شرابی دلہا نے دلہن کی سہیلی کو ورمالا پہنادی، دلہن نے تھپڑ مار کر شادی منسوخ کردی
اشاعت کی تاریخ: 26th, February 2025 GMT
بھارتی ریاست اترپردیش کے ضلع بریلی میں ایک شادی اس وقت ڈرامائی موڑ اختیار کرگئی جب دلہا نے منڈپ میں دلہن کے بجائے اس کی سہیلی کو ورمالا پہنادی۔
بھارتی میڈیا کے مطابق بریلی کے گاؤں میں ہونے والی شادی میں 26 سالہ دلہا رویندر کمار شراب کے نشے میں دھت پنڈال پہنچا تھا اور بظاہر اس نے غلطی سے دلہن کی سہلی کو شادی کی ورمالا پہنادی۔
دلہے کے نشے میں ہونے اور اپنی سہیلی کو ورمالا پہنانے پر 21 سالہ دلہن رادھا دیوی نے غصے سے دلہا کو تھپڑ مارا اور شادی منسوخ کردی۔
اس وقعے کے بعد شادی کی تقریب اکھاڑا بن گئی اور دلہن کے رشتے داروں اور باراتیوں نے ایک دوسرے پر کرسیوں سے حملہ کردیا۔ لیکن ہفتے کے روز پیش آنے والے اس واقعے میں یہ واحد ڈراما نہیں تھا۔
معاملہ اس وقت شروع ہوا جب 26 سالہ دلہا رویندر کمار اپنی بارات کے ساتھ پنڈال دیر سے پہنچا۔ دلہن کے خاندان کی جانب سے درج ہونے والے ایف آئی آر کے مطابق، دلہے کے گھر والوں نے اضافی جہیز کا مطالبہ کیا تھا۔
دلہن کے والد کا کہنا ہے کہ انہوں نے شادی سے پہلے کی رسومات میں ڈھائی لاکھ روپے اور شادی کے دن 2 لاکھ روپے دے دیے تھے۔ لیکن یہ رقم دلہے کے گھر والوں کےلیے کافی نہیں تھی۔
واقعے کے بعد ایک کہانی یہ بھی سامنے آئی ہے کہ رویندر کمار اپنی پسند کی لڑکی سے شادی کرنا چاہتا تھا۔ اس لیے مبینہ طور پر وہ اپنی شادی کےلیے شراب کے نشے کی حالت میں بارات لے کر پہنچا تھا اور دلہن کے خاندان اور رشتے داروں کے ساتھ بدتمیزی کی۔
ایف آئی آر کے مطابق، شادی کی رسم میں ہاروں (ورمالا) کے تبادلے کی رسم تک وہ اپنے دوستوں کے ساتھ کافی دیر تک شراب نوشی کرتا رہا اور رسم میں اپنی دلہن کو ہار پہنانے کے بجائے، اُس نے غلطی سے دلہن کے برابر میں کھڑی اس کی سہیلی کو ہار پہنا دیا۔ غصے میں بھری رادھا دیوی نے فوراً دلہے کو تھپڑ مارا اور وہاں سے چلی گئی۔
اس کے بعد دونوں خاندانوں کے درمیان جھگڑا شروع ہوگیا اور دونوں طرف سے کرسیاں اُڑنے لگیں۔ آخرکار پولیس وہاں پہنچی اور صورتحال پر قابو پا لیا۔
پولیس نے دلہا اور اس کے دوستوں کو حراست میں لے لیا اور دلہن کے خاندان کی توہین اور ’’امن میں خلل ڈالنے‘‘ کے الزام میں مقدمہ درج کرلیا۔ دولہے کے خلاف جہیز کے مطالبے کا بھی مقدمہ درج کیا گیا ہے۔
اطلاعات کے مطابق دلہے کے دوستوں نے مبینہ طور پر غیرقانونی شراب خرید کر اسے پلائی تھی۔ شراب فروخت کرنے والے ایک شخص کو بھی گرفتار کرلیا گیا ہے۔
ذریعہ: Express News
کلیدی لفظ: سہیلی کو کے مطابق دلہن کے
پڑھیں:
مولانا فضل الرحمان اسلام آباد پہنچ گئے، 27ویں آئینی ترمیم زیرِ غور
لاہور : جمعیت علمائے اسلام (ف) کے سربراہ مولانافضل الرحمان 27ویں آئینی ترمیم پر مشاورت کے لئے پنجاب کا دورہ منسوخ کرکےاسلام آبادروانہ ہوگئے۔تفصیلات کے مطابق جمعیت علمائے اسلام (ف) کے سربراہ مولانا فضل الرحمان نے 27ویں آئینی ترمیم اور دیگر سیاسی معاملات پر مشاورت کے سلسلے میں لاہور کا دورہ منسوخ کر دیا۔ذرائع جے یو آئی نے بتایا کہ مولانا فضل الرحمان پنجاب کا دورہ منسوخ کرکے اسلام آباد روانہ ہو گئے، ان کا آج لاہور پہنچنے کا شیڈول تھا جہاں آئمہ مساجد کے حکومتی وظائف کے خلاف حکمتِ عملی پر مشاورتی اجلاس ہونا تھا۔ذرائع کا کہناتھا کہ فضل الرحمان نے چنیوٹ اور ملتان میں ہونے والے پروگراموں میں شرکت کی، تاہم لاہور میں چوہدری شجاعت حسین اور دیگر رہنماؤں سے طے شدہ ملاقاتیں بھی منسوخ کر دی گئیں۔وفاقی حکومت نے ستائیس ویں ترمیم کرنے جارہی ہے اور مجوزہ آئینی ترمیم کا مسودہ تیار کرلیا گیا ہے. جس میں حکومت کی آئین کےکچھ آرٹیکلز میں ترمیم کی تجویز دی ہے۔مجوزہ مسودے میں آرٹیکل ایک سو ساٹھ اورشق تین اے میں ترمیم کی تجویز دی گئی ہے جبکہ تعلیم اورآبادی کےمحکمےوفاق کودینے کےاٹھارویں ترمیم کے شیڈول دو اور تین میں بھی ترمیم کی تجویز دی گئی ہے۔اس کے علاوہ وفاقی حکومت نے ن آرٹیکل دوسو تیرہ چیف الیکشن کمشنرکی تعیناتی میں ترمیم اور آرٹیکل ایک سو اکانوے اے ختم کرکے نیا آرٹیکل شامل کرنےکی تجویزبھی دی گئی ۔ذرائع نے بتایا آئین کی آرٹیکل دوسو ججوں کی ٹرانسفر سے متعلق ہے. وفاقی حکومت نئی قانون سازی میں آئینی عدالتوں کا قیام چاہتی ہے اور آرٹیکل ایک سو ساٹھ کی شق تین اے ختم کرنا چاہتی ہے اور آرٹیکل دوسو تنتالیس میں بھی ترمیم کرنا چاہتی ہے۔
کراچی، نادرن بائی پاس پر پلاسٹک کے گودام میں آگ لگ گئی