چیمپیئنز ٹرافی کا دوسرا سیمی فائنل آج نیوزی لینڈ اور جنوبی افریقا کے مابین ہوگا
اشاعت کی تاریخ: 5th, March 2025 GMT
کراچی:
آئی سی سی چیمپیئنز ٹرافی 2025 کا پاکستان میں آج آخری مقابلہ ہوگا، دوسرا سیمی فائنل نیوزی لینڈ اور جنوبی افریقا کے درمیان قذافی اسٹیڈیم لاہور میں کھیلا جائے گا، فاتح ٹیم دبئی میں بھارت سے ٹائٹل کے لیے مقابلہ کرے گی۔
دونوں ٹیموں کی بیٹنگ لائن اپ مضبوط اور لاہور کی بیٹنگ کے لیے سازگار پچ پر بڑے اسکورز کی توقع ہوگی، کیویز کے پاس مچل سینٹنر اور مائیکل بریسویل کی صورت میں 2 اسپنرز موجود ہیں جبکہ جنوبی افریقا ایک اسپنر کیشو مہاراج پر انحصار کرے گا۔
جنوبی افریقا کے تجربہ کار بیٹر ڈیوڈ ملر کے لیے یہ ممکنہ طور پر آخری بڑا ایونٹ ہو سکتا ہے جبکہ نیوزی لینڈ کے کین ولیمسن کا کردار فیصلہ کن رہے گا۔
دونوں ٹیمیں اب تک آئی سی سی ٹورنامنٹس میں 11 بار آمنے سامنے آ چکی ہیں، ان میں سے 7 میں کیویز نے کامیابی حاصل کی۔ سن 2017 کے بعد سے دونوں کا صرف تین ون ڈے میچز میں سامنا ہوا، ان میں سے 2 ورلڈ کپ اور ایک حالیہ ٹرائنگولر سیریز کا میچ شامل ہے۔
مزید پڑھیں؛ چیمپیئنز ٹرافی: بھارت آسٹریلیا کو شکست دے کر فائنل میں پہنچ گیا
لاہور کی پچ پر گروپ مرحلے میں اوسط پہلی اننگز اسکور 316 رہا جو باقی وینیوز کے مقابلے میں زیادہ ہے، یہاں نئی گیند کے ساتھ دوپہر کے وقت سوئنگ زیادہ دیکھنے میں آئی۔
کین ولیمسن جنوبی افریقا کے خلاف سب سے زیادہ رنز بنانے والے موجودہ کیوی بیٹر ہیں البتہ اسپن اور خاص طور پر مہاراج کے خلاف ان کی سست بیٹنگ ٹیم کے لیے تشویش کا باعث بن سکتی ہے۔ جنوبی افریقی بیٹرز حریف اسپنرز کے خلاف زیادہ بہتر کھیل پیش نہیں کر سکے، نیوزی لینڈ کے مچل سینٹنر اور مائیکل بریسویل ان کمزوریوں کا فائدہ اٹھا سکتے ہیں۔
ادھر نیوزی لینڈ کے کپتان مچل سینٹنر نے کہا ہے کہ ہماری ٹیم نے دبئی کا سخت سفر ضرور کیا لیکن لاہور میں چیمپیئنز ٹرافی کے سیمی فائنل میں جنوبی افریقا کے خلاف میدان میں اترنے کے لیے تیار ہیں، ٹیم نے ٹورنامنٹ میں پاکستان اور بنگلا دیش کے خلاف شاندار فتوحات حاصل کیں، بھارت کے خلاف آخری گروپ میچ دبئی میں ہوا جس میں 44 رنز سے شکست کا سامنا کرنا پڑا، کیویز پہلے ہی سیمی فائنل کے لیے کوالیفائی کر چکے تھے۔
سینٹنر نے کہا کہ ٹیم نے طویل سفر کے بعد آرام کر لیا اور اب مکمل طور پر تیار ہے۔ سینٹنر نے جنوبی افریقی سائیڈ کو متوازن قرار دیتے ہوئے کہا کہ ہمارے پاس موجود معیاری فاسٹ بولرز اور اسپنرز کسی بھی ٹیم کو مشکل میں ڈال سکتے ہیں۔
