گورنر خیبرپختونخوا کی بلاول بھٹو سے ملاقات، بنوں حملے کے حوالے سے بریفنگ دی
اشاعت کی تاریخ: 6th, March 2025 GMT
گورنر خیبرپختونخوا کی بلاول بھٹو سے ملاقات، بنوں حملے کے حوالے سے بریفنگ دی WhatsAppFacebookTwitter 0 6 March, 2025 سب نیوز
اسلام آباد (آئی پی ایس )گورنر خیبرپختونخو فیصل کریم کنڈی نے پاکستان پیپلزپارٹی کے چیئرمین بلاول بھٹو سے ملاقات کی اور بنوں حملے کے حملے اور ضلع کرم میں کشیدگی پر بریفنگ دی۔تفصیلات کے مطابق پاکستان پیپلز پارٹی کے چیئرمین بلاول بھٹو زرداری سے خیبرپختونخوا کے گورنر فیصل کریم کنڈی نے زرداری ہاس اسلام آباد میں ملاقات کی، جس میں صوبے کی مجموعی سیاسی و امن و امان کی صورتحال، بنوں حملے، ضلع کرم میں حالیہ کشیدگی، زرعی و بلدیاتی ترقی، اور دیگر اہم امور پر گفتگو ہوئی۔
گورنر خیبرپختونخوا نے بلاول بھٹو زرداری کو مختلف امور پر تفصیلی بریفنگ دی، جن میں گورنر ہاس میں ہونے والے زرعی و بلدیاتی کنونشن اور ضلع کرم کے متاثرین کی بحالی کے اقدامات بھی شامل تھے۔ملاقات کے دوران گورنر خیبرپختونخوا نے بلاول بھٹو زرداری کو بنوں حملے اور ضلع کرم میں ہونے والے حالیہ پرتشدد واقعات کے حوالے سے آگاہ کیا۔انہوں نے کہا کہ خیبرپختونخوا میں بڑھتی ہوئی دہشت گردی تشویشناک ہے اور اس کے خلاف مربوط اور مثر حکمت عملی اپنانے کی ضرورت ہے۔
فیصل کریم کنڈی نے اس بات پر زور دیا کہ صوبے میں قیامِ امن کے لیے تمام اداروں کو مل کر کام کرنا ہوگا تاکہ عوام کو محفوظ ماحول فراہم کیا جا سکے۔ بلاول بھٹو زرداری نے دہشت گردی کے بڑھتے ہوئے واقعات پر گہری تشویش کا اظہار کرتے ہوئے کہا کہ دہشت گردوں کو کسی صورت عوام کے امن و سکون سے کھیلنے کی اجازت نہیں دی جائے گی۔انہوں نے اس عزم کا اعادہ کیا کہ پاکستان پیپلز پارٹی دہشت گردی کے خاتمے اور خیبرپختونخوا میں دیرپا امن کے قیام کے لیے ہر ممکن اقدامات کرے گی۔
ملاقات میں ضلع کرم کے متاثرین کی بحالی اور امدادی سرگرمیوں پر بھی تبادلہ خیال کیا گیا۔ گورنر خیبرپختونخوا نے بلاول بھٹو زرداری کو بتایا کہ ہلالِ احمر خیبرپختونخوا متاثرہ خاندانوں کی مدد کے لیے فعال کردار ادا کر رہا ہے۔ تنظیم کی جانب سے متاثرین کو بنیادی طبی سہولیات، خوراک، خیمے اور دیگر ضروری سامان فراہم کیا جا رہا ہے۔
فیصل کریم کنڈی نے ہلالِ احمر کی امدادی سرگرمیوں کو سراہتے ہوئے کہا کہ مشکل وقت میں متاثرہ عوام کو تنہا نہیں چھوڑا جائے گا اور ہر ممکن مدد فراہم کی جائے گی۔ گورنر خیبرپختونخوا فیصل کریم کنڈی نے بلاول بھٹو زرداری کو گورنر ہاس میں منعقد ہونے والے زرعی اور بلدیاتی کنونشن پر بھی بریفنگ دی۔ انہوں نے کہا کہ اس کنونشن کا مقصد زرعی شعبے کی ترقی اور بلدیاتی نظام کو مزید مستحکم کرنا ہے تاکہ عوام کو بنیادی سہولیات بہتر انداز میں فراہم کی جا سکیں۔
