پہلے لوگو سے پاکستان غائب ہوا، اب ترانہ بھارت کا بج گیا؟ کیسے
اشاعت کی تاریخ: 23rd, February 2025 GMT
انگلیںڈ اور آسٹریلیا کے درمیان میچ میں انٹرنیشنل کرکٹ کونسل (آئی سی سی) نے بھارتی ترانہ بجاڈالا۔
گزشتہ قذافی اسٹیڈیم لاہور میں کھیلے گئے میچ میں آسٹریلیا اور انگلینڈ کی ٹیمیں مدمقابل تھیں تاہم اس میچ کے دوران آئی سی سی نے ملکی ترانوں کے وقت بھارت کا ترانہ بجا دیا تھا جس پر مداحوں اور اسٹیڈیم میں بیٹھے تماشائیوں نے حیرانگی کا اظہار کیا تھا۔پاکستان کرکٹ بورڈ (پی سی بی) نے انٹرنیشنل کرکٹ کونسل (آئی سی سی) سے بھی جواب طلب کرلیا ہے۔
دوسری جانب بورڈ ذرائع کا کہنا ہے کہ لاہور میں بھارت کا ترانہ بجنا آئی سی سی کی غلطی ہے، جسے حکام نے تسلیم کرلیا ہے تاہم پاکستان میں ہونیوالے میچز میں بھارتی کا ترانہ پلے لسٹ میں شامل نہیں ہونا چاہیے تھا۔
مزید پڑھیں: چیمپئینز ٹرافی؛ پاک بھارت ہائی ولٹیج مقابلے کیلئے اسٹیج تیار
واضح رہے کہ میچ سے قبل انگلینڈ کے ترانے کے وقت چند سکینڈز کیلئے بھارتی ترانہ پلے ہوگیا تھا تاہم آئی سی سی نے فوری غلطی کا احساس ہونے پر ترانہ روک دیا۔
مزید پڑھیں: پاک بھارت ہائی وولٹیج میچ؛ کیا بارش ہوسکتی ہے؟
دوسری جانب دبئی میں بنگلادیش اور بھارت کے درمیان میچ کے دوران بھی آئی سی سی نے میزبان ملک کے نام کی جگہ پاکستان کا نام نہیں لکھا تھا اور معذرت کی تھی۔
مزید پڑھیں: پاک بھارت میچ؛ کون جیتے گا! ہندو بابا کی بڑی پیشگوئی سامنے آگئی
ادھر فینز کی جانب سے سوال اٹھایا جارہا ہے کہ انٹرنیشنل کرکٹ باڈی آئی سی سی کی جانب سے کیسے بار بار پاکستان مخالف اقدامات کررہا ہے، بھارت میں شیڈول ایونٹس کیوں ایسا نہیں ہوتا کہ وہاں غلطی سے پاکستان کا ترانہ بج جائے یا لوگو سے میزبان ملک کا نام ہٹادیا جائے یا غائب ہوجائے۔
.