.ذریعہ: Express News
کلیدی لفظ: جنوبی افریقا کے چیمپیئنز ٹرافی سیمی فائنل نیوزی لینڈ کے خلاف کے لیے
پڑھیں:
سندھ حکومت کا خواتین کیلیے پنک اسکوٹیز پروگرام کا دوسرا مرحلہ شروع کرنے کا فیصلہ
data-id="863a0a8" data-element_type="widget" data-widget_type="theme-post-content.default">
کراچی: صوبائی وزیر اطلاعات و ٹرانسپورٹ شرجیل انعام میمن نے اعلان کیا ہے کہ پنک اسکوٹیز پروگرام کا دوسرا مرحلہ جلد شروع کیا جا رہا ہے تاکہ زیادہ سے زیادہ خواتین کو محفوظ اور باوقار انداز میں آمدورفت کی سہولت حاصل ہو سکے۔
انہوں نے خواتین سے اپیل کی ہے کہ وہ ڈرائیونگ لائسنس بنوائیں، تربیتی کورسز میں حصہ لیں اور پروگرام کے دوسرے مرحلے میں بھرپور شرکت کریں۔
شرجیل انعام میمن کے مطابق محکمہ ٹرانسپورٹ کی جانب سے خواتین کے لیے مفت ڈرائیونگ ٹریننگ کے ساتھ ساتھ لائسنس کا اجرا بھی بلا معاوضہ کیا جا رہا ہے۔ ان کا کہنا تھا کہ طالبات اور ملازمت پیشہ خواتین کو اسکوٹیز فراہم کرنے کا مقصد انہیں روزمرہ کے سفری مسائل سے نجات دلانا ہے تاکہ وہ اپنی تعلیم اور پیشہ ورانہ زندگی کو آسانی اور اعتماد کے ساتھ جاری رکھ سکیں۔
انہوں نے بتایا کہ پنک اسکوٹیز کے پہلے مرحلے کو عوامی سطح پر غیر معمولی پذیرائی ملی۔ درجنوں خواتین نے نہ صرف ڈرائیونگ سیکھی بلکہ لائسنس حاصل کرکے اپنی روزمرہ مصروفیات میں اس سہولت کو اپنا لیا۔ سندھ حکومت چاہتی ہے کہ خواتین اس سہولت سے زیادہ سے زیادہ فائدہ اٹھائیں اور اپنے سفر کو محفوظ اور باعزت بنائیں۔
شرجیل انعام میمن نے مزید کہا کہ پیپلز بس سروس، پنک بس سروس، الیکٹرک بس سروس اور اب پنک اسکوٹیز جیسے منصوبے حکومت سندھ کے شہریوں کے لیے کم لاگت، محفوظ اور باوقار سفری سہولتوں کا تسلسل ہیں۔
انہوں نے واضح کیا کہ خواتین کو سماجی اور معاشی طور پر مضبوط بنانا صرف ایک حکومتی منصوبہ نہیں بلکہ پاکستان پیپلز پارٹی کے سیاسی اور انسانی فلسفے کا حصہ ہے۔
انہوں نے مزید کہا کہ خواتین کو بااختیار بنانا پیپلز پارٹی کے نظریاتی سفر کا مرکزی ستون ہے اور یہ مشن شہید بینظیر بھٹو کے وژن کا عملی تسلسل ہے، جنہوں نے ہمیشہ خواتین کی ترقی اور مساوی مواقع کے لیے آواز بلند کی۔ سندھ حکومت اسی وژن کو آگے بڑھاتے ہوئے خواتین کے لیے ایک محفوظ، آزاد اور خودمختار سفر کی راہ ہموار کر رہی ہے۔
کراچی، نادرن بائی پاس پر پلاسٹک کے گودام میں آگ لگ گئی