اس حوالے سے صوبائی حکومت کی زیادتیوں کے خلاف پلیٹ فارم مہیا کرنے پر کسان اور بلدیاتی نمائندے پیپلز پارٹی کے شکر گزار ہیں، بلاول بھٹو زرداری نے کہا کہ پاکستان پیپلز پارٹی عوام کی فلاح و بہبود کے لیے ہر ممکن اقدامات کرے گی اور خیبرپختونخوا میں ترقیاتی منصوبوں کے لیے وفاقی حکومت کے ساتھ مل کر کام کیا جائے گا۔ ملاقات میں ملکی سیاسی صورتحال اور مستقبل کے لائحہ عمل پر بھی تبادلہ خیال کیا گیا، اور اس بات پر اتفاق کیا گیا کہ خیبرپختونخوا میں دیرپا امن، ترقی اور عوامی فلاح و بہبود کے لیے تمام وسائل بروئے کار لائے جائیں گے۔
.ذریعہ: Daily Sub News
کلیدی لفظ: نے بلاول بھٹو زرداری کو گورنر خیبرپختونخوا فیصل کریم کنڈی نے خیبرپختونخوا میں پاکستان پیپلز پیپلز پارٹی بریفنگ دی بنوں حملے فراہم کی حوالے سے کے لیے کہا کہ
پڑھیں:
بلاول بھٹو زرداری نے عالمی فورم پر پاکستان کا سچ پیش کیا، شازیہ مری
اسلام آباد (اُردو پوائنٹ اخبارتازہ ترین - این این آئی۔ 10 جون2025ء)مرکزی ترجمان پاکستان پیپلز پارٹی پارلیمنٹرینز شازیہ مری نے کہاہے کہ بلاول بھٹو زرداری نے عالمی فورم پر پاکستان کا سچ پیش کیا، پاکستان سفارتکاری اور مکالمے کے ذریعے امن کا خواہاں ہے، پاکستان کے عوام مہنگائی، بے روزگاری اور غربت کا سامنا کر رہے ہیں، وفاقی حکومت کو آئندہ بجٹ میں عوام کو ٹھوس ریلیف دینا چاہیے۔ اپنے بیان میں شازیہ مری نے کہاکہ پاکستان سفارتکاری اور مکالمے کے ذریعے امن کا خواہاں ہے۔ انہوںنے کہاکہ بلاول بھٹو نے انصاف، باہمی احترام اور پرامن باہمی بقا کے لیے پاکستان کا مؤقف واضح کیا،دوسری جانب، بھارت کو خطے میں جنگی جنون کے طور پر بے نقاب کیا گیا ہے۔ شازیہ مری نے کہاکہ مودی حکومت نے صرف جھوٹ پھیلایا اور دنیا کو اپنے جھوٹے بیانیے پر قائل کرنے کی کوشش کی۔(جاری ہے)
انہوںنے کہاکہ بھارت کی جانب سے سندھ طاس معاہدے کی کھلی خلاف ورزی کے بعد، چیئرمین بلاول بھٹو نے عالمی سطح پر بھی دریائے سندھ پر پاکستان کے حق کا مقدمہ پیش کیا۔ انہوںنے کہاکہ بلاول بھٹو نے ہمیشہ کے عوام کے معاشی اور اقتصادی حقوق کے لیئے آواز اٹھائی، پاکستان پیپلز پارٹی عوام کی طاقت پر یقین رکھتی ہے اور عوام کے ساتھ کھڑی ہے۔شازیہ مری نے کہاکہ پاکستان کے عوام مہنگائی، بے روزگاری اور غربت کا سامنا کر رہے ہیں، وفاقی حکومت کو آئندہ بجٹ میں عوام کو ٹھوس ریلیف دینا چاہیے۔ شازیہ مری نے کہاکہ موجودہ مہنگائی اور یوٹیلیٹی بلز کی قیمتوں کے پیش نظر عوام کا گزارا مشکل ہو چکا ہے، وفاقی حکومت کم از کم اجرت میں خاطرخواہ اضافہ کرے اور عوام کو ریلیف دے۔ انہوںنے کہاکہ حکومت پہلے سے بوجھ تلے دبے عوام پر مزید ٹیکس نہ لگائے، زرعی شعبے کو حکومتی خصوصی امداد کے ذریعے مضبوط کیا جائے۔ رہنما پیپلز پارٹی نے کہاکہ رقم امیر طبقے کے بجائے چھوٹے کسانوں کو سبسڈی دینے کے لیے مختص کی جائے، وفاقی حکومت بتائے کہ موجودہ مالی سال کے دوران کتنی نوکریاں پیدا کی گئیں ۔ انہوںنے کہاکہ وفاقی حکومت کو مہنگائی کی شرح کے مطابق تنخواہوں اور پنشن میں اضافہ کرنا چاہیے۔ انہوںنے کہاکہ امید کرتے ہیں کہ وفاقی حکومت اس بجٹ میں عام آدمی کے مسائل کو حل کرنے کی کوشش کریگی
انسانیت کے دشمن دہشتگردوں کے مذموم عزائم خاک میں ملا دیں گے، وزیراعظم