بلال بن ثاقب وزیر خزانہ کے چیف کرپٹو ایڈوائزر مقرر
اشاعت کی تاریخ: 5th, March 2025 GMT
حکومت نے بلال بن ثاقب کو پاکستان کرپٹو کونسل کے لیے وزیر خزانہ کا چیف ایڈوائزر مقرر کیا ہے۔
یہ حکومتی اقدام ایسے وقت میں سامنے آیا ہے جب پاکستان تکنیکی ترقی کو اپنانے کے لیے کوشاں ہے اور حکومت ایسے ٹھوس پالیسی اقدامات کو یقینی بنارہی ہے، جو قومی معیشت، ڈیجیٹل تبدیلی، اور سب کے لیے ایک محفوظ، شفاف مالیاتی نظام کی حمایت کرتے ہیں۔
بدھ کو فائنانس ڈویژن کی جانب سے جاری کردہ ایک اعلامیہ کے مطابق بلال بن ثاقب، جنہیں فوربس نے بھی تسلیم کیا ہے، ایک ویب3 سرمایہ کار، اسٹریٹجک ایڈوائزر، اور بلاک چین اسپیس میں سوچنے والے رہنما ہیں۔
بلال بن ثاقب 1632 ویں پوائنٹس آف لائٹ ایوارڈ کے وصول کنندہ بھی ہیں، جسے برطانوی وزیراعظم نے ملک میں تبدیلی لانے والوں کو تسلیم کرنے پر دیا تھا، وہ برطانیہ کی نیشنل ہیلتھ سروس میں شراکت کے لیے 2023 میں ممبر آف دی برٹش ایمپائر کا اعزاز بھی اپنے نام کرچکے ہیں۔
وفاقی وزیر خزانہ سینیٹر محمد اورنگزیب نے بلال بن ثاقب کی تقرری کا خیرمقدم کرتے ہوئے کہا ہے کہ ان کی وسیع مہارت اور اختراعی وژن تیزی سے ابھرتی ہوئی ڈیجیٹل معیشت میں پاکستان کی پوزیشن کی رہنمائی میں اہم کردار ادا کر سکتا ہے۔
’بلال بن ثاقب کی تقرری ایک محفوظ اور شفاف مالیاتی نظام کو یقینی بناتے ہوئے ابھرتی ہوئی ٹیکنالوجیز کو اپنانے کے ہمارے عزم کی نشاندہی کرتی ہے ہمیں یقین ہے کہ ان کی قیادت ایک مضبوط اور موثر ریگولیٹری فریم ورک کی ترقی میں رہنمائی کرے گی۔‘
عالمی معیار کے مطابق ڈیجیٹل اثاثوں کے لیے ایک مضبوط ریگولیٹری فریم ورک کی ترقی کو یقینی بناتے ہوئے وزیر خزانہ کے چیف ایڈوائزر کے طور پر بلال بن ثاقب اپنا علم اور تجربہ پاکستان کے مالیاتی ایکو سسٹم میں کرپٹو کرنسی اور بلاک چین ٹیکنالوجیز کو ضم کرنے کی کوششوں کو فراہم گے۔
’اس کے علاوہ، وہ وزارت خزانہ کو مصنوعی ذہانت کے استعمال کے ذریعے حکومتی کارکردگی کو بڑھانے، فیصلہ سازی کے عمل کو بہتر بنانے اور پبلک سیکٹر کے کاموں میں جدت متعارف کرانے کے لیے مشورے دیں گے۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلال ثاقب پاکستان کرپٹو کونسل کرپٹو ایڈوائزر کرپٹو کرنسی وزیر خزانہ.ذریعہ: WE News
کلیدی لفظ: بلال ثاقب پاکستان کرپٹو کونسل کرپٹو ایڈوائزر کرپٹو کرنسی بلال بن ثاقب کے لیے
پڑھیں:
پانامہ کیس آڈیو لیک پر کمیشن کی تشکیل کی درخواست عدم پیروی پر نمٹادی گئی
اسلام آباد ہائیکورٹ نے سابق چیف جسٹس ثاقب نثار کی پانامہ کیس سے متعلق مبینہ آڈیو لیک پر کمیشن تشکیل دینے کی درخواست عدم پیروی کی بنا پر خارج کردی۔
جمعرات کو جسٹس محمد آصف نے کیس کی سماعت کی۔ کیس کال ہونے پر درخواست گزار کی جانب سے کوئی پیش نہ ہوا جس پر عدالت نے درخواست خارج کردی۔
یاد رہے کہ سابق چیف جسٹس ثاقب نثار کی مبینہ آڈیو 2021 میں سامنے آئی تھی جس میں وہ مبینہ طور پر پانامہ کیس کے فیصلے سے متعلق ہدایات دے رہے تھے۔
اس آڈیو کے بعد اس پر تحقیقات کے لیے کمیشن بنانے کی درخواست دائر کی گئی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد ہائیکورٹ ثاقب نثار جسٹس محمد آصف چیف جسٹس کمیشن مبینہ آڈیو مسترد
اسٹاک ایکسچینج میں بلندی کا نیا ریکارڈ؛ معیشت کی سمت درست اور ترقی کا سفر جاری ہے، وزیراعظم