جنوبی کوریا: فوجی مشق کے دوران گولے شہری علاقے پر گر گئے
اشاعت کی تاریخ: 6th, March 2025 GMT
اسلام آباد (اُردو پوائنٹ ۔ DW اردو۔ 06 مارچ 2025ء) جنوبی کوریا کی فضائیہ نے بتایا کہ جمعرات کو ملک کے پوچیون شہر میں متعدد شہری اس وقت زخمی ہو گئے جب ایک فوجی جیٹ نے جاری فوجی مشق کے دوران غلطی سے ایک سویلین ضلع میں آٹھ بم گرائے۔
فضائیہ نے کہا، آٹھ ایم کے بیاسی عام مقصدی بم جنگی طیارہ کے ایف سولہ سے غلطی سے مقررہ فائرنگ کی حد سے باہر گر گئے۔
جنوبی کوریا: مسافر طیارے کے حادثے میں 179 افراد ہلاک، سات روزہ قومی سوگ کا اعلان
اس نے ایک بیان میں کہا، "ہمیں بموں کے غیر ارادی طور پر چھوڑے جانے پر شدید افسوس ہے، جس کے نتیجے میں شہری زخمی ہوئے، ہم زخمیوں کی جلد صحت یابی کے لیے دعا گو ہیں۔"
اس واقعے میں کم از کم سات افراد زخمی ہوئے جن میں چار کی حالت تشویشناک ہے۔
(جاری ہے)
فضائیہ نے کہا کہ اس نے معاملے کی تحقیقات کے لیے ایک ایکسیڈنٹ ریسپانس کمیٹی قائم کی ہے اور " نقصانات کے ازالے سمیت تمام ضروری اقدامات " اٹھانے کا عزم ظاہر کیا ہے۔
ہم اب تک کیا جانتے ہیں؟مقامی میڈیا نے رپورٹ کیا کہ بم جنوبی کوریا کے پوچیون علاقے میں صبح 10:00 بجے کے قریب گرے ۔ پوچیون سیول سے تقریباً 40 کلومیٹر شمال مشرق میں شمالی کوریا کے ساتھ سرحد کے قریب ہے۔
جنوبی کوریا کی نیشنل فائر ایجنسی کا کہنا ہے کہ یہ "قیاس کیا گیا تھا کہ یہ بم جنوبی کوریا اور امریکہ کی مشترکہ مشق کے دوران ایک گاؤں پر گرے ہیں۔"
مبینہ طور پر بموں سے کئی مکانات اور ایک چرچ کو نقصان پہنچا۔
جنوبی کوریا: روبوٹ نے انسان کو کچل کر ہلاک کر دیا
اس سے پہلے، جنوبی کوریا کی وزارت دفاع نے کہا تھا کہ وہ اگلے ہفتے شروع ہونے والی اپنی سالانہ فوجی مشقوں سے پہلے پوچیون میں امریکہ کے ساتھ ایک مشترکہ لائیو فائر فوجی مشق کر رہی ہے۔
وزارت دفاع نے غلطی سے گرائے گئے بم پر فوری طور پر کوئی تبصرہ نہیں کیا۔
گاؤں والوں نے کیا کہا؟مقامی میڈیا نے رپورٹ کیا ہے کہ جس گاؤں میں بم گرے وہ سیونگجن ٹریننگ گراونڈ کے قریب ہے۔ مقامی باشندے فوجی مشقوں کی وجہ سے معمولات میں خلل اور ممکنہ خطرات کے خلاف برسوں سے احتجاج کر رہے ہیں۔
علاقے کے ایک رہائشی پارک نے یونہاپ نیوز ایجنسی کو بتایا کہ جب یہ واقعہ پیش آیا تو وہ گھر میں ٹیلی ویژن دیکھ رہے تھے۔
جنوبی کوریا: بچے پیدا کرنے پر ہزاروں ڈالر انعام کی پیش کش
انہوں نے کہا، "میں نے اچانک گرج چمک کے ساتھ ایک زبردست دھماکے کی آواز سنی، اور پورا گھر لرز اٹھا۔ جب میں باہر گیا تو ہر طرف افراتفری کا عالم تھا۔"
اس واقعے میں عمردراز افراد کا ایک مرکز بھی متاثر ہوا۔
مرکز کے ڈائریکٹر نے یونہاپ کو بتایا، "اچانک دھماکے سے عمارت ہل گئی۔ کھڑکیوں کے شیشے ٹوٹ گئے، اور ہمارے کارکنوں میں سے ایک زخمی ہو گیا اور اسے ہسپتال لے جایا گیا۔" انہوں نے مزید کہا کہ بزرگ خوفزدہ تھے لیکن خوش قسمتی سے کسی کو چوٹ نہیں آئی۔
ج ا ⁄ ص ز (روئٹرز، اے پی، اے ایف پی)
.ذریعہ: UrduPoint
کلیدی لفظ: تلاش کیجئے جنوبی کوریا فوجی مشق نے کہا
