پنجاب پولیس کے تھانیداروں کے لیے بڑی خوشخبری
اشاعت کی تاریخ: 8th, March 2025 GMT
علی ساہی: پنجاب پولیس کے سب انسپکٹرز کے لیے خوشخبری ، 85 خالی سیٹوں پر انسپکٹرز کی ترقی کے لیے امتحان اتوار کو پی پی ایس سی کے ذریعے ہوگا۔
پولیس حکام کے مطابق اس امتحان میں پاس ہونے والے سب انسپکٹرز کو انسپکٹر کے عہدے پر ترقی دی جائے گی۔ اس کے علاوہ ہیڈ کانسٹیبلز، اے ایس آئیز اور سب انسپکٹرز کی ترقی پی کیڈرز کے ذریعے کی جائے گی۔
مقابلے کے امتحان میں حصہ لینے والے ملازمین کو سنیارٹی سے ہٹ کر اگلے رینک میں ترقی ملے گی۔ اس میں اے آئی آئیز کی 1,010 سیٹوں پر 438 سب انسپکٹرز کو ترقی دی جائے گی جبکہ انسپکٹر کی 86 سیٹوں پر بھی ترقی دی جائے گی۔
پنجاب پولیس کے تھانیداروں کےلئے بڑی خوشخبری
آئی جی آفس کی جانب سے سیٹس کی تفصیلات انتظامیہ کو فراہم کر دی گئی ہیں جبکہ اسٹیبلشمنٹ برانچ کی جانب سے امتحان کا سلیبس بھی فراہم کر دیا گیا ہے۔
یہ امتحان پنجاب بھر میں لاہور سمیت مختلف مقامات پر مارچ میں ہوگا۔
ذریعہ: City 42
کلیدی لفظ: سب انسپکٹرز جائے گی
پڑھیں:
پشاور: الخدمت کی جانب سے 8 ٹرکوں پر مشتمل امدادی سامان پنجاب روانہ
پشاور:الخدمت فاؤنڈیشن خیبرپختونخوا وسطی و جنوبی کی جانب سے پنجاب کے سیلاب متاثرین کی امداد کے لیے آٹھ ٹرکوں پر مشتمل امدادی سامان اور رضاکاروں کی تیسری ٹیم پشاور سے پنجاب کے سب سے زیادہ متاثرہ علاقے ملتان روانہ کردی گئی۔
اس سامان میں خشک راشن پر مشتمل فوڈ و ونٹر پیکجز، کچن سیٹ، کمبل، بچوں کے ملبوسات، جوتے، روزمرہ استعمال کے برتن اور دیگر امدادی اشیاء شامل ہیں۔ پنجاب کے سیلاب متاثرین کے لیے امدادی سامان سے لدے ٹرک اور رضاکاروں کی ٹیم روانہ کرنے کے موقع پر ایک تقریب کا انعقاد کیا گیا۔
اس موقع پر جماعت اسلامی خیبرپختونخوا وسطی کے امیر عبدالواسع، الخدمت کے صوبائی صدر خالد وقاص، جنرل سیکرٹری شاکر صدیقی، ریجنل منیجر ڈاکٹر شکیل احمد اور ضلع پشاور کے صدر ارباب عبدالحسیب نے امدادی سامان اور رضاکاروں کو پنجاب کے شہر ملتان کے لیے روانہ کیا۔
تقریب سے خطاب کرتے ہوئے جماعت اسلامی کے صوبائی امیر عبدالواسع اور الخدمت فاؤنڈیشن کے صدر خالد وقاص نے کہا کہ خیبرپختونخوا پر ہر مشکل وقت میں پنجاب کے عوام نے سب سے پہلے اور سب سے زیادہ تعاون کیا ہے۔ آج جب ہمارے صوبے کے شمالی اور بالائی اضلاع میں سیلاب اور کلاوڈ برسٹ کے نتیجے میں بڑے پیمانے پر جانی و مالی نقصانات ہوئے ہیں تو اس موقع پر بھی اہلیانِ پنجاب نے بڑھ چڑھ کر خیبرپختونخوا کے متاثرینِ سیلاب کی مدد کی ہے۔
انہوں نے کہا کہ اب جبکہ سیلاب کی تباہ کاریوں کا سلسلہ پورے ملک، بالخصوص پنجاب میں جاری ہے اور اس وقت پنجاب کا 70 فیصد رقبہ سیلابی پانی کے زیر اثر ہے، اس مشکل وقت میں الخدمت فاؤنڈیشن اور جماعت اسلامی کے رضاکار اور کارکنان اہلیانِ پنجاب کو ہرگز تنہا نہیں چھوڑیں گے۔
الخدمت خیبرپختونخوا وسطی نے ملتان میں سیلاب متاثرین کے لیے ٹینٹ ویلج کا انتظام کر رکھا ہے، جبکہ گزشتہ ایک ہفتے سے الخدمت کے پی کے رضاکار پنجاب کے سیلاب سے متاثرہ علاقوں میں 15 کشتیوں کے ذریعے پانی میں گھرے لوگوں کو ریسکیو کرکے محفوظ مقامات پر منتقل کر رہے ہیں۔
انہوں نے کہا کہ الخدمت فاؤنڈیشن پنجاب کے سیلاب متاثرین کی امداد کا سلسلہ جاری رکھے گا اور صوبے سے رضاکاروں کی تیسری کھیپ اور آٹھ ٹرکوں پر مشتمل امدادی سامان کا قافلہ آج ملتان روانہ کردیا گیا ہے۔
جبری گمشدگیوں پر انکوائری کمیشن نے ماہانہ کارکردگی رپورٹ جاری کردی