پریمی جوڑے تمنا اور وجے کا شادی کے بجائے صرف دوست بنے رہنے کا فیصلہ؛ وجہ سامنے آگئی
اشاعت کی تاریخ: 7th, March 2025 GMT
بالی ووڈ انڈسٹری کے پریمی جوڑے اداکارہ تمنا بھاٹیہ اور اداکار وجے ورما نے راہیں جدا کرنے کا فیصلہ کرلیا تاہم وہ صرف دوستی کا رشتہ برقرار رکھیں گے۔
بھارتی میڈیا کے مطابق تمنا بھاٹیہ اور وجے ورما کے درمیان کئی برسوں سے جاری رومانوی تعلق بالآخر شادی کے رشتے میں نہ بدل سکا۔
تمنا بھاٹیہ اور وجے ورما نے رومانی تعلق ختم کرنے کا اعلان کیا ہے تاہم دونوں نے ایک دوسرے کا احترام کرتے ہوئے صرف دوست رہنے کا فیصلہ کیا ہے۔
مداح ماضی کی مقبول پریمی جوڑے کے اس فیصلے پر حیران اور پریشان ہیں تاہم اب دونوں فنکاروں میں علیحدگی کی اصل وجہ سامنے آگئی۔
بھارتی میڈیا کی ایک رپورٹ میں دعویٰ کیا گیا ہے کہ 34 سالہ تمنا بھاٹیہ جَلد شادی کرکے گھرداری کرنے کی خواہش رکھتی ہیں جب کہ 38 سالہ اداکار وجے ورما ابھی صرف کیریئر پر فوکس کرنا چاہتے ہیں۔
پریمی جوڑے کے درمیان اس معاملے پر شدید اختلافات ہوگئے تھے اور دونوں نے ایک دوسرے سے راہیں جدا کرنے کا فیصلہ کیا۔
.
ذریعہ: Express News
کلیدی لفظ: پریمی جوڑے کا فیصلہ
پڑھیں:
خفیہ ایٹمی تجربہ کرنے کا الزام؛ صدر ٹرمپ کے بیان پر چین کا ردعمل سامنے آگیا
چین نے ایٹمی تجربات کرنے کے امریکی صدر کے اس دعوے کو مکمل طور پر بے بنیاد اور غیر ذمہ دارانہ قرار دیدتے ہوئے کہا کہ جوہری ہتھیاروں کے عدم پھیلاؤ اور تخفیفِ اسلحہ کے عمل کی حمایت جاری رکھیں گے۔
عالمی خبر رساں ادارے کے مطابق چینی وزارتِ خارجہ کی ترجمان نے کہا کہ گزشتہ کئی دہائیوں سے جوہری تجربات پر عائد غیر رسمی پابندیوں کی مکمل پاسداری کر رہے ہیں۔
چینی ترجمان ماؤ نِنگ نے مزید کہا کہ ایک ذمہ دار ایٹمی ملک کے طور پر چین نے جوہری تجربات معطل کرنے کے اپنے وعدے پر ہمیشہ عمل کیا ہے۔
انھوں نے مزید کہا کہ چین پُرامن ترقی کے راستے پر گامزن ہے اور ایٹم بم کے پہلی ترجیح کے طور پر استعمال نہ کرنے کی پالیسی پر کاربند ہے۔
یہ خبر بھی پڑھیں : پاکستان، چین اور روس خفیہ ایٹمی تجربات کر رہے ہیں، ٹرمپ کا دعویٰ
ترجمان نے اس بات پر بھی زور دیا کہ خود امریکا کو بھی جوہری تجربات پر عائد عالمی پابندی برقرار رکھنی چاہیے اور ایسے اقدامات سے گریز کرنا چاہیے جو بین الاقوامی امن اور توازن کو نقصان پہنچائیں۔
یاد رہے کہ امریکی صدر ٹرمپ نے گزشتہ روز ایک انٹرویو میں الزام عائد کیا تھا کہ چین، روس، شمالی کوریا اور پاکستان خفیہ طور پر زیرِ زمین جوہری تجربات کر رہے ہیں۔
صدر ٹرمپ نے مزید کہا تھا کہ امریکا کو اب مزید خاموش نہیں رہنا چاہیے اور اپنے جوہری تجربات کو پھر سے شروع کردینے چاہئیں۔
یہ خبر پڑھیں : امریکا جب تک ملعون اسرائیل کی حمایت بند نہیں کرے گا، مذاکرات نہیں کریں گے؛ ایران
انھوں نے کہا کہ روس اور چین دونوں تجربات کر رہے ہیں لیکن کوئی اس پر بات نہیں کرتا اور مجھے ڈر ہے امریکا ایٹمی تجربات نہ کرنے والا واحد ملک نہ بن جائے۔
پس منظر:
امریکا نے 1992 سے اب تک کوئی جوہری دھماکہ نہیں کیا ہے جب کہ روس نے 1990 اور چین نے 1996 کے بعد سے کوئی جوہری تجربہ نہیں کیا۔
ان تینوں ممالک کا کہنا ہے کہ وہ صرف “نظامی یا غیر جوہری تجربات” (non-critical tests) کرتے ہیں، جن میں اصل جوہری دھماکا شامل نہیں ہوتا۔
تاہم روس نے گزشتہ ہفتے اعلان کیا تھا کہ اس نے ایک نئی جوہری طاقت سے چلنے والی کروز میزائل "بوریوسٹِنِک" اور جوہری صلاحیت رکھنے والے زیرِ آب ڈرون کا تجربہ کیا ہے۔
جس کے بعد حال ہی میں صدر ٹرمپ نے کہا کہ انھوں نے وزارت دفاع کو نئے ایٹمی تجربات کرنے کی ہدایت کی ہے۔
صدر ٹرمپ کا کہنا تھا کہ اگر ایسا نہ کیا گیا تو چین امریکا سے ایٹمی ہتھیاروں میں آگے نکل جائے گا۔
پاکستان میں ڈیجیٹل معیشت کی ترقی اور فروغ: میٹا کا تعاون مزید بڑھانے کا اعلان