پڑھیں:
کولمبیا کے صدارتی امیدوار انتخابی مہم کے دوران فائرنگ سے شدید زخمی، حالت نازک
کولمبیا کے معروف دائیں بازو کے صدارتی امیدوار اور سینیٹر میگوئل یوریب ہفتے کے روز ایک انتخابی جلسے کے دوران گولی لگنے سے شدید زخمی ہو گئے۔ حکام کے مطابق یوریب کو تین گولیاں لگیں جن میں سے دو سر پر اور ایک گھٹنے پر ماری گئی۔
یہ واقعہ اس وقت پیش آیا جب 39 سالہ میگوئل یوریب دارالحکومت بوگوٹا میں اپنے حامیوں سے خطاب کر رہے تھے۔ جائے وقوعہ پر لی گئی تصاویر میں انہیں خون میں لت پت ایک سفید گاڑی کے بونٹ سے ٹیک لگائے دکھایا گیا، جب کہ لوگوں کا ایک گروپ انہیں سہارا دے کر خون روکنے کی کوشش کر رہا تھا۔
حفاظتی عملے نے حملہ آور کو قابو میں کر لیا، جو کہ ایک 15 سالہ لڑکا بتایا جا رہا ہے۔
https://Twitter.com/jesusra25547629/status/1931530170717909445
یوریب کو ہیلی کاپٹر کے ذریعے فوری طور پر سانتا فے کلینک منتقل کیا گیا، جہاں اسپتال حکام نے بتایا کہ وہ انتہائی نازک حالت میں نیورو سرجری اور ویسکیولر آپریشن سے گزر رہے ہیں۔
ان کی اہلیہ نے ان کے ایکس (ٹوئٹر) اکاؤنٹ پر پیغام جاری کرتے ہوئے لکھا ہے کہ اس وقت وہ زندگی کی جنگ لڑ رہے ہیں۔”
پولیس ڈائریکٹر کارلوس فرناندو تریانا کے مطابق حملہ آور زخمی ہو گیا تھا اور اس کا علاج جاری ہے۔ فائرنگ میں ایک مرد اور ایک خاتون شہری بھی زخمی ہوئے، جبکہ موقع سے گلاک طرز کا ایک پستول برآمد کر لیا گیا۔
جمہوریت پر حملہاس حملے کی مذمت سیاسی حلقوں سمیت بین الاقوامی سطح پر بھی کی جا رہی ہے۔ امریکی وزیر خارجہ مارکو روبیو نے اسے “جمہوریت پر براہِ راست حملہ” قرار دیا اور الزام عائد کیا کہ یہ واقعہ کولمبیا کی بائیں بازو کی حکومت کی اشتعال انگیز زبان کا نتیجہ ہے۔
صدر گوستاوو پیٹرو نے اس حملے کی شدید مذمت کرتے ہوئے کہا: “یہ صرف ایک شخص پر حملہ نہیں بلکہ آزادیِ اظہار، جمہوریت اور سیاسی سرگرمیوں پر حملہ ہے۔”
کولمبیا کی وزارت دفاع نے واقعے کی مکمل تحقیقات اور ذمہ داروں کی تلاش کے لیے سیکیورٹی اور انٹیلیجنس اداروں کو متحرک کر دیا ہے، وزیر دفاع پیڈرو سانچیز نے ملزمان کی معلومات دینے پر 7 لاکھ 25 ہزار امریکی ڈالر انعام کا اعلان کیا ہے۔
سیاسی وراثتمیگوئل یوریب، جو کہ 2026 کے صدارتی انتخابات کے امیدوار ہیں، دائیں بازو کی ڈیموکریٹک سینٹر پارٹی کے رکن ہیں اور صدر پیٹرو کے سخت ناقد سمجھے جاتے ہیں۔
حکام کا کہنا ہے کہ یوریب کو پہلے سے کوئی براہِ راست دھمکی نہیں ملی تھی، تاہم ان کے ساتھ نجی سیکیورٹی موجود تھی۔ کولمبیا میں سیاسی تشدد، منشیات مافیا اور باغی گروہوں کی وجہ سے پبلک شخصیات کو خطرات لاحق رہتے ہیں۔
میگوئل یوریب معروف صحافی ڈیانا ٹر بے کے بیٹے ہیں، جنہیں میڈیئن کارٹیل نے اغوا کے بعد قتل کر دیا تھا۔ ان کے نانا، خولیو سیزرٹر بے، 1978 سے 1982 تک کولمبیا کے صدر رہ چکے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سانتا فے شدید زخمی صدارتی امیدوار فائرنگ کولمبیا میگوئل یوریب نازک
پاک بنگلادیش T20سیریز کا کامیاب انعقاد، سیکیورٹی اداروں کی تعریف