کشمیر کے لوگوں سے رائے شماری کا وعدہ کیا گیا تھا، عمر عمداللہ
اشاعت کی تاریخ: 26th, February 2025 GMT
میرواعظ نے کہا کہ عمر عبداللہ کے غیر ذمہ دارانہ تبصرے، ایک ذمہ دار شخص کے طور پر جو حالات کو پوری طرح جانتے ہوئے بھی فراہم کردہ تحفظ کے پیچھے محرکات بتا رہے ہیں، انتہائی افسوسناک ہے۔ اسلام ٹائمز۔ جموں و کشمیر کے وزیراعلیٰ عمر عبداللہ نے دفعہ 370 کو عارضی اور عبوری قرار دینے پر سوال اٹھایا۔ ایک نیوز چینل کو انٹرویو دیتے ہوئے انہوں نے دفعہ 370 کے عارضی اور عبوری ہونے کی منتخب تشریح کی طرف اشارہ کیا اور کہا کہ یہ شق رائے شماری کے وعدے سے منسلک ہے۔ عمر عبداللہ نے کہا "آپ دفعہ 370 کے عارضی اور عبوری ہونے کی بات کرتے ہیں لیکن یہ عارضی کیوں تھا، عبوری حیثیت کس سے منسلک تھی، آپ اس کے بارے میں بات کیوں نہیں کرتے، جموں اور کشمیر کے لوگوں سے رائے شماری کا وعدہ کیا گیا تھا"۔ عمر عمداللہ نے کہا کہ کشمیر کا بھارت کے ساتھ انضمام مستقل ہے اور اس کے لئے شرائط اور فریم ورک بھی مستقل ہے۔
عمر عبداللہ نے استدلال کیا کہ دونوں پہلوؤں کے ساتھ یکساں سلوک کیا جانا چاہیئے، نہ کہ ایک کو مستقل اور دوسرا عارضی۔ دریں اثناء ایک تنازعہ کھڑا ہوگیا جب عمر عبداللہ نے اسی انٹرویو میں حریت کانفرنس کے چیئرمین میرواعظ عمر فاروق کی سکیورٹی کو 2019ء میں دفعہ 370 کی منسوخی کے بعد سے علیحدگی پسند سرگرمیوں میں کمی سے جوڑا، لیکن ان کے ریمارکس پر میرواعظ عمر فاروق کے ساتھ ساتھ حکمراں نیشنل کانفرنس کے سیاسی مخالفین کی طرف سے شدید ردعمل سامنے آیا۔
میرواعظ عمر فاروق نے ایکس پر ایک پوسٹ میں کہا کہ عمر عبداللہ کے غیر ذمہ دارانہ تبصرے، ایک ذمہ دار شخص کے طور پر جو حالات کو پوری طرح جانتے ہوئے بھی فراہم کردہ تحفظ کے پیچھے محرکات بتا رہے ہیں، انتہائی افسوسناک ہے۔ میرواعظ عمر فاروق نے کہا کہ "غیر ذمہ دارانہ تبصرے مبصر کے عدم تحفظ کو بے نقاب کرتے ہیں اور پہلے سے ہی پریشان اور مظلوم لوگوں میں ان کے اور ان کی ذہنیت کے بارے میں مزید مایوسی پیدا کرتے ہیں۔
پیپلز کانفرنس کے چیئرمین سجاد لون نے بھی اپنے ردعمل کا اظہار کرتے ہوئے کہا کہ انہیں میرواعظ عمر فاروق سے لاکھ اختلاف ہو سکتے ہیں لیکن یہ حقیقت ہے کہ ان کے والد کو شہید کر دیا گیا تھا۔ سجاد لون نے کہا کہ آپ جانتے ہیں کہ آپ کے بیانات کا کیا مطلب ہے۔ میرواعظ عمر فاروق کے لئے نام نہاد سکیورٹی کا آپ کا ذکر وہی ہے جسے ہم پچھلی 3 دہائیوں سے جانتے ہیں۔ انہوں نے کہا "آپ کو ہندوستان میں ہمیشہ سب سے زیادہ سیکورٹی فراہم کی گئی ہے اور کیا آپ کو وائٹ کالر قاتل کی طرح کام کرنا چاہیئے اور ایسے بیانات دینا چاہئے جس سے کسی شخص کے لئے خطرہ بڑھ جائے، غیر ذمہ دارانہ گفتگو۔
ذریعہ: Islam Times
کلیدی لفظ: میرواعظ عمر فاروق عمر عبداللہ نے نے کہا کہ
پڑھیں:
ای چالان بند نہ ہوا تو 60 لاکھ موٹرسائیکل سواروں کے ساتھ شاہراہ فیصل پر دھرنا دوں گا، فاروق ستار
متحدہ قومی موومنٹ (ایم کیو ایم) پاکستان کے سینئر رہنما ڈاکٹر فاروق ستار نے ای چالان کے خلاف 60 لاکھ موٹرسائیکل سواروں کے ہمراہ شاہراہ فیصل پر دھرنا دینے کا عندیہ دے دیا۔
ایکسپریس نیوز کے مطابق سرجانی ٹاؤن سیکٹر فور بی میں عوامی رابطہ مہم کے دوران خطاب کرتے ہوئے فاروق ستار نے کہا کہ ای چالان کراچی والوں کو لوٹنے کا نیا دھندہ ہے۔
انہوں نے الزام لگایا کہ سندھ حکومت شہری سہولیات کی فراہمی میں ناکام رہی ہے، لیکن شہریوں پر ٹیکسوں کا بوجھ بڑھاتی جا رہی ہے۔
فاروق ستار نے کہا کہ “پہلے سڑکیں بناؤ، شہر تباہ حال ہے، مگر عبداللہ اپنی مستی میں مگن ہے۔”
انہوں نے کہا کہ اگر ای چالان کا نظام لاڑکانہ، کشمور اور دادو میں نافذ نہیں، تو صرف کراچی میں کیوں لاگو کیا جا رہا ہے؟۔
ایم کیو ایم رہنما نے کہا کہ سندھ حکومت کے غیر منصفانہ اور وڈیروں جیسے ٹیکسوں کو عوام مسترد کرتے ہیں۔ انہوں نے کہا کہ “سڑکیں، گٹر نہیں بناتے، بس ٹیکس پر ٹیکس لگا رہے ہو۔ ڈمپر اور کنٹینر شہریوں کی جان لے رہے ہیں، اب یہ لوگ ہمارے مال پر بھی ہاتھ ڈالنا چاہتے ہیں، یہ نہیں چلے گا۔”
فاروق ستار نے طنزیہ انداز میں کہا کہ “فاختہ انڈے دے اور کوا انڈے کھا جائے، یہ سلسلہ اب بند کرنا ہوگا۔”
انہوں نے کہا کہ اگر ای چالان سسٹم واپس نہ لیا گیا تو شہری سڑکوں پر نکلیں گے اور بھرپور احتجاج کریں گے۔ فاروق ستار نے کہا کہ ای چالان سسٹم اگر بند نہ کیا گیا تو میں 60 لاکھ موٹرسائیکل سواروں کے ہمراہ شاہراہ فیصل پر دھرنا دیا جائے گا۔
صدر ٹرمپ کا دورہ جاپان، سرمایہ کاری کے بجائے صحت موضوعِ بحث بن گئی