبب سیزن میں دوبارہ کرکٹ کھیل پانا مشکل ہوگا۔
انگلینڈ کے جیکب بیتھل اور کیوی لوکی فرگوسن بھی ہیمسٹرنگ انجری کا سامنا کررہے ہیں، راچن رویندرا کے ماتھے پر گیند لگ چکی ہے، ان کی دستیابی کا فیصلہ صورتحال دیکھ کر ہوگا.
جنوبی افریقہ کیاینرچ نورکیا اور گیرالڈ کوئٹزی بھی ایکشن میں نظر نہیں آسکیں گے، نورکیا دسمبر 2024 سے مسابقتی کرکٹ نہیں کھیل پائے ہیں، ان کی جگہ گیرالڈ کوئٹزی کو چنا گیا لیکن وہ بھی گروئن انجری کا شکار ہوکر باہر ہوگئے، افغانستان کے اسپنر اے ایم غضنفر ریڑھ کی ہڈی میں فریکچر کی وجہ سے ٹورنامنٹ سے باہر ہوگئے ، انھیں یہ انجری دسمبر کے دورئہ زمبابوے میں پیش آئی تھی۔
ذریعہ: Express News
پڑھیں:
اے ٹی پی چیلنجرز ایونٹ 24نومبرکو اسلام آباد میں ہوگا، اعصام الحق
اسلام آباد(نیوز ڈیسک)پاکستان ٹینس فیڈریشن کے صدر اعصام الحق نے کہا ہے کہ پاکستان رواں ماہ پہلی بار اے ٹی پی چیلنجرز ایونٹ کی میزبانی کرے گا۔
اسلام آباد میں پریس کانفرنس کرتے ہوئے اعصام الحق نے کہا کہ یہ ایونٹ 24 نومبر سے اسلام آباد میں منعقد ہوگا جو پاکستان کے لیے ایک بڑا اعزاز ہے، اس سے دنیا میں پاکستان کا سافٹ امیج اجاگر ہوگا۔
انہوں نے کہا کہ کرکٹ کے بعد ٹینس وہ دوسرا کھیل بن چکا ہے جس میں سب سے زیادہ غیر ملکی کھلاڑی پاکستان آرہے ہیں۔ ہم سب کی ذمہ داری ہے کہ دنیا میں پاکستان کا سافٹ امیج اجاگر کریں۔
پاکستان ٹینس فیڈریشن کے صدر نے مزید کہا کہ وزیرِ داخلہ محسن نقوی نے ٹینس کی ترقی کے لیے مثبت رسپانس دیا ہے اور پی ٹی ایف ٹینس کمپلیکس کی لیز کا مسئلہ بھی حل ہوگیا ہے۔ اس سلسلے میں محسن نقوی کے خصوصی شکر گزار ہیں۔
اعصام الحق نے بتایا کہ جونیئر پلیئرز کو پروموٹ کیا جا رہا ہے۔
ان کا کہنا تھا کہ میکائل علی بیگ نے شاندار کارکردگی دکھائی ہے جبکہ شایان آفریدی نے انڈر 12 اور میکائل بیگ نے انڈر 16 کے مین راؤنڈ کے لیے کوالیفائی کیا ہے۔
پاکستان ٹینس فیڈریشن کے صدر نے کہا کہ نوجوان کھلاڑیوں کا مستقبل تابناک ہے اور ہم گرینڈ سلیم میں ان کی شمولیت کے لیے پرامید ہیں۔
اعصام الحق نے بتایا کہ رواں سال ہم نے پانچ انٹرنیشنل ٹورنامنٹس کروائے اور بارہ ٹیمیں بیرون ملک بھجوائیں، جبکہ آئندہ سال سات آئی ٹی ایف ایونٹس منعقد کیے جائیں گے۔
اعصام الحق نے کہا کہ 2026ء پاکستان میں ٹینس کا مصروف اور شاندار سال ہوگا۔ آئندہ سال پاکستان میں ٹینس لیگ بھی منعقد کی جائے گی۔
انہوں نے کہا کہ ہم خواتین ٹینس کی ترقی پر بھی بھرپور توجہ دے رہے ہیں۔
بھارت افغان سرزمین سے پاکستان کیخلاف کم شدت کی جنگ چھیڑ رہا ہے، خواجہ آصف