سب سے بڑی گھڑ دوڑ ’پاکستان ڈربی‘ میں سردار نامی گھوڑے نے میدان مار لیا
اشاعت کی تاریخ: 23rd, February 2025 GMT
پاکستان کی سب سے بڑی گھڑ دوڑ پاکستان ڈربی 2025 سردار نامی گھوڑے نے جیت لی ہے۔
صدر مملکت آصف علی زرداری ملک کی سب سے بڑی گھڑ دوڑ ’پاکستان ڈربی‘ کے مہمان خصوصی تھے جو ہیلی کاپٹر کے ذریعے لاہور ریس کلب پہنچے۔
یہ بھی پڑھیں کیا بل گیٹس کے داماد نے مصر کے خرچے پر پیرس اولمپکس میں حصہ لیا؟
گھڑ دوڑ کے دوران لاہور ریس کلب میں سنسنی خیز مقابلے ہوئے، اور گھوڑے ایک دوسرے سے آگے نکلنے کی کوشش کرتے رہے۔
2400 میٹر طویل پاکستان ڈربی میں 15 شہہ سواروں نے حصہ لیا۔ ریس کے دوران 4 گھڑ سوار گر پڑے جن میں سے ایک شدید زخمی ہوگیا جس کا نام اذان ہے۔
شہہ سواروں کے زخمی ہونے کے باوجود گھڑ دوڑ جاری رہی اور بالآخر سردار نامی گھوڑے نے دوڑ جیت کر میدان مار لیا۔
فاتح سردار نامی گھوڑے کو ٹرافی کے ساتھ 64 لاکھ روپے کی انعامی رقم کا حقدار قرار دیا گیا۔
پاکستان ڈربی ڈے کی دیگر ریسز میں وار کمانڈ، زوزا، مونی پرنس، ویسٹرن لیڈی، پرنسسز نور اور اسٹیٹس مین نے کامیابی حاصل کی جبکہ پریذیڈنٹ بریڈرز پاکستان کپ پرفیکٹ آگین نے جیتا۔
یہ بھی پڑھیں فوجی گھوڑے بدک گئے، 4 شہری زخمی
بحیثیت مہمان خصوصی شرکت کرنے والے صدر مملکت آصف علی زرداری نے کامیاب گھڑ سواروں کو انعامات سے نوازا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آصف زرداری انعامات تقسیم پاکستان ڈربی شہہ سوار صدر مملکت گھڑ دوڑ وی نیوز.ذریعہ: WE News
کلیدی لفظ: انعامات تقسیم پاکستان ڈربی صدر مملکت وی نیوز سردار نامی گھوڑے پاکستان ڈربی
پڑھیں:
ٹیسٹ چیمپیئن شپ فائنل: جنوبی افریقہ کا ٹاس جیت کر آسٹریلیا کے خلاف بولنگ کا فیصلہ
آئی سی سی ورلڈ ٹیسٹ چیمپیئن شپ 2025 کا فائنل لارڈز کے تاریخی میدان میں آسٹریلیا اور جنوبی افریقہ کے درمیان شروع ہو گیا ہے۔ جنوبی افریقی کپتان ٹیمبا باووما نے ٹاس جیت کر آسٹریلیا کے خلاف پہلے بولنگ کا فیصلہ کیا ہے۔
جنوبی افریقہ پہلی بار ٹیسٹ چیمپیئن شپ کے فائنل تک پہنچا ہے، جبکہ دفاعی چیمپیئن آسٹریلیا مسلسل دوسری بار یہ اعزاز حاصل کرنے میدان میں اترا ہے۔ آسٹریلیا نے 2 برس قبل بھارت کو شکست دے کر ٹائٹل جیتا تھا۔
جنوبی افریقی ٹیم حالیہ برسوں میں نمایاں بہتری کے بعد مضبوط کمبی نیشن کے ساتھ میدان میں اتری ہے۔ ٹیم کی قیادت ٹیمبا باووما کر رہے ہیں، جن کے ہمراہ ایڈن مارکرم، ریان رکیلٹن، ویان مولڈر، ٹرسٹن اسٹبس، ڈیوڈ بیڈنگھم، کائل ویرین، مارکو جانسن اور کیگیسو ربادا جیسے باصلاحیت کھلاڑی شامل ہیں۔
دوسری جانب آسٹریلیا نے پیٹ کمینز کی قیادت میں اپنے مکمل تجربہ کار اسکواڈ کے ساتھ شرکت کی ہے، جس میں جوش ہیزل ووڈ، مچل اسٹارک، سٹیو سمتھ، مارنس لبوشین اور عثمان خواجہ جیسے اسٹارز شامل ہیں۔
مزید پڑھیں: آئی سی سی ورلڈ ٹیسٹ چیمپیئن شپ: ویسٹ انڈیز کرکٹ ٹیم کے دورہ پاکستان کا شیڈول جاری
لارڈز کی پچ کو بیٹنگ اور بولنگ دونوں کے لیے سازگار قرار دیا جا رہا ہے، تاہم ابتدائی 2 روز فاسٹ بولرز کو مدد ملنے کی توقع ہے۔ موسم سرد رہنے اور بارش کے امکانات کے باعث میچ کا نتیجہ وقت سے قبل سامنے آنے کا امکان بھی موجود ہے۔
واضح رہے کہ اس چیمپیئن شپ کے دوران جنوبی افریقہ نے صرف 12 میچز میں 8 فتوحات کے ساتھ سب سے زیادہ پوائنٹس حاصل کیے، جبکہ آسٹریلیا نے 19 میچز میں 13 کامیابیاں حاصل کرکے فائنل کے لیے کوالیفائی کیا۔
ٹیسٹ کرکٹ میں جنوبی افریقہ کی کارکردگی ہمیشہ سے قابل فخر رہی ہے، اور باووما کی قیادت میں ٹیم اس بار تاریخ بدلنے کے ارادے سے میدان میں اتری ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی سی سی ورلڈ ٹیسٹ چیمپیئن شپ آسٹریلیا جنوبی افریقہ
حافظ آباد میں شوہر کے سامنے بیوی کا گینگ ریپ، ملزمان ویڈیو بنا کر بلیک میل بھی کرتے رہے