ذریعہ: Express News
کلیدی لفظ: کا ترانہ
پڑھیں:
پاکستان کے مؤقف کو ماننا پڑا؛ آئی سی سی نے سازشی میچ ریفری کو نکال دیا
سٹی42: انٹرنیشنل کرکٹ کونسل نے بھارت کے ساتھ ساز باز کر کے پاکستان کے خلاف سازش کرنے میں ملوث میچ ریفری کو ایشیا کپ ٹی ٹوینٹی ٹورنامنٹ سے نکال دیا۔ پاکستان کے مؤقف کو تسلیم کرنا پڑا۔ آئی سی سی ایسا نہ کرتی تو پاکستان ایشیا کپ کو ادھورا چھوڑ کر اپنی ٹیم کو واپس بلانے کی تیاری کر رہا تھا۔
پاکستان کے مخالفوں کی پھیلائی ہوئی یہ افواہ جھوٹ نکلی کی انٹرنیشنل کرکٹ کونسل نے پاکستان بھارت میچ مین بھارت کے ساتھ ساز باز کر کے پاکستان کو بے عزت کرنے کی سازش مین ملوث میچ ریفری کو نکالنے سے انکار کر دیا ہے۔ مصدقہ خبر یہ آئی ہے کہ آئی سی سی نے میچ ریفری اینڈی کرافٹ کو ہٹادیا ہے۔
پاکستان سے ایران جانیوالے زائرین کو اغوا کروانے والے نیٹ ورک کا کارندہ گرفتار
آئی سی سی نے اینڈی کرافٹ کی جگہ رچی رچرڈسن کو لگانے کی تجویز منظور کر لی ہے۔
کرکٹ کے نگراں عالمی ادارے نے پاکستان کا مطالبہ تسلیم کرتے ہوئے میچ ریفری کو نکال دیا ہے۔
میچ ریفری کی تبدیلی کے بعد ایشیا کپ میں پاکستان کی بے عزتی کروانے میں ملوث میچ ریفری کو ہٹائے جانے کے بعد پاکستان کی شکایت رفع ہو گئی ہے۔ اب پاکستان کرکٹ بورڈ کے ذرائع بتا رہے ہیں کہ ٹورنامنٹ کی انتظامیہ کے ساتھ تنازع حل ہو گیا ہے۔پاکستان کل یو اے ای کےخلاف شیڈول میچ کھیلے گا ۔
تقریبا 15 ہزار شہریوں کی جیبیں کٹ گئیں
اس سے پہلے
پاکستان نے آئی سی سی کے ایشیا کپ کے لئے مقرر کئے گئے میچ ریفری کی جانب سے پاکستان بھارت میچ کے دوران پاکستانی کیپٹن کو ضابطہ کی خلاف ورزی کرتے ہوئے نامناسب ہدایات جاری کر کے بھارتی سازش کا آلہ کار بننے کی حرکت کا سختی سے نوٹس لیا گیا تھا اور پاکستان نے اس معاملہ کی تحقیقات کروا کر آئی سی سی سے شکایت کی تھی کہ اس میچ ریفری نے جانبداری کی ہے اور ضابطہ اخلاق کی سریح خلاف ورزی کی ہے۔ اسے ہٹایا جائے، پاکستان نے اس سنگین وائلیشن کو لے کر آج ایشیا کپ کے کل ہونے والے میچ کے متعلق نیوز کانفرنس بھی نہیں کی تھی۔ اب پاکستان کل کا میچ شیڈول کے مطابق کھیلے گا۔
اساتذہ کے تبادلوں پر سے پابندی اٹھالی
پاکستان کے خلاف سازش میں آلہ کار بننے والے میچ ریفری اینڈی کو پاکستان ساؤتھ افریقہ ویمنز سیریز سے بھی الگ کرنے کے لئے پاکستان نے آئی سی سی کو خط لکھ رکھا ہے۔
پاکستان کے مخالفوں کی افواہ سازی
اس دوران انڈیا مین پاکستان کے مخالف میڈیا نے یہ افواہ شائع کی کہ انٹرنیشنل کرکٹ کونسل نے پاکستان کی شکایت کو مسترد کر دیا ہے اور میچ ریفری اینڈی کو برقرار رکھا جائے گا۔ اس جھوٹی افواہ کو پاکستان میں بھی بعض میڈیا آؤٹ لیٹس نے شائع کیا لیکن سٹی42 نے اسے نطر انداز کر دیا اور صحیح حقائق سامنے آنے کا انتظار کیا۔
بچے بچ گئے!
واقعہ کیا ہوا تھا
بھارت کی زخم خوردہ حکومت نے بھارت کے عام شہریوں کو بے وقوف بنانے اور بہار ریاستی الیکشن سے پہلے نفرت کی آگ بھڑکانے کے لئے آئی سی سی کے بعض لوگوں کے ساتھ مل کر سازش کی اور پاکستان بھارت کرکٹ میچ کو "سازشی یدھ" میں بدل دیا۔ میچ میں کرکٹ سے الگ، دوسری گھٹیا ترین حرکتیں کر کے پاکستان کی بے عزتی کرنے کی سازش کی اور اس سازش میں پاکستان اندیا میچ کے میچ ریفری کو آلہ کار بنایا۔ میچ ریفری اینڈی پائی کرافٹ نے اپنی اوقات سے بڑی شرارت میں آلہ کار بن کر اپنا کیرئیر تباہ کر لیا۔
فنانشل کرائم کے 8 اشتہاری گرفتار
زخم خوردہ بھارتی حکومت اور میچ ریفری کی ملی بھگت؛ ریفری نے کیا حرکتیں کیں
پاکستان اور بھارت کے کل شام ہونے والے ٹی ٹوینٹی میچ کے دوران بھارت کے کھلاڑیوں نے جان بوجبھ کر پاکستانی ٹیم کے کھلاڑیوں اور پاکستان کی بے عزتی کرنے کی کوشش کی اور میچ ریفری نے کسی ذاتی نوکر کی طرح بھارتی سازش پر عمل کرنے والوں کا آلہ کار بن کر ان کی معاونت کی۔
پاکستان کی شکایت پر میچ ریفری اینڈی پائی کرافٹ کیخلاف تحقیقات مکمل ہو گئیں اور اسے مجرم پایا گیا۔
ذرائع نے بتایا کہ میچ ریفری کی بھارتی عہدیداروں کے ساتھ سازشی ملی بھگت کے ٹھوس ثبوت سامنے آگئے۔ اب اس کرائے کے ٹٹو کا کردار کرنے والے میچ ریفری کے خلاف ضابطہ اخلاق کی خلاف ورزی پر سخت کارروائی کئے جانے کا انتظار کیا جا رہا ہے۔
ذرائع نے بتایا کہ بھارت سے تعلق رکھنے والے وینیو منیجر کے کہنے پر سلمان علی آغا کو ٹاس کے موقع پر طریقہ کار اور روایت کے مطابق دوسری ٹیم کے کیپٹن سے ہاتھ ملانے سے منع کیا گیا۔
تحقیقات میں یہ بات بھی سامنے آئی کہ بھارت کے سوریاکمارکو جرمانےسےبچانےکیلئے میچ ریفری نے"آپریشن سندور" والا جملہ بولنےپر تادیبی کارروائی کرنے سےگریزکیا۔
میچ ریفری نےٹاس کے وقت سلمان آغا کو مائیک میوٹ کرکے بات سننے کا کہا تھا۔
میچ ریفری نے سلمان علی آغا کو سوریا کمار یادیو سے ہاتھ نہ ملانے کا کہا تھا۔
آئی سی سی قواعد کے مطابق کوئی میچ ریفری براہ راست کپتان یا پلیئرز کو کوئی ہدایات نہیں دے سکتا۔
میچ ریفری صرف ٹیم منیجر کو پیغام دے سکتا ہے۔
ذرائع نے بتایا کہ تحقیقات سے یہ سامنے آیا ہے کہ پاکستان کرکٹ ٹیم کے کیپٹن سلمان آغا کو 30سیکنڈ پہلے بھارتی ٹیم کے کیپٹن سے رسم کے مطابق ہاتھ ملانے سے منع کرنا پری پلانڈ منصوبہ تھا۔
پاکستان کی طرف سے میچ ریفری کی تبدیلی کی درخواست کی گئی ہے اور اس درخواست پر عمل نہ کئے جانے کی صورت میں زیرو ٹالرنس پالیسی کو لے کر بھارتی گروہ کی سازشوں کو منطقی انجام تک پہنچانے کا اصولی فیصلہ کیا جا چکا ہے جس پر عمل پاکستان کرکٹ بورڈ کے متعلقہ فورم پر رسمی غور کرنے کے بعد کیا جائے گا۔
ذرائع کا کہنا ہے کہ اگر آئی سی سی نے پاکستان کی شکایت کو کھلے دل سے تسلیم کر کے آلہ کار بننے والے میچ ریفری کے خلاف پاکستان کی تجویز کی ہوئی تادیبی کارروائی کر دی تو پاکستان ایشیا کپ میں اپنی سرگرمیاں جاری رکھے گا ورنہ نہیں۔
سیلاب سے سینکڑوں بستیاں زیر آب، لاکھوں افراد بے گھر، ملتان کیلئے دو دن انتہائی